एकावर 2 बोनस शेअर, ‘हा’ शेअर देखील 10 तुकड्यांमध्ये विभागला जाणार; पुढील आठवड्यात आहे रेकॉर्ड तारीख!

पुढील आठवड्यात काही शेअर्स एक्स-बोनस स्टॉक आणि एक्स-स्प्लिट म्हणून व्यापार करतील. गुंतवणूकदारांना या कंपनीकडून बोनस म्हणून प्रत्येक 1 शेअरमागे 2 शेअर्स दिले जाणार आहे.

एका लाखाचे झाले 11 लाख रुपये, 'या' मल्टीबॅगर स्टॉकद्वारे गुंतवणूकदारांना जबरदस्त परतावा

Follow Us:

Follow Us:

मल्टीबॅगर शेअर क्रॉपस्टर ऍग्रोचे शेअर्स पुढील आठवड्यात एक्स-बोनस शेअर म्हणून व्यापार करतील. कंपनीचे शेअर्स विभाजीतही केले जात आहेत. बीएसईमध्ये शेअरची किंमत 800 रुपयांपेक्षा कमी आहे. पुढील आठवड्यात कंपनीच्या शेअर्सचा एक्स-बोनस आणि एक्स-स्प्लिटचा व्यवहार कोणत्या दिवशी होणार आहे. याबाबत जाणून घेणार आहोत…

हे देखील वाचा – ‘या’ शेअरने गुंतवणूकदारांना बनवले करोडपती; वर्षभरात मिळाला तब्बल 38000 टक्के परतावा!

कधी आहे रेकॉर्ड डेट?

क्रॉपस्टर ऍग्रो लिमिटेड कंपनीने स्टॉक एक्स्चेंजला दिलेल्या माहितीत सांगितले होते की, 1 रुपये दर्शनी मूल्य असलेल्या एका शेअरवर 2 शेअर्सचा बोनस दिला जाईल. तसेच, 10 रुपये दर्शनी मूल्य असलेल्या कंपनीचा एक शेअर 10 तुकड्यांमध्ये विभागला जाईल. या शेअर स्प्लिटनंतर कंपनीच्या शेअर्सचे दर्शनी मूल्य 1 रुपये इतके कमी होईल. 28 ऑक्टोबर 2024 रोजी एक्सचेंजला दिलेल्या माहितीत कंपनीने सांगितले होते की, स्टॉक स्प्लिट आणि बोनस इश्यूसाठी रेकॉर्ड डेट 8 नोव्हेंबर 2024 निश्चित करण्यात आली आहे. म्हणजेच रेकॉर्ड डेटपूर्वी कंपनीचे शेअर्स ठेवणाऱ्या गुंतवणूकदारांना याचा फायदा मिळणार आहे.

हे देखील वाचा – एलॉन मस्क US निवडणूक प्रचारात व्यस्त; X वर मात्र कर्मचारी कपातीची टांगती तलवार

शेअर बाजारात कंपनीची कामगिरी

शुक्रवारी (ता.१) कंपनीच्या शेअर्सने 2 टक्क्यांच्या वाढीसह 710.90 रुपयांची पातळी गाठली होती. गेल्या एका महिन्यात कंपनीच्या शेअरच्या किमतीत 3 टक्क्यांहून अधिक घसरण झाली आहे. या घसरणीनंतरही 3 महिने या शेअरमध्ये गुंतवणूक कायम ठेवणाऱ्या गुंतवणूकदारांना 118.74 टक्के नफा झाला आहे.

हा बोनस शेअर 2024 मध्ये 219 टक्के परतावा देण्यात यशस्वी ठरला आहे. तर या कालावधीत सेन्सेक्स 10.31 टक्क्यांनी वाढला आहे. दरम्यान, गेल्या 2 वर्षात कंपनीच्या शेअर्सच्या किमतीत 367 टक्क्यांनी वाढ झाली आहे. कंपनीची 52 आठवड्यांची उच्च पातळी 944.10 रुपये आणि निच्चांकी पातळी 162.50 रुपये आहे. कंपनीचे बाजार भांडवल 1777.25 कोटी इतके आहे.

(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)

Web Title: Cropster agro ltd 2 bonus shares on one share will also be divided into 10 pieces next week is the record date

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com