पीव्हीआर आयनॉक्सच्या शेअर्समध्ये वाढ (फोटो सौजन्य - Social Media)
धुरंधर – १ ची चर्चा अजूनही सुरूच होती दरम्यान त्वरीत धुरंधरचा दुसरा भागही आदित्य धर याने आणला आणि रणवीर सिंगच्या या चित्रपटाने सर्व बॉक्स ऑफिस रेकॉर्ड्स पहिल्याच दिवशी तोडले आहेत. इतकंच नाही तर या चित्रपटाचा प्रभााव शेअर बाजारावरही दिसून येत आहे. पहिल्यांदाच चित्रपटामुळे एखाद्या शेअरचा भाव वधारला अशी स्थिती समोर येत आहे. यामुळे PVR चे शेअर्स बाजारात चांगलेच जम बसवत आहेत
धुरंधर २ चा शेअर बाजारावरील प्रभाव
या वाढीमुळे, पीव्हीआर आयनॉक्सचे बाजार भांडवल (मार्केट कॅप) देखील ३६० कोटींहून अधिक वाढले. बाजार तज्ज्ञांच्या मते, ‘धुरंधर २’ चा प्रभाव कायम राहील आणि हा चित्रपट लवकरच कमाईच्या बाबतीत १,००० कोटींचा टप्पा ओलांडू शकतो. ओटीटी प्लॅटफॉर्मच्या युगातही चित्रपटाच्या प्रभावी कामगिरीने तज्ज्ञांनाही आश्चर्यचकित केले आहे. त्यांच्या मते, बऱ्याच काळानंतर एखादा चित्रपट मोठ्या संख्येने प्रेक्षकांना चित्रपटगृहांकडे आकर्षित करण्यात यशस्वी झाला आहे.
PVR शेअर्समध्ये एका आठवड्यात ५.६% ची वाढ
१३ मार्चपासून BSE वर PVR Inox च्या शेअर्समध्ये अंदाजे ५.६० टक्क्यांची वाढ झाली आहे. शुक्रवारी, हा स्टॉक ३.७० टक्क्यांनी वाढून ₹१०२९ वर ट्रेड करत होता. यापूर्वी, सकाळच्या सत्रात तो १.३४ टक्क्यांनी वाढून ₹१००५.६० वर पोहोचला होता. कंपनीचे बाजार भांडवल (मार्केट कॅप) देखील आदल्या दिवशीच्या ₹९७४४.३८ कोटींवरून वाढून ₹१०,१०४.७८ कोटी झाले आहे. त्यामुळे, येत्या काही दिवसांत आणखी वाढ होण्याची शक्यता आहे. सध्या धुरंधर याच चित्रपटाची सगळीकडे हवा आहे आणि प्रत्येक थिएटर सध्या हाऊसफुल्ल असून त्याचा चांगला परिणाम शेअर्सवरही होताना दिसून येत आहे. दरम्यान पीव्हीआरसाठी तर ही मोठी लॉटरी लागली असून चित्रपटासह पीव्हीआरच्या व्यवसायतही वाढ होताना दिसून येत आहे.
शेअर बाजारात मोठी त्सुनामी, एका दिवसात बुडाले 13 लाख कोटी रुपये; गुंतवणुकदार हवालदिल
