Bank of Baroda 400 Days FD: पैसे 400 दिवसांसाठी FDमध्ये ठेवले तर किती परतावा मिळेल? Bank of Baroda चे व्याज गणित पाहा

Bank of Baroda 400 Days FD: दिलेल्या माहितीनुसार, ५९ वर्षांपर्यंतच्या ग्राहकांना ६.२५%, ६० वर्षे किंवा त्याहून अधिक वयाच्या ज्येष्ठ नागरिकांना ६.७५%, तर ८० वर्षे किंवा त्याहून अधिक वयाच्या सुपर सीनियर नागरिकांना ६.८५% व्याज मिळते. या FDमध्ये कमाल ₹३ कोटींपर्यंत गुंतवणूक करता येते.

बँक ऑफ बडोदा सध्या 7 दिवसापासून ते 10 वर्षापर्यंत FD ची सुविधा देत आहे. यावर 3.50 टक्के पासून ते 7.35 टक्के पर्यंत व्याज मिळत आहे. पण यात सगळ्यात जास्त चर्चा आहे ती 400 दिवसांच्या FD ची.

400 दिवसांच्या FD वर किती व्याज मिळणार?

बँक ऑफ बडोदाच्या 400 दिवसांच्या स्पेशल FD वर तुम्हाला चांगलं व्याज मिळतंय. यात वयानुसार व्याज वेगळं आहे.जर तुमचं वय 59 वर्षापर्यंत असेल तर तुम्हाला 6.25% व्याज मिळेल. जर तुम्ही ज्येष्ठ नागरिक असाल, म्हणजे 60 वर्ष किंवा त्यापेक्षा जास्त वय असेल तर तुम्हाला 6.75% व्याज मिळेल. जर तुमचं वय 80 वर्ष किंवा त्यापेक्षा जास्त असेल, ज्यांना सुपर सिनियर सिटिझन म्हणतात, त्यांना तर 6.85% इतकं बंपर व्याज मिळणार आहे.या स्कीममध्ये तुम्ही जास्तीत जास्त 3 कोटी रुपयांपर्यंत पैसे गुंतवू शकता. म्हणजे ज्यांच्याकडे मोठी रक्कम आहे त्यांच्यासाठी पण हा चांगला पर्याय आहे. Bank of Baroda 400 Days FD:

ज्येष्ठ नागरिकांसाठी जास्त फायदा

नेहमीप्रमाणे बँक ऑफ बडोदा ज्येष्ठ नागरिकांची जास्त काळजी घेते. सामान्य माणसापेक्षा ज्येष्ठ नागरिकांना 0.50% जास्त व्याज दिलं जातं. आणि सुपर सिनियर नागरिकांना तर ज्येष्ठ नागरिकांपेक्षा पण 0.10% जास्त व्याज मिळतं. त्यामुळे वयस्कर लोकांसाठी ही FD एकदम फायद्याची आहे.

Jio, Airtel ची Vi विरुद्ध तक्रार! Vodafone Idea च्या अडचणी वाढल्या, TRAI कडून चौकशी; नेमकं प्रकरण काय?

व्याजदर कधी बदलले?

बँक ऑफ बडोदाने यंदा जून महिन्यातच आपले FD चे व्याजदर बदलले होते. तुम्हाला माहितीच असेल की सगळ्या बँका RBI चा रेपो रेट बघून आपले व्याजदर ठरवतात. रेपो रेट कमी-जास्त झाला की FD चे दर पण बदलतात.त्यामुळे जर तुम्ही FD करायचा विचार करत असाल तर हीच योग्य वेळ आहे. कारण व्याजदर कधी कमी होतील सांगता येत नाही.

Global Market Crash : नशीब… भारतातील शेअर बाजार आज बंद! शेजारील देशांच्या बाजारात हाहाःकार, काय नेमकी परिस्थिती?

FD का करावी?

आजकाल शेअर मार्केटमध्ये रिस्क खूप आहे. पैसा कधी वाढेल आणि कधी कमी होईल सांगता येत नाही. पण FD मध्ये तुमचा पैसा 100% सुरक्षित राहतो. सरकारी बँक असल्यामुळे तर टेन्शनच नाही. वरून तुम्हाला दर महिन्याला किंवा दर तीन महिन्याला व्याज पण मिळू शकतं.400 दिवस म्हणजे एक वर्ष आणि थोडे जास्त दिवस. जास्त काळ पैसे अडकवायचे नाहीत आणि चांगलं व्याज पण हवंय, अशा लोकांसाठी ही स्कीम बेस्ट आहे.तुम्हाला जर ही FD उघडायची असेल तर तुम्ही जवळच्या बँक ऑफ बडोदा शाखेत जाऊन चौकशी करू शकता किंवा मोबाईल बँकिंगवरून पण लगेच FD उघडू शकता. जास्त माहितीसाठी बँकेच्या वेबसाईटवर जा.