शनिवार, 12 सप्टेंबर 2026
SBI ची खास ऑफर! UPI पेमेंटच्या आधारे मिळणार Loan ( सौजन्य - सोशल मीडिया )
तुमचे 1000 रुपये वाचतील… फक्त Zepto Blinkit वर शॉपिंग करताना वापरा ‘हे’ Credit Card, होईल मोठी बचत
ही कर्ज सुविधा लहान व्यवसायांना डोळ्यासमोर ठेवून सुरू केली जात आहे. अश्विनी कुमार तिवारी यांनी स्पष्ट केले की, जर एखाद्या लहान व्यवसायाची नियमित विक्री होत असेल आणि पेमेंट UPI द्वारे केले जात असेल, तर या डिजिटल व्यवहारांचा वापर व्यवसायाच्या विक्रीचे सूचक म्हणून केला जाऊ शकतो. GST नोंदणी नसलेल्या व्यवसायांच्या कर्ज-प्राप्ती क्षमतेचे मूल्यांकन करण्यासाठी SBI एक नवीन UPI – आधारित प्रणाली विकसित करत आहे.
तिवारी म्हणाले की, बँकेने GST अंतर्गत नोंदणीकृत व्यवसायांना कर्ज देण्याचे परिस्थिवर बँकेने पर्याय शोधला आहे. अशा प्रकरणांमध्ये १० मिनिटांच्या आत कर्ज वितरित करण्यास सक्षम आहे. हे लक्षात घ्यायला हवे की, गेल्या १८ महिन्यांत बँकेने GST आणि PAN DATA वापरून १ लाख कोटी रुपयांचे कर्ज वितरित केले आहे. पण, ज्या व्यवसायांकडे GST क्रमांक नाहीत त्यांच्या बाबतीत अडचणी येतात आणि अशा प्रकरणांमध्ये पर्यायी डेटा महत्त्वपूर्ण ठरतो.
UPI पेमेंटच्या मुद्द्यावर तिवारी म्हणाले की, कर्ज देणाऱ्या बँकेकडे पैसे नेमके कुठे जात आहेत याची स्पष्ट माहिती नेहमीच नसते. मात्र, पैसे स्वीकारणाऱ्या बँकेकडे आणि व्यवहार सुलभ करणाऱ्या थर्ड-पार्टी पेमेंट ॲपकडे ही माहिती असते. ग्राहकाच्या संमतीने, बँक UPI पेमेंट आणि टेलिकॉम कंपन्यांकडून मिळणाऱ्या डेटासारख्या इतर स्रोतांचा वापर करणाऱ्या मॉडेलद्वारे कर्ज पात्रतेची महिती ठेवू शकतो. तिवारी म्हणाले की, या नवीन डेटाच्या आधारे लहान व्यवसायांना कर्ज देण्याची SBI ला आशा आहे. यामुळे लहान व्यवसायांना भेडसावणाऱ्या पत-संबंधित समस्या कमी होण्यास यामुळे मदत होईल.
ही स्कीम यशस्वी झाल्यास, या प्रणालीमुळे GST नोंदणी नसलेल्या लहान दुकानदारांना, व्यापाऱ्यांना आणि इतर लहान व्यवसायांना बँकेकडून कर्ज मिळवणे सोपे होऊ शकते. नियमित कामकाज आणि UPI द्वारे डिजिटल पेमेंट करण्याची ठोस हिस्ट्री असलेल्या व्यवसायांना याचा सर्वाधिक फायदा होऊ शकतो.
