गुरुवार, 12 नोव्हेंबर 2026
फोटो सौजन्य AI
एली लिलीच्या या औषधाचे नाव ऑर्फॉरग्लिप्रॉन ( Orforglipron ) असून चीनमध्ये ते मुयोउडा ( Muyouda ) या ब्रँड नावाने ओळखले जाणार आहे . चीनच्या राष्ट्रीय वैद्यकीय उत्पादने प्रशासनाने १२ नोव्हेंबर २०२६ रोजी या औषधाला मंजुरी दिली .ही गोळी दिवसातून एकदा घ्यावी लागते . खास म्हणजे इंजेक्शनच्या तुलनेत गोळीचा पर्याय उपलब्ध झाल्याने वजन कमी करण्याचा उपचारांमध्ये मोठा बदल होण्याची शक्यता आहे . चीनमध्ये याआधी GLP -१ आधारित वजन कमी करण्याची औषधे प्रामुख्याने इंजेक्शनच्या स्वरूपात उपलब्ध होती .
या औषधाच्या तिसऱ्या टप्प्यातील क्लिनिकल चाचण्यामध्ये महत्वाचे परिणाम दिसून आले आहे . ७२ आठवड्यांच्या चाचणीत सर्वाधिक डोस घेणाऱ्या सहभागींच्या शरीराच्या वजनात सरासरी १२.४ टक्क्यांची घट नोंदवण्यात आली . GLP -१ औषधे भूक नियंत्रित करण्यास आणि रक्तातील साखरेचे प्रमाण संतुलित ठेवण्यास मदत करतात . त्यामुळे लठ्ठपणा आणि टाईप २मधुमेहाच्या उपचारांमध्ये या औषधांच्या वापरला महत्व प्राप्त झाले आहे . मात्र प्रत्येक व्यक्तीला सामान परिणाम मिळतीलच असे नाही . औषधांचे फायदे , दुष्परिणाम आणि योग्य डोस याबाबत वैद्यकीय तज्ज्ञांचा सल्ला आवश्यक आहे .
एली लिलीच्या या मंजुरीमुळे डॅनिश औषधनिर्मिती कंपनी नोवो नॉर्डिस्कसमोर मोठे आव्हान उभे राहिले आहे . नोवो नॉर्डिस्कही आपल्या Wegovy या वजन कमी करण्याच्या औषधाच्या गोळीच्या स्वरूपाला चीनमध्ये मंजुरी मिळण्याच्या प्रयत्नात आहे .
याशिवाय फायझर आणि चीनमधील स्थानिक औषध कंपन्याही या बाजारपेठेत स्पर्धा करत आहेत . चीनमध्ये लठ्ठपणाचे प्रमाण वाढत असल्याने वजन कमी करण्याच्या औषधांची मागणीही वाढण्याचा अंदाज आहे . पुढील पाच ते सात वर्षात चीनमधील GLP -१ वजन व्यवस्थापन औषधांची वार्षिक बाजारपेठेत ३० अब्ज युआनपर्यंत पोहोचू शकते . मात्र एली लिलीने अद्याप या गोळीची चीनमधील किंमत आणि विक्री सुरु होण्याची तारीख जाहीर केलेली नाही .
