ITC कडून Cigarette च्या दरात पुन्हा वाढ; Gold Flake आणि Classic चे भाव वाढले; आता किती रुपये मोजावे लागणार?

Cigarette Price Hike : धूम्रपान करणाऱ्यांसाठी एक वाईट बातमी आहे. देशातील आघाडीची सिगारेट उत्पादक कंपनी ITC ने गोल्ड फ्लेक आणि क्लासिक सारख्या प्रमुख सिगारेटच्या ब्रँड्सच्या किमतीत पुन्हा एकदा वाढ केली आहे.

• व्यसनींना महागाईचा झटका!
• Gold Flake आणि Classic सिगारेटच्या किमतीत वाढ
• काय आहे नवे दर ?

Cigarette Price Hike : सिगारेट ओढणं आता केवळ तुमच्या शरीरावरच नाही, तर तुमच्या खिशावरही मोठा झटका देणारं ठरणार आहे. होय, आता इतर गोष्टींसोबत सिगारेटच्या किमती देखील वाढणार आहेत.आता तुम्हाला सिगारेटवर अधिक पैसे खर्च करावे लागतील. ITC ने आपल्या काही निवडक सिगारेट ब्रँड्सची MRP वाढवली आहे. त्यानंतर नवीन किमतींची पाकिटेही बाजारात येऊ लागली आहेत. नेमक्या किती किमती वाढल्या आहेत? आणि त्याचा तुमच्या खिशाला किती फटका बसेल? ( Cigarette Price Hike ) 

अरे वाह… 57000 हून अधिक हॉटेल्सवर मिळणार 50% सूट! Swiggy Dineout कडून GIRF चे द ग्रेट इंडियन रवी फेस्टिव्हलमध्ये रूपांतर

ITC च्या ‘क्लासिक कनेक्ट’च्या २० सिगारेटच्या पाकिटाची किंमत आता ४२८ रुपये झाली आहे. यापूर्वी, हेच पाकीट ३९० रुपयांना मिळत होते. याचा अर्थ, या पाकिटाच्या किमतीत सुमारे ९.७४ टक्क्यांनी वाढ झाली आहे.

Gold Flake Super Star किती महागली?

कंपनीने गोल्ड फ्लेक सुपर स्टार सिगारेटच्या १० सिगारेटच्या पॅकची किंमतही वाढवली आहे. पूर्वीच्या ७९ रुपयांच्या तुलनेत आता त्याची किंमत ८९ रुपये झाली आहे, म्हणजेच किमतीत १२.६ टक्के वाढ झाली आहे.

यावर्षी किमती अनेक वेळा वाढल्या

२०२६ मध्ये या ITC ब्रँड्सच्या किमतींमध्ये आधीच लक्षणीय बदल झाले आहेत. मीडिया रिपोर्ट्सनुसार, फेब्रुवारीमध्ये Classic Connect ची किंमत ₹३०० वरून ₹३६० आणि नंतर ₹३९० पर्यंत वाढवण्यात आली. Gold Flake Super Star किंमत सुरुवातीला ₹५९ वरून ₹७० आणि नंतर ₹७९ पर्यंत वाढली.

कर बदलांनंतर किमतींवर परिणाम

सिगारेटच्या किमतींमधील सततची वाढ ही यावर्षी लागू झालेल्या नवीन कर रचनेशी देखील जोडलेली आहे. १ फेब्रुवारी २०२६ पासून, सिगारेट आणि इतर तंबाखू उत्पादनांवर ४० टक्के GST आणि अतिरिक्त उत्पादन शुल्क आकारले जाईल. यानंतर, वाढलेल्या कराच्या भाराचा परिणाम कमी करण्यासाठी कंपन्यांनी विविध श्रेणींमध्ये किमती वाढवल्या आहेत. नवीन MRP असलेली पाकिटे आता विविध ठिकाणी उपलब्ध आहेत आणि जिथे सध्या नवीन पाकिटे उपलब्ध नाहीत, तिथे जुना साठा संपल्यानंतर ती उपलब्ध होतील.

इंधन संकट वाढलं…Pakistan मध्ये Lockdown ची वेळ! रात्री 8 नंतर पसरणार शुकशुकाट; काय परिस्थिती?