Yamaha च्या ‘या’ 2 बाईक भारतात पुन्हा दिसणार नाही! विक्री पूणर्पणे बंद

भारतीय दुचाकी बाजारात Yamaha अनेक वर्षांपासून उत्तम बाईक आणि स्कूटर ऑफर करत आहे. मात्र, आता कंपनीने त्यांच्या 2 बाईकची विक्री पूर्णपणे थांबवली आहे.

• यामाहाच्या 2 बाईक भारतीय बाजारात बंद
• Yamaha YZF R3 आणि MT 03 पूर्णपणे बंद
• जाणून घ्या दोन्ही बाईकची किंमत

भारतीय ग्राहक जेव्हा बाईक खरेदी करण्यासाठी जातात तेव्हा त्यांची एक साधी अपेक्षा असते की त्यांची बाईक दिसायला दमदार आणि परफॉर्मन्समध्ये सुसाट असावी. हीच मागणी लक्षात घेत Yamaha ने देशात अनेक उत्तम परफॉर्मन्स देणाऱ्या बाईक ऑफर केल्या आहेत. मात्र, आता मीडिया रिपोर्ट्सनुसार कंपनीने बाजारात ऑफर करत असलेल्या दोन बाईकची विक्री बंद केली आहे. भारतात कोणत्या दोन बाईक बंद करण्यात आल्या आहेत, त्याबद्दल आपण जाणून घेऊयात.

कोणत्या बाईकची विक्री झाली बंद

रिपोर्टनुसार, कंपनीने ज्या बाईक बंद केल्या आहेत त्यामध्ये यामाहा Yamaha YZF R3 आणि Yamaha MT 03 यांचा समावेश आहे. मात्र, कंपनीकडून अद्याप तरी याबाबत कोणतीही औपचारिक माहिती देण्यात आलेली नाही. डीलरशिपमध्ये दोन्ही बाईक्सचा स्टॉक आधीच संपला आहे आणि त्यांची आयात देखील थांबवण्यात आली आहे. कंपनीनेने दोन्ही मोटारसायकली भारतात सीबीयू म्हणून ऑफर केल्या आहेत.

नवीन MG Hector भारतात लाँच! फीचर्स आणि इंजिन असं जे Mahindra आणि Tata ला धडकी भरेल

किंमत किती?

यामाहा YZF R3 ची एक्स-शोरूम किंमत 4.65 लाख रुपये होती आणि MT03 ची एक्स-शोरूम किंमत 4.60 लाख रुपये होती. ऑक्टोबर 2025 मध्ये किमतीत सूट जाहीर करण्यात आली, ज्यामुळे किमती अनुक्रमे 3.39 लाख आणि 3.30 लाख रुपये झाल्या.

इंजिन किती पॉवरफुल?

कंपनी दोन्ही बाईकवर समान इंजिन देत असे. हे 321 सीसी पॅरलल ट्विन इंजिन होते, जे 41.42 बीएचपी पॉवर आणि 29.5 एनएम टॉर्क निर्माण करते. दोन्ही बाईक्स 6-स्पीड ट्रान्समिशन देखील देण्यात आले.

खूप झाल्या ई-बाईक आणि कार! मार्केटमध्ये आता Tata Electric Cycle ठरतेय दमदार, फुल चार्जवर मिळेल 250 KM ची रेंज

फीचर्स

कंपनीने समोर USD फोर्क्स, मागील बाजूस मोनोशॉक सस्पेंशन, ड्युअल-चॅनेल ABS, दोन्ही चाकांवर डिस्क ब्रेक, डिजिटल इन्स्ट्रुमेंट क्लस्टर आणि एलईडी लाईट्स असे फीचर्स दिले होते.

कोणासोबत होती स्पर्धा?

या बाईक बाजारात नेकेड आणि फेयर्ड बाईक म्हणून उपलब्ध होत्या. त्यांनी KTM Duke,Suzuki Gixxer 250, आणि Bajaj बाईक्सशी स्पर्धा केली होती.