Petrol – Diesel च्या वाहनांचा Game Over! 2028 पासून येणार बंदी; दिल्ली सरकारचा Mega Plan…

दिल्लीतील पेट्रोल आणि डिझेल वाहनांची वाढ येत्या काही वर्षांत थांबण्याची शक्यता आहे. नवीन ईव्ही धोरण ईव्ही खरेदीसाठी भरीव अनुदान देत असले तरी, ते पेट्रोल आणि डिझेल वाहनांसाठी एक अंतिम मुदतही निश्चित केली आहे.

• राजधानी दिल्लीत इ-वाहनांसाठी नवे धोरण
• २०२८ पासून पेट्रोल-डिझेल वाहनांवर बंदी
• पेट्रोल-डिझेलवर चालणाऱ्या दुचाकींची नोंदणी बंद

Delhi Government EV Policy 2028 : दिल्लीतील पेट्रोल आणि डिझेल वाहनांची वाढ येत्या काही वर्षांत थांबण्याची शक्यता आहे. नवीन ईव्ही धोरण ईव्ही खरेदीसाठी भरीव अनुदान देत असले तरी, ते पेट्रोल आणि डिझेल वाहनांसाठी एक अंतिम मुदतही निश्चित केली आहे. देशाची राजधानी दिल्ली आता प्रदूषणाच्या विळख्यातून बाहेर पडण्यासाठी सज्ज झाली आहे. दिल्ली सरकारने आपले नवीन इलेक्ट्रिक वाहन (EV) धोरण जाहीर केले असून, यामध्ये पेट्रोल, डिझेल आणि सीएनजी वाहनांच्या नोंदणीवर पूर्णपणे बंदी घालण्याची ऐतिहासिक तरतूद करण्यात आली आहे. ‘प्रदूषणमुक्त दिल्ली’ हे स्वप्न साकारण्यासाठी सरकारने अत्यंत कठोर पण भविष्यासाठी आवश्यक पावले उचलली आहेत.

Bank Holiday : पुढच्या आठवड्यात बँका राहणार बंद, गैरसोय टाळण्यासाठी ‘या’ तारखा नोट करा

पेट्रोल-डिझेलवर चालणाऱ्या दुचाकींची नोंदणी होणार नाही

२०२८ पासून पेट्रोल आणि डिझेलवर चालणाऱ्या दुचाकींची नोंदणी होणार नाही. फक्त ई-वाहनांची नोंदणी केली जाईल, दिल्लीला प्रदूषणापासून मुक्त करण्यासाठी, दिल्ली सरकारने आपले नवीन इलेक्ट्रिक वाहन धोरण तयार केले आहे. नवीन मसुदा धोरण ३० दिवसांसाठी सार्वजनिक अभिप्रायासाठी उपलब्ध करून देण्यात आले आहे. याची अंमलबजावणी झाली, तर ईव्ही खरेदीदारांना फायदा होईल, तसेच जुन्या इंधन आणि सीएनजीवर चालणाऱ्या वाहनांवर अंकुश ठेवल्याने राजधानीची हवाही स्वच्छ होईल.

दिल्ली प्रदूषणमुक्त करण्यासाठी सरकारचं धोरण

दिल्लीला प्रदूषणमुक्त करण्यासाठी सरकारने ‘चॅरिटी बिगिन्स अॅट होम’ हे धोरण स्वीकारले आहे. आता, सरकारी विभागांमध्ये कोणतीही नवीन इंधन वाहने खरेदी केली जाणार नाहीत.

३०,००० पर्यंतचं अनुदान २.५ लाखांपर्यंतच्या ई-बाईक्सवर
५०,००० थेट अनुदान पहिल्या १०,००० इलेवट्रिक कारवर
५०,००0 नोंदणी शुल्क ३० लाखापेक्षा कमी किमतीच्या हायब्रीड वाहनावर

तीनचाकीवरही लागणार बंदी

डिझेल, पेट्रोल किंवा सीएनजीवर चालणाऱ्या वाहनांच्या नोंदणीबावत सरकारने कठोर भूमिका घेतली आहे. नवीन धोरणानुसार, २०२७ पासून दिल्लीत पेट्रोल, डिझेल आणि सीएनजीवर चालणाऱ्या तीन चाकी वाहनांची नोंदणी पूर्णपणे बंद केली जाईल. याचा अर्थ, २०२७ नंतर फक्त इलेक्ट्रिक तीन चाकी वाहनांचीच नोंदणी केली जाईल.

Dividend Stock : गुंतवणूकदारांची ‘बल्ले बल्ले’! ‘हा’ शेअर देतोय वर्षभरात 77% रिटर्न आणि प्रति शेअर 30 रुपये Dividend