LPG टंचाईचा घरगुती उद्योगांना 'शॉक'! दादरमधील चपाती केंद्र संकटात (Photo Credit- X)
मागच्या 22 वर्षांपासून आम्ही हा चपात्यांचा व्यवसाय करतोय. इतक्या वर्षात एकादशी आमच्यावर काम बंद ठेवण्याची वेळ पहिल्यांदाच आली आहे. मागील एकही सिलेंडर मिळालेला नाही. सुमारे अडीच ते तीन हजार चपात्या आम्ही दररोज बनवितो. सोबतच सुमारे हजार भाकऱ्याही आम्ही रोज बनवतो. आता गॅसटंचाईमुळे हजार चपात्याही घरी बनत नाहीत. त्याचा फटका केवळ माझ्या व्यवसायावर नाही, मला मदतनीस म्हणून काम करणाऱ्या महिलांच्या रोजगारावरही झाल्याची माहिती दादरच्या भोईवाडा येथे घरगुती चपात्यांचा व्यवसाय करणाऱ्या सीमा महिंद्रकर यांनी दिली.
या कामातून मिळणाऱ्या पैशांतून महिलांच्या मुलांचे शिक्षण आणि इतर घरखर्च चालतो, परंतु या महिलांचा रोजगार ठप्प झाल्याने त्यांच्याही घरातील अडचणी वाढल्या आहेत. या महिलांनी बनविलेल्या चपात्यांचा पुरवठा नायर रुग्णालयाच्या कर्मचारी आणि विद्यार्थी उपाहार गृहात होतो. सोबतच नंतर दंत रुग्णालय आणि महाविद्यालयातही या महिलांच्या चपात्यांचा पुरवठा होतो. यांसह आजूबाजूच्या परिसरातील हॉटेल व्यावसायिकांनाही सीमा यांच्याच घरातून चपात्या पुरविल्या जातात. त्यामुळे सीमा यांचे काम बंद झाल्याचा परिणाम या सर्व क्षेत्रावर होणार आहे.
दादर येथील चपात्या व्यावसायिक, सीमा महिंद्रकर म्हणाल्या, याच व्यवसायावर आमचे घर आणि मुलाचे नोंदणीसाठी जातो तेव्हा 25दिवसाने सिलेंडर येईल आणि आम्हाला महिन्याला एकच सिलेंडर मिळणार असे सिलेंडर वितरण करणारे एजंट सांगत आहेत.
सीमा यांना या व्यवसायात अन्य पाच महिला मदतनीस म्हणून सहाय्य करतात, या कामासाठी त्यांना दोन दिवसाला एक सिलेंडर लागतो. सिलिंडर मिळत नसल्याने या महिलांना ऑर्डर पूर्ण करता येत नाहीत. त्यामुळे त्यांचे व्यवहार ठप्प झाले आणि याचा परिणाम रोजगारावर झाला आहे. सीमा यांच्या कामात मदत केल्याने अन्य पाच महिलांनाही रोजगार मिळत होता. मात्र, स्वतःच्या हिमतीवर काम करणाऱ्या या पाच महिलांवर आता केवळ गृहिणी’ म्हणून काम करण्याची वेळ आली आहे.
.png "Videos"){kind=small}
