World Most Expensive Car: आयुष्याची सगळी जमापुंजी दिलीत तरी सुद्धा ‘ही’ कार खरेदी करता येणार नाही!

आज आपण जगातील सर्वात महागड्या कारबद्दल जाणून घेणार आहोत, जी खरेदी करण्यासाठी तुम्ही आयुष्यभराची कमाई खर्च केली तरीही ती तुमच्या आवाक्याबाहेरच राहील.

भारतासह संपूर्ण जगभरात एकापेक्षा एक नवी कार्स ऑटो बाजारात येत असतात. मात्र काही कार्स अशा असतात ज्या केवळ चार चाकी वाहन म्हणून नाही, तर एखाद्या स्वप्नासारख्या वाटतात म्हणजेच मनात घर करून बसतात. देशात बजेट फ्रेंडली कार सर्वाधिक विकल्या जात असल्या तरी सर्वात जास्त चर्चा ही लक्झरी कारची होत असते. त्यामुळेच अनेकांना नेहमीच उत्सुकता असते की, जगातली सर्वात महागडी कार कोणती आहे आणि तिची किंमत किती आहे?

आज आपण अशाच एका जबरदस्त लक्झरी कारबद्दल जाणून घेणार आहो, जी केवळ आकर्षक नाही, तर जगातील सर्वात महागडी कार देखील आहे. ही कार म्हणजे Rolls-Royce La Rose Noire Droptail.

कधी आणि कुठे लाँच झाली ही लक्झरी कार?

ऑगस्ट 2023 Rolls-Royce La Rose Noire Droptail कार जागतिक बाजारात लाँच करण्यात आली. Rolls-Royce सारख्या प्रतिष्ठित ब्रँडकडून तयार करण्यात आलेली ही कार म्हणजे लक्झरी कार्सच्या दुनियेत एक नवा मैलाचा दगड आहे.

‘या’ कंपनीच्या कर्मचाऱ्यांची दिवाळी ‘लक्झरी’ झाली! चक्क Diwali Bonus म्हणून मिळाली आलिशान कार

ही कार सुमारे 30 मिलियन डॉलर्स म्हणजेच भारतीय चलनात जवळपास 211 कोटी रुउपयांची आहे. इतक्या प्रचंड किमतीत लाँच करण्यात आली होती. ही किंमत इतकी अफाट आहे की सामान्य व्यक्ती आयुष्यभर कमावलं तरीदेखील ती विकत घेणे शक्य होणार नाही!

Rolls-Royce La Rose Noire Droptail ची इंजिन पॉवर किती आहे?

ही लक्झरी सुपरकार केवळ सौंदर्यातच नव्हे, तर पॉवर आणि परफॉर्मन्समध्येही कमालीची आहे. या कारमध्ये 6.75-लिटर ट्विन-टर्बो V12 इंजिन देण्यात आले आहे. जे 563 bhp ची पॉवर आणि 820 Nm टॉर्क जनरेट करतं. ही कार केवळ 2-सीटर आहे, म्हणजे एक ड्रायव्हर आणि एक प्रवासी. याचे हार्ड टॉप रिमूव्हेबल आहे, म्हणजेच ही कार ड्रॉपटेल स्टाईलमध्ये ओपन-एअर अनुभव देऊ शकते. बॉडी बनवताना कार्बन फायबर, स्टील आणि अ‍ॅल्युमिनियम यांचा वापर करण्यात आला आहे, ज्यामुळे कार हलकी पण मजबूत राहते.

भारतात लाँच होणारी Audi Q3 प्रवाशांसाठी किती सुरक्षित? Euro NCAP Test मध्ये किती मिळाली सेफ्टी रेटिंग?

डिझाइन आणि फिनिश

या कारचा एक विशेष भाग म्हणजे याचे आकर्षक आणि वेगळे डिझाइन. Black Baccara Rose नावाच्या फ्रेंच फुलांच्या पाकळ्यांपासून प्रेरणा घेऊन हे डिझाइन तयार करण्यात आले आहे. ही पाकळी कोणत्याही कोनातून पाहिल्यावर वेगवेगळ्या शेड्समध्ये चमकते, आणि याच तंत्रज्ञानाचा वापर कारच्या बॉडी पेंटमध्ये करण्यात आला आहे.

विशेष म्हणजे, कारच्या अंतिम कलर कॉम्बिनेशनसाठी तब्बल 150 पेक्षा अधिक टेस्ट्स घेण्यात आल्या होत्या. यावरून या कारमध्ये असलेले बारकावे आणि मेहनत लक्षात येते.