NSDL ची घोडदौड! 4.72 कोटी डिमॅट खात्यांसह कमाईत 35% वाढ

NSDL: नॅशनल सिक्युरिटीज डिपॉझिटरी लिमिटेड (NSDL) ने जाहीर केलेल्या तिमाही निकालात कंपनीच्या कमाई आणि नफ्यात वाढ नोंदवली आहे. सप्टेंबर २०२६ अखेरच्या तिमाहीत कंपनीची एकूण कमाई ३४.८ टक्क्यांनी वाढून ५८२.६ कोटी रुपये झाली.

• NSDL च्या कमाईत ३४.८% वाढ
• निव्वळ नफा १०.९% ने वाढला
• डीमॅट खात्यांची संख्या ४.७२ कोटींवर

भारतातली सगळ्यात मोठी डिपॉझिटरी NSDL म्हणजे नॅशनल सिक्युरिटीज डिपॉझिटरी लिमिटेडने आपला तिमाही निकाल जाहीर केलाय. कंपनीचा धंदा दिवसेंदिवस वाढतोय आणि नफा पण वाढतोय.धंद्यात मोठी वाढ30 सप्टेंबर 2026 पर्यंत कंपनीचे DP म्हणजे डिपॉझिटरी पार्टिसिपंट 320 झाले आहेत. त्यांना 53,846 सेवा केंद्रांचा सपोर्ट आहे. कंपनीचा मार्केट शेअर पण वाढतोय. BO म्हणजे लाभार्थी मालक खात्यांचा मार्केट शेअर या तिमाहीत 17.2% होता.

गेल्यावर्षी याच वेळी 17.6% होता. पण सहामाहीचा विचार केला तर 16.6% वरून 17.4% वर गेलाय.या एका तिमाहीत कंपनीने 15.6 लाख नवीन BO खाती जोडली, एकूण 17.8 लाख खाती आली. आता एकूण BO खात्यांची संख्या 4.72 कोटी झाली आहे. अनलिस्टेड शेअरमध्ये तर कंपनीचा 72.5% मार्केट शेअर आहे. या तिमाहीत 3,197 कंपन्या प्लॅटफॉर्मवर आल्या. एकूण जारीकर्त्यांची संख्या 1,18,679 झाली आहे. एकूण डीमॅटमध्ये असलेल्या मालमत्तेत NSDL चा 85.8% वाटा आहे, त्यात वैयक्तिक आणि HUF चा वाटा 66.3% आहे.

नवीन काय सुरू केलं?

कंपनी नुसती बसली नाही, नवीन गोष्टी पण सुरू केल्या आहेत.

डिमॅट 2.0: टोकनाइज्ड सिक्युरिटीला सपोर्ट करण्यासाठी आणि RBI च्या डिजिटल रुपया म्हणजे CBDC सोबत रिअल-टाइम सेटलमेंट करण्यासाठी नवीन प्लॅटफॉर्म आणलाय.

सोने डिजिटल: NSE सोबत API जोडलंय, ज्यामुळे EGR म्हणजे इलेक्ट्रॉनिक गोल्ड बनवणं सोपं होईल आणि भौतिक सोनं डिजिटल होईल.

बॉण्डसाठी API: बॉण्ड खरेदी-विक्री करणाऱ्या प्लॅटफॉर्मसाठी पण API सुरू केलंय, ज्यामुळे खाते आणि होल्डिंग लगेच चेक होईल.
फॉर्म 121 ऑनलाईन: आता कंपन्या त्यांच्या वेबसाईटवरून फॉर्म 121 ऑनलाईन भरू शकतात, त्यामुळे काम सोपं झालंय.

पेमेंट बँकेची कमाल

NSDL ची पेमेंट बँक पण जोरात आहे. तिच्या RuPay NCMC स्मार्टकार्डने ऑक्टोबर 2026 मध्ये 1.3 कोटी MSRTC रजिस्ट्रेशन पार केले आणि 100 कोटींपेक्षा जास्त पैसे कार्डवर लोड झाले. 1 सप्टेंबरपासून महाराष्ट्रात सरकारी आदेशाने सवलतीच्या बस प्रवासासाठी हेच कार्ड चालतंय.

Upcoming IPOs India: IPO बाजारात मोठी धमाका! OYO ते Razorpay, 10 कंपन्या गुंतवणूकदारांच्या भेटीला

बँक UPI मध्ये पण टॉप 34 बँकांमध्ये आली आहे. ग्राहकांची संख्या 33.5 लाखांवरून 1.6 पट वाढून 54.3 लाख झाली आहे. ठेवी 271.5 कोटींवरून 378.1 कोटींवर गेल्या आहेत.

NDML ने काय केलं?

NDML कंपनीच्या KYC नोंदी 2.06 कोटी झाल्या आहेत. 53 कोटी व्यवहार झाले, ज्याचं मूल्य 13,036 कोटी आहे. 1 ऑक्टोबर 2026 पासून SEZ ऑनलाईन RBI मध्ये जोडलं गेलंय. जवळपास 1,000 आयात-निर्यातदार IMEXIO वापरतात. इन्शुरन्ससाठी नवीन कंपनी NIRSL सुरू केली आहे, आतापर्यंत 1.75 कोटी E-इन्शुरन्स खाती उघडली आहेत.

India Manufacturing PMI: कारखान्यांचा वेग मंदावला! ऑक्टोबरमध्ये उत्पादन क्षेत्राला ब्रेक

नफा किती वाढला?

तिमाहीचा विचार केला तर एकूण कमाई 432.2 कोटींवरून 582.6 कोटींवर गेली, म्हणजे 34.8% वाढ. निव्वळ नफा 110.4 कोटींवरून 122.5 कोटींवर गेला, 10.9% वाढ.सहामाहीचा विचार केला तर कमाई 779 कोटींवरून 1,143.1 कोटींवर गेली, 46.7% वाढ. आणि नफा 200 कोटींवरून 220.8 कोटींवर गेला, 10.4% वाढ.म्हणजे NSDL चा धंदा एकदम जोरात चालू आहे, नवीन टेक्नॉलॉजी आणत आहे आणि नफा पण वाढवत आहे.