(फोटो सौजन्य-Gemini)
तिकीट बुकिंग करणाऱ्या websites वर जाऊन दर पाहिले तर किमती अव्वाच्या सव्वा वाढल्या आहेत. दिल्लीहून लंडन हिथ्रोला जाणाऱ्या ‘नॉन-स्टॉप’ इकॉनॉमी क्लासच्या तिकिटाचा दर सध्या ₹१,४९,४७९ इतका झाला आहे. बिझनेस क्लासचे दर तर गगनाला भिडले असून ते ₹१,७९,३५४ पर्यंत पोहोचले आहेत. अगदी एका ठिकाणी stopover असलेल्या विमानांसाठीही, इकॉनॉमी क्लासचे दर ₹१,३२,३५३ पासून सुरू होत आहेत. पश्चिम आशियातील संघर्ष सुरू होण्यापूर्वी, दिल्ली-लंडन मार्गावरील इकॉनॉमी क्लासचे सरासरी तिकीट दर साधारणपणे ₹४५,००० ते ₹६५,००० च्या दरम्यान असायचे पण सध्याचे दर दुप्पटीपेक्षाही अधिक झाले आहेत.
दिल्ली-दुबई हा विमान मार्ग आता पूर्वीसारखा सहज आणि परवडणारा राहिलेला नाही. ‘इंडिगो’च्या वेबसाईटवर चेक केलं तर स्पष्ट झालं की, दिल्ली-दुबई इकॉनॉमी क्लासचे तिकीट ₹२८,७६२ इतके झाले आहेत, तर बिझनेस क्लासचे दर ₹५५,८७९ पर्यंत पोहोचले आहेत. पश्चिम आशियातील तणाव वाढण्यापूर्वी, दिल्ली-दुबई मार्गावरील नेहमीचे तिकीट दर साधारणपणे ₹१२,००० ते ₹२०,००० च्या दरम्यान असायचे. इंडिगोच्या वेबसाईटवर, न्यूयॉर्क ते दिल्ली या मार्गावरील विमानांचे दर $२,३९० म्हणजेच सुमारे ₹२,०५,००० पासून सुरू होत आहेत. अगदी एका ठिकाणी थांबा असलेल्या विमानांसाठीही हेच दर लागू होत आहेत. दिल्लीहून न्यूयॉर्कला जाणाऱ्या विमानांची तिकिटे ₹१,२६,१८१ पासून सुरु होत आहेत, मात्र या प्रवासात दोन ठिकाणी थांबा घ्यावा लागतोय. सामान्य परिस्थितीत, दिल्ली-न्यूयॉर्क मार्गावरील तिकीट दर साधारणपणे ₹५५,००० ते ₹८०,००० च्या दरम्यान असायचे.
युरोपच्या दिशेने जाणाऱ्या विमान मार्गांवरील तिकीट दरांमध्ये मार्च महिन्याच्या पहिल्या आठवड्यात ४० टक्क्यांहून अधिक वाढ झाली आहे. या संघर्षाच्या सुरुवातीच्या टप्प्यात, ७०० हून अधिक विमानांची उड्डाणे रद्द करण्यात आली होती. एव्हिएशन टर्बाइन इंधनाचे (ATF) दर प्रति बॅरल $८५–९० वरून झपाट्याने वाढत $१५०–२०० प्रति बॅरलपर्यंत पोहोचले आहे. ब्रेंट क्रूडचे दर, जे संघर्ष सुरू होण्यापूर्वी प्रति बॅरल $७२ होते, ते २६ मार्चपर्यंत वाढून $१०५ प्रति बॅरलवर पोहोचले. त्यामुळे एकंदरीत सगळी परिस्थिती पाहता युद्धाने सगळ्यांना पोळून काढलं आहे.
.png "Videos"){kind=small}
