
VinFast Electric Scooters India Launch 2027 (फोटो सौजन्य-AI एआय)
विनफास्ट इलेक्ट्रिक स्कूटर्स भारतात 2027 मध्ये दाखल होण्याची शक्यता आहे. व्हिएतनाममधील वाहन कंपनी विनफास्ट इव्हो, क्यो आणि किनेट या 3 इलेक्ट्रिक स्कूटर्स भारतीय मार्केटमध्ये आणण्याची तयारी करत आहे. या तिन्ही स्कूटर्सचे प्रोडक्शन तामिळनाडूमध्ये केले जाणार आहे. भारतीय रस्ते आणि कस्टमरच्या गरजा लक्षात घेऊन या मॉडेल्सच्या डिझाइनमध्ये काही बदल केले जातील.
भारतीय व्हर्जनमध्ये जास्त ग्राउंड क्लीअरन्स, मोठी अंडरसीट स्टोरेज स्पेस आणि सुधारित चेसिस दिले जाण्याची शक्यता आहे. तसेच बॅटरी सेटअप आणि मोटर आउटपुटमध्येही बदल होऊ शकतात. सध्या व्हिएतनाममध्ये विकल्या जाणाऱ्या इव्हो मॉडेलची रेंज 165 किमी असल्याचा कंपनीचा दावा आहे. पण ही रेंज भारतात येणाऱ्या व्हर्जनसाठी लागू असेलच असे नाही.
इव्हो हे तिन्ही मॉडेल्समधील कमी किमतीचे स्कूटर असू शकते. व्हिएतनाममध्ये या स्कूटरमध्ये 1.5 kWh क्षमतेची LFP बॅटरी दिली जाते. गरजेनुसार दुसरी 1.5 kWh बॅटरी जोडण्याचा ऑप्शनही आहे. यात फ्रंट डिस्क ब्रेक, LCD कन्सोल आणि 12-इंच व्हील्स मिळतात. दोन्ही बॅटरी बसवल्यानंतरही 12 लिटरची स्टोरेज स्पेस मिळते.
क्यो हे फॅमिली वापरासाठी तयार केलेले मॉडेल आहे. यात 14-इंच व्हील्स, TFT डिस्प्ले, कीलेस एंट्री आणि हिल-होल्ड असिस्ट मिळते. त्याची अंडरसीट स्टोरेज 21 लिटर आहे. किनेटला स्पोर्टी डिझाइन देण्यात आले असून त्यात 5.2 kW मोटर आहे. ही स्कूटर 0 ते 50 किमी प्रतितास वेग 6 सेकंदांपेक्षा कमी वेळेत गाठू शकते. तिचा टॉप स्पीड 90 किमी प्रतितास आहे.
विनफास्टने भारतात 15 राज्ये आणि केंद्रशासित प्रदेशांमधील 34 शहरांमध्ये 50 पेक्षा जास्त इलेक्ट्रिक टू-व्हीलर डीलर्ससोबत प्राथमिक करार केले आहेत. महाराष्ट्र, तामिळनाडू, गुजरात आणि कर्नाटक या राज्यांचा त्यात समावेश आहे. व्हिएतनाममधील किमतीनुसार इव्होची किंमत सुमारे 68,400 रुपये, क्योची 1.09 लाख रुपये आणि किनेटची 1.46 लाख रुपये आहे. भारतीय किंमती जाहीर झालेल्या नाहीत. भारतात या स्कूटर्सचा सामना टीव्हीएस आयक्यूब, बजाज चेतक, एथर रिझ्टा आणि ओला एस1 सीरिजशी होऊ शकतो.
Ans: विनफास्ट इव्हो, क्यो आणि किनेट या 3 इलेक्ट्रिक स्कूटर्स 2027 मध्ये भारतात लाँच करण्याची कंपनीची योजना आहे.
Ans: व्हिएतनाममध्ये विकल्या जाणाऱ्या इव्हो स्कूटरची दावा केलेली रेंज 165 किमी आहे. भारतीय व्हर्जनची रेंज अजून जाहीर झालेली नाही.
Ans: या तिन्ही इलेक्ट्रिक स्कूटर्सचे स्थानिक प्रोडक्शन तामिळनाडूमध्ये करण्याची कंपनीची योजना आहे.