Bank Strike September 2026: बँक ग्राहकांनो, ‘या’ 3 तारखा लक्षात ठेवा! संपामुळे व्यवहारांवर होऊ शकतो परिणाम

Bank Strike September 2026: UFBUने 28, 29 आणि 30 सप्टेंबर 2026 रोजी तीन दिवसांच्या देशव्यापी बँक संपाची हाक दिली आहे. 26 सप्टेंबरला चौथा शनिवार आणि 27 सप्टेंबरला रविवार असल्याने, संप झाला तर काही बँकांच्या शाखांमध्ये 26 ते 30 सप्टेंबरदरम्यान सलग पाच दिवस शाखा-स्तरीय सेवांवर परिणाम होऊ शकतो.

• 28 ते 30 सप्टेंबर UFBUने तीन दिवसांच्या देशव्यापी संपाची घोषणा
• 26 सप्टेंबर चौथा शनिवार आणि 27 सप्टेंबर रविवार असल्याने शाखा-स्तरीय सेवांवर सलग पाच दिवस
• 26 ऑक्टोबरपासून बेमुदत संपाचीही घोषणा

 

Bank Strike: बँकेत काही महत्वाचं काम आहे का? मग ही बातमी तुमच्यासाठीच आहे. जर तुमचं काम पेंडिंग असेल तर ते लगेच उरका, नाहीतर तुम्हाला मोठा त्रास होऊ शकतो. कारण सप्टेंबरच्या शेवटी बँका सलग 5 दिवस बंद राहण्याची शक्यता आहे. बँक कर्मचाऱ्यांच्या सगळ्यात मोठ्या संघटनेने, UFBU ने 28 ते 30 सप्टेंबर दरम्यान 3 दिवसांच्या देशव्यापी संपाची हाक दिली आहे. या संपामुळे बँकेचं काम पूर्णपणे ठप्प होणार आहे. आणि त्यात शनिवार-रविवारची सुट्टी पण आली आहे, त्यामुळे तर 5 दिवस बँकेत काहीच काम होणार नाही.  SBI ने तर आपल्या ग्राहकांना आधीच सांगितलं आहे की तुमची कामं 26 सप्टेंबरच्या आधीच पूर्ण करून घ्या.

सलग 5 दिवस सुट्टी कशी?

अनेकांना वाटेल 3 दिवसाचा संप आहे तर 5 दिवस बँका कशा बंद? तर त्याचं कारण असं आहे.

• 26 सप्टेंबर, शनिवार: महिन्याचा चौथा शनिवार असल्याने बँकांना सुट्टी असते.
• 27 सप्टेंबर, रविवार: रविवारची नेहमीची सुट्टी.
• 28, 29, 30 सप्टेंबर, सोमवार ते बुधवार: बँक कर्मचाऱ्यांचा 3 दिवसाचा संप.

शनिवारपासून ते बुधवारपर्यंत सलग 5 दिवस बँकेच्या शाखेत कोणीच नसेल. त्यामुळे तुम्हाला जर बँकेत जाऊन काही काम करायचं असेल तर ते होणार नाही.

SBI ने काय सांगितलं?

देशातली सगळ्यात मोठी बँक असलेल्या SBI ने सांगितलं आहे की आम्ही संपाच्या काळात सेवा चालू ठेवायचा पूर्ण प्रयत्न करू. पण जर जास्त कर्मचारी संपावर गेले तर शाखेतलं काम होणं कठीण आहे. खास करून चेक टाकणे, चेक क्लिअर होणे, नवीन कर्ज घेणे, कागदपत्रं तपासणे, DD काढणे यासारखी कामं ज्यासाठी बँकेच्या माणसाची गरज लागते, ती कामं अडकून पडतील. त्यांना उशीर होईल. त्यामुळे बँकेने सांगितलं आहे की 26 तारखेच्या आतच तुमची सगळी कामं उरकून घ्या. शेवटच्या क्षणाची वाट बघू नका. Bank Strike September 2026:

LPG Subsidy हवी असेल तर 1 ऑक्टोबरपूर्वी ‘हे’ काम उरका; नाहीतर होऊ शकते अडचण!

ATM आणि UPI चालू राहणार का?

• हा प्रश्न सगळ्यांना पडला असेल. तर घाबरू नका, बँकेची शाखा बंद असली तरी तुमचे ऑनलाईन पैसे अडकणार नाहीत.
• SBI ने स्पष्ट केलं आहे की सगळ्या डिजिटल सेवा 24 तास चालू राहतील.
• ATM मधून पैसे काढणे/भरणे: तुम्ही जवळच्या ATM मधून पैसे काढू शकता. तसेच Cash Deposit मशीनमध्ये पैसे भरू पण शकता.
• YONO App आणि Net Banking: SBI चं YONO अॅप, इंटरनेट बँकिंग, मोबाईल बँकिंग सगळं सुरू राहील.
• UPI, NEFT, RTGS: फोनवरून पैसे पाठवणे, UPI ने पेमेंट करणे, ऑनलाईन शॉपिंग करणे हे सगळं काहीही अडथळा न येता होईल.
• CSP सेंटर: खेड्यात राहणाऱ्या लोकांसाठी Customer Service Point चालू राहतील. तिथे तुम्ही छोटी-मोठी कामं करू शकता.
• कॅश लागणार असेल तर आधीच काढून ठेवा आणि जास्तीत जास्त ऑनलाईन व्यवहार करा.

Petrol Pump UPI MDR Charges: चालकांचा मोठा इशारा! पेट्रोल भरायला निघताय? UPIवर अवलंबून राहू नका…

ऑक्टोबरमध्ये पण मोठा संप होणार?

संपाची ही काही पहिली वेळ नाही. याआधी 11 सप्टेंबरला पण एक दिवसाचा संप झाला होता. आता 3 दिवसाचा संप होतोय. आणि UFBU ने इशारा दिला आहे की जर सरकारने आमच्या मागण्या मान्य नाही केल्या तर 26 ऑक्टोबर 2026 पासून आम्ही बेमुदत संप करू. म्हणजे बँका किती दिवस बंद राहतील याचा काहीच नेम नाही. त्यामुळे सप्टेंबर शेवटच्या या 5 दिवसात तुमची आर्थिक अडचण होऊ नये म्हणून आताच तयारी करा. लागणारी कॅश काढून ठेवा आणि शक्यतोवर डिजिटल पेमेंट वापरा.