Apollo Hospital FDA Raid : एक्सपायर्ड जेवण देत होतं हॉस्पिटल, बंगळुरुमधील धक्कादायक प्रकार! FDA च्या कारवाईत उघड

Apollo Hospital FDA Raid : जिथे इलाज, तिथेच आजारपण असा धक्कादायक प्रकार बंगळुरू येथील प्रसिद्ध अपोलो रुग्णालयात उघडकीस आला आहे. अन्न आणि औषध प्रशासनाने रुग्णालयाच्या किचनवर टाकलेल्या धाडीत रुग्णांना कालबाह्य अन्नपदार्थ दिले जात असल्याचे समोर आले आहे.

• एक्सपायर्ड जेवण देत होतं हॉस्पिटल
• बंगळुरुमधील धक्कादायक प्रकार!
• FDA च्या कारवाईत उघड

Apollo Hospital FDA Raid : महाराष्ट्र असो, बंगळूरु असो किंवा उत्तर प्रदेश, अन्न सुरक्षा विभाग देशभरातील अनेक राज्यांमध्ये छापेमारी सुरु आहे. अन्नाची शुद्धता तपासण्यासाठी, सुरुवातीला अन्नधान्याच्या दुकानांवर, त्यानंतर पंचतारांकित हॉटेल्सवर छापे टाकले जात आहेत. पण आता खासगी रुग्णालयांवरही छापेमारी केली जात असल्याचं उघड झालं आहे. यातील ताजे प्रकरण कर्नाटकाची राजधानी बंगळूरु येथील आहे, जिथे कर्नाटक अन्न सुरक्षा विभागाने प्रसिद्ध अपोलो रुग्णालयाच्या ( Apollo Hospital FDA Raid ) स्वयंपाकघरावर धाड टाकली. यासगळ्यात धक्कादायक प्रकार उघड झाला.

High Court Action On Dabur Toothpaste : दाबर कंपनीला मोठा धक्का! ‘नीम’ टूथपेस्टवर हायकोर्टाची बंदी; नेमका का घेतला निर्णय?

हिंदुस्तान टाइम्सच्या वृत्तानुसार, अन्न सुरक्षा विभागाच्या पथकाने अपोलो रुग्णालयाच्या स्वयंपाकघराची तपासणी केली. तपासणीदरम्यान, अधिकाऱ्यांना मुदत संपलेला रवा, पिठीसाखर, मैदा आणि अनेक बेकरी उत्पादने डब्यांमध्ये साठवलेली आढळली. अधिकाऱ्यांना स्वयंपाकघरात मुदत संपलेल्या इतर अनेक वस्तूही आढळून आल्या.

एक्सपायर्ड वस्तूंमध्ये कोणत्या आहेत?

मुदत संपलेल्या वस्तूंमध्ये मिक्सरचे चार पाकिटे आणि पाणीपुरीच्या नऊ पाकिटांचा समावेश आहे. पथकाला शिळा पावही आढळला. मेथीची पाच पाकिटे, अंदाजे ३० किलो वजनाची भाजलेल्या हरभऱ्याची सहा पाकिटे, ३० किलो वजनाचे हिरव्या वाटाण्याचे एक पाकीट आणि ३० किलो वजनाची मूग डाळीची पाच पाकिटेही आढळून आली.

बंगळूरुमध्ये अन्न सुरक्षा तपासणी तीव्र

बंगळूरुमध्ये सुरू असलेल्या अन्न सुरक्षा मोहिमेचा एक भाग म्हणून ही कारवाई केली जात आहे. प्रमुख हॉटेल्स, रेस्टॉरंट्स आणि इतर आस्थापनांच्या स्वयंपाकघरांमधील खाद्यपदार्थांची तपासणी केली जात आहे. कर्नाटकचे आरोग्य मंत्री यू. टी. खादर यांनी यापूर्वी सांगितले होते की, कोणत्याही कारणास्तव तपासणी थांबवली जाणार नाही आणि सार्वजनिक आरोग्याला सर्वोच्च प्राधान्य दिले जाईल.

अन्न सुरक्षा आणि मानक कायदा २००६ आणि अन्न सुरक्षा मानक विनियम २०११ नुसार ही तपासणी केली जात आहे. अन्न सुरक्षा आणि औषध प्रशासनाने अन्न व्यवसाय चालकांना नियमांचे काटेकोरपणे पालन करण्याचे निर्देश दिले आहेत. नियमांचे उल्लंघन केल्यास कारवाईचा इशारा देण्यात आला आहे.

आलिशान हॉटेल्समध्येही धाड

यापूर्वी बंगळूरुमधील अनेक प्रमुख आलिशान हॉटेल्स आणि रिसॉर्ट्समध्ये तपासणी करण्यात आली होती. फोर सीझन्स आणि शांग्री-ला सह काही ठिकाणी मुदत संपलेले दूध, खराब झालेले मांस आणि इतर त्रुटी आढळून आल्या होत्या. रुग्णालयाच्या स्वयंपाकघरात मुदत संपलेल्या वस्तू सापडल्याने हे स्पष्ट होते की अन्न सुरक्षा नियम केवळ हॉटेल्स आणि रेस्टॉरंट्सपुरते मर्यादित नाहीत. रुग्णालयांसारख्या संस्थांना देखील खाद्यपदार्थांच्या गुणवत्तेशी आणि स्वच्छतेशी संबंधित नियमांचे पालन करणे आवश्यक आहे.

Investment Rules : लाखो रुपये असूनही वेळेवर वापरता येत नाहीत? Dead Money च्या जाळ्यात अडकण्याआधी व्हा सतर्क