बुधवार, 11 नोव्हेंबर 2026
(फोटो सौजन्य - सोशल मीडिया)
गुंतवणुकीच्या जगात, ‘डेड मनी’ हा एक धोका आहे ज्याकडे गुंतवणूकदार अनेकदा दुर्लक्ष करतात. याचा अर्थ अशा गुंतवणुकी आहेत ज्यात पैसे टिकून राहतात, पण त्यातून दीर्घकाळात त्यावर काहीच रिटर्न मिळत नाही. तज्ज्ञांनी स्पष्ट केलं जर एखादा फंड दीर्घकाळापासून खराब कामगिरी करत असेल, तर तो तुमच्या पोर्टफोलिओमध्ये ‘डेड मनी’ बनू शकतो.
‘डेड मनी’चा अर्थ असा नाही की गुंतवणुकीत नेहमीच तोटा होतो. कधीकधी, गुंतवलेली मूळ रक्कम सुरक्षित असते, पण त्यातून खूप कमी किंवा काहीच रिटर्न मिळत नाही. अशा परिस्थितीत, गुंतवणूकदार असे गृहीत धरतात की त्यांचे पैसे सुरक्षित आहेत, त्यामुळे कोणतीही मोठी समस्या नाही. पण खरे नुकसान इतरत्र होत असते जे थेट दिसून येत नाही.
जेव्हा तुम्ही गुंतवलेल्या पैशातून चांगला रिटर्न देणाऱ्या फंडमध्ये दीर्घ काळासाठी गुंतवलेले असतात, तेव्हा तुम्ही गुंतवणुकीच्या इतर, चांगल्या संधी गमावून बसता. याला ‘संधी खर्च’ म्हणजेच opportunity cost म्हणतात. याचा अर्थ असा की, जर तुमचे पैसे अधिक चांगल्या पर्यायात वेगळ्या ठिकाणी गुंतवले असते, तर त्यावर जास्त रिटर्न मिळू शकला असता. त्यामुळे, केवळ तुमचे पैसे सुरक्षित ठेवणं पुरेसे नाही.
पण अशा वेळेला खराब कामगिरी करणाऱ्या प्रत्येक फंडाला ‘डेड मनी’ ठरवून लगेच विकण्याची गरज नाही. ठराविक कालावधीत त्याच्या कामगिरीवर लक्ष ठेवणे महत्त्वाचे आहे. जर एखादा फंड ४, ६, किंवा ८ तिमाहींसाठी, किंवा अंदाजे १ ते २ वर्षांसाठी सातत्याने खराब कामगिरी करत असेल, तर त्याकडे लक्ष देणं गरजेचं ठरेल.
त्याच श्रेणीतील इतर फंड कशी कामगिरी करत आहेत यावर लक्ष ठेवणे देखील महत्त्वाचे आहे. जर इतर फंड चांगला रिटर्न देत असतील, पण तुमचा फंड सातत्याने मागे पडत असेल, तर ही काळजीची ठरु शकते.
जर एखादा फंड ४ ते ८ तिमाहींसाठी सातत्याने खराब कामगिरी करत असेल, आणि त्याच श्रेणीतील इतर फंड चांगला परतावा देत असतील, तर गुंतवणूकदारांनी त्यांच्या पोर्टफोलिओचा आढावा घ्यावा. अशा परिस्थितीत, त्या फंडाला ‘डेड मनी’ ठरवून पोर्टफोलिओमधून काढून टाकण्याचा विचार केला जाऊ शकतो. त्यामुळे तुम्हीही अशा कोणत्या फंडमध्ये गुंतवणूक केली नाही ना? याची खात्री नक्की करा. आणि तुमचे पैसे डेड होण्यापासून नक्की वाचवा.
स्वस्तात मस्त जेवण! Swiggy वर बजेट फूडची क्रेझ; प्रत्येक 7 पैकी 1 ऑर्डर 99 Store वरून
