Four Wheeler मार्केट गाजवलं, आता टू व्हीलर गाजणार! ‘ही’ कंपनी इलेक्ट्रिक स्कूटर लाँच करण्याच्या तयारीत

इलेक्ट्रिक कार ऑफर केल्यानंतर व्हिएतनामची ऑटो कंपनी VinFast ही 2026 मध्ये त्यांची इलेक्ट्रिक स्कूटर ऑफर करणार आहे. चला याबद्दल अधिक माहिती जाणून घेऊयात.

• VinFast च्या दमदार इलेक्ट्रिक कार मार्केटमध्ये लोकप्रिय
• 2026 मध्ये कंपनी इलेक्ट्रिक स्कूटर लाँच करण्याच्या तयारीत
• किती असू शकते अपेक्षित किंमत?

भारतीय ऑटो बाजारात अनेक इलेक्ट्रिक कार्सना सुसाट मागणी मिळत आहे. त्यामुळेच तर हीच मागणी लक्षात घेत अनेक विदेशी ऑटो कंपन्या देखील भारतात त्यांच्या इलेक्ट्रिक कार ऑफर करत आहे. नुकतेच काही महिन्यांपूर्वी भारतीय मार्केटमध्ये व्हिएतनामची ऑटो कंपनी VinFast ने देखील त्यांच्या 2 इलेक्ट्रिक कार ऑफर केल्या.

विनफास्ट आता त्यांची ई-स्कूटर देखील भारतात आणण्याची योजना आखत आहे. भारतात कंपनीचा कोणता ई-स्कूटर लाँच होऊ शकते. त्याबद्दल जाणून घेऊयात.

याला म्हणतात विंटेज लूक! Harley-Davidson X440T झाली सादर, दमदार फीचर्सने सुसज्ज

भारतात विनफास्ट ई-स्कूटर लाँच टाइमलाइन

कंपनी 2026 मध्ये भारतात इलेक्ट्रिक स्कूटर लाँच करण्याची योजना आखत आहे. लाँचची तारीख अद्याप जाहीर केलेली नसली तरी 2026 च्या दुसऱ्या सहामाहीत, सणासुदीच्या काळात लाँच होण्याची शक्यता आहे. कंपनी सध्या भारतीय बाजारपेठ, स्थानिक गरजा आणि संभाव्य ग्राहकांची मागणी समजून घेण्यासाठी व्यवहार्यता अभ्यास करत आहे.

प्रीमियम स्कूटर्स

थिओन एस (Theon S)

मोठी साइझ

• 14-इंच अलॉय व्हील्स
• चांगली राइड क्वालिटी
• व्हेंटो एस (Vento S)
• क्लासिक ट्रॅडिशनल लूक
• 12-इंच अलॉय
• स्विंग आर्म-माउंटेड मोटर
• कार्यप्रदर्शन आणि रेंज चांगले संतुलित

‘या’ Cars मुळे Tata Sierra चा मार्केट ढिल्ला होऊ शकतो, कोण मारेल बाजी? जाणून घ्या

व्हेरो एक्स (Vero X)

• व्हेंटो एस सारखीच दिसते
• हब मोटर
• फ्लोअरबोर्डमध्ये स्थिर बॅटरी
• सीटखाली 18 किलो काढता येण्याजोगी बॅटरी (पर्यायी)
• बजेट फ्रेंडली ई स्कूटर

बजेट फ्रेंडली रेंजमध्ये विनफास्ट Evo Grand, Klara Neo आणि Feliz या इलेक्ट्रिक स्कूटर लाँच करणार आहे.

भारतासाठी VinFast ची कोणती स्कूटर बेस्ट?

कंपनीची संपूर्ण लाइनअप पाहिल्यानंतर Vento S ही भारतासाठी सर्वात चांगला पर्याय असू शकते. त्याची परफॉर्मन्स आणि रेंज भारतीय रस्त्यांच्या परिस्थितीनुसार योग्य आणि संतुलित आहे.

• फीचर्स
• LED लाइटिंग
• प्रोजेक्टर हेडलॅम्प
• सिंगल-चॅनल ABS
• डिजिटल मीटर
• स्मार्टफोन कनेक्टिव्हिटी
• फोन-अ‍ॅज-अ-की फीचर
• रिमोट स्टार्ट/स्टॉप

भारतामध्ये लाँच करण्यापूर्वी VinFast कंपनी त्याच्या सस्पेन्शन ट्युनिंगमध्ये आणि काही फीचर्समध्ये बदल करू शकते, जेणेकरून स्कूटर स्थानिक गरजांसाठी अधिक उपयुक्त ठरेल.

किंमत किती असू शकते?

VinFast Vento S ची भारतात किंमत सुमारे 1 लाख ते 1.1 लाख रुपये असू शकते. ही स्कूटर लाँच झाल्यास याचा थेट मुकाबला Bajaj Chetak, TVS iQube, Ather Rizta आणि Ola S1X यांच्यासोबत होईल.