समोर आलेल्या डिझाइनमध्ये ग्रँड प्रेमियाचा सर्वात लक्षवेधी भाग म्हणजे त्याचे फ्रंट फेअरिंग. बाइकला गोलाकार एलईडी हेडलाइट क्लस्टर देण्यात आले असून, त्याभोवती डे-टाइम रनिंग लाइट्स दिसतात. या रचनेमुळे बाइकला क्लासिक आणि प्रीमियम लूक मिळतो. सध्याच्या विनफास्टच्या अनेक इलेक्ट्रिक मोटरसायकलींपेक्षा हा फ्रंट डिझाइन वेगळा दिसतो.
पुण्यात TVS iQube MillionR चा जलवा! एकाच दिवशी 100 हून जास्त स्कूटरची डिलिव्हरी
फ्रंट पॅनेलवर आणखी एक आकर्षक ट्रिम पट्टी देण्यात आली आहे. तिची रचना टायसारखी दिसते आणि त्यावर चमकदार रंगांचा वापर करण्यात आला आहे. त्यामुळे बाइकच्या पुढच्या भागाला वेगळी ओळख मिळते. मागच्या बाजूच्या डिझाइनमध्ये विनफास्टच्या इवो सीरिजशी काही साम्य दिसत असल्याने, ग्रँड प्रेमिया ही त्याच डिझाइन फिलॉसॉफीवर आधारित पण जास्त प्रीमियम मॉडेल असण्याची शक्यता व्यक्त केली जात आहे.
पण विनफास्टने अद्याप या इलेक्ट्रिक मोटरबाइकची तांत्रिक माहिती जाहीर केलेली नाही. त्यामुळे मोटरची पॉवर, बॅटरी क्षमता, रेंज किंवा बॅटरी स्वॅपिंगची सुविधा मिळणार आहे की नाही, हे सध्या स्पष्ट झालेले नाही. अधिकृत लॉन्चवेळी या प्रश्नांची उत्तरे मिळण्याची अपेक्षा आहे.
सध्या विनफास्टकडे इवो लाइट, इवो निओ आणि इवो ग्रँड यांसारखी इलेक्ट्रिक मॉडेल्स आहेत. याशिवाय कंपनीने क्यो आणि काइनेट ही नवीन उत्पादनेही सादर केली आहेत. त्यामुळे ग्रँड प्रेमियाच्या आगमनामुळे विनफास्टच्या इलेक्ट्रिक टू-व्हीलर लाइनअपमध्ये आणखी एक प्रीमियम ऑप्शन जोडला जाणार आहे.
.png "Videos"){kind=small}
