रविवार, 4 ऑक्टोबर 2026
Winter Tyre Pressure (फोटो सौजन्य- सोशलमीडिया) Winter Tyre Pressure (फोटो सौजन्य- सोशलमीडिया)
थंडी सुरु झाली की गाडीच्या टायरमधली हवा कमी झाल्यासारखी वाटते. सकाळी गाडी काढली की टायर थोडे बसल्यासारखे दिसतात. हे का होतं आणि हिवाळ्यात टायरमध्ये किती हवा भरायची, हे बऱ्याच लोकांना माहिती नसतं. चुकीच्या हवेमुळे गाडीचा बॅलन्स बिघडतो, मायलेज कमी होतं आणि अपघाताचा धोका वाढू शकतो. त्यासाठी थंडीत टायरची काळजी कशी घ्यावी ते समजून घेणं ते सुद्धा महत्त्वाचे आहे. Winter Tyre Pressure:
हा साधा विज्ञानाचा नियम आहे. तापमान कमी झालं की हवेचा दाब पण कमी होतो. उन्हाळ्यात टायरमध्ये 32 PSI हवा असेल तर थंडीत ती आपोआप 28-29 PSI पर्यंत खाली येते. म्हणून उन्हाळ्यात बरोबर वाटणारी हवा हिवाळ्यात कमी होते.काही गाड्यांच्या मॅन्युअलमध्ये लिहिलेलं असतं की प्रत्येक 7 डिग्री तापमान कमी झालं की 1 PSI हवा कमी होते. पण हे सगळ्या गाड्यांना लागू होत नाही. त्यामुळे अंदाजाने हवा भरू नका.
सगळ्यात महत्वाची गोष्ट म्हणजे टायरच्या बाजूला जो PSI लिहिलेला असतो तो तुमच्या गाडीसाठीचा योग्य दाब नाही. तो त्या टायरचा जास्तीत जास्त दाब असतो. तुमच्या गाडीसाठी योग्य दाब किती आहे हे कंपनी ठरवते.
तुमच्या गाडीसाठी योग्य हवेचा दाब हा ड्रायव्हरच्या बाजूच्या दरवाजाच्या आत एका स्टिकरवर लिहिलेला असतो. तसेच गाडीच्या मॅन्युअलमध्ये पण तो दिलेला असतो. तिथेच बघून हवा भरायची असते.भारतामध्ये बहुतेक गाड्यांसाठी हा दाब 30 ते 35 PSI च्या मध्ये असतो. पण प्रत्येक गाडीचा दाब वेगळा असतो. पुढच्या आणि मागच्या टायरसाठी पण वेगळा दाब असू शकतो. म्हणून स्टिकरवर जे लिहिलंय तेच पाळा.
उदाहरणार्थ, जर तुमच्या गाडीसाठी कंपनीने 32 PSI सांगितला असेल तर हिवाळ्यात पण थंड टायरमध्ये 32 PSI च हवा असली पाहिजे. थंडी आहे म्हणून जास्त हवा भरायची गरज नाही. कंपनीने सांगितलं तेवढीच हवा ठेवा.
टायरमधली हवा नेहमी टायर थंड असतानाच तपासावी. गरम टायरमध्ये हवा तपासली तर ती जास्त दाखवते.
तर गाडी कमीत कमी 3 तास एका जागी उभी असेल तर टायर थंड मानले जातात. NHTSA आणि मिशेलिन सारख्या मोठ्या कंपन्या पण हेच सांगतात की सकाळी गाडी चालवण्याआधीच हवा चेक करा.लांबच्या प्रवासाला जाण्याआधी चारही टायर आणि स्टेपनीतली हवा नक्की तपासा. प्रवासात पण मधून मधून चेक करत रहा.
टायरमध्ये हवा कमी असेल तर खूप प्रॉब्लेम होतात. गाडी चालवताना कंट्रोल बिघडतो, टायर जास्त गरम होतात, टायरची झीज एका बाजूने होते आणि पेट्रोल पण जास्त लागतं.आणि जर हवा जास्त भरली तर गाडी खूप उडते, खडबडीत रस्त्यावर त्रास होतो आणि टायर मधून जास्त झिजतो.म्हणून थंडी आहे म्हणून जास्त हवा भरायची ही चूक करू नका. फक्त कंपनीने सांगितलेला दाब ठेवा.जर तुमच्या गाडीच्या एकाच टायरमधली हवा सारखी सारखी कमी होत असेल तर ते नॉर्मल नाही. त्याला पंक्चर असेल किंवा व्हॉल्व्ह लीक असेल. अशा वेळी चांगल्या टायरवाल्याकडे जाऊन तपासून घ्या.थोडक्यात, हिवाळ्यात टायरकडे जरा जास्त लक्ष द्या. योग्य PSI हवा ठेवा आणि सुरक्षित ड्रायव्हिंग करा.
