आता प्रवास करतानाही होणार कमाई! Flipkart आणि Uber ची ऐतिहासिक भागीदारी, राइड्सवर मिळणार ‘सुपरकॉइन्स’

रोजच्या राइड्सवर सुपरकॉइन्स देण्यासाठी फ्लिपकार्टने उबरसोबत भागीदारी केली आहे. यानिमित्ताने आता ग्राहकांना Uber मधून प्रवास करतानाही कमाई करता येणार आहे. चला याबद्दल अधिक माहिती जाणून घेऊयात.

Flipkart ने Uber सोबत महत्त्वाची भागीदारी जाहीर केली आहे. या नव्या उपक्रमाअंतर्गत आता वापरकर्त्यांना पात्र उबर राइड्सवर सुपरकॉइन्स मिळणार आहेत. दैनंदिन वापरात रिवॉर्ड्सचा विस्तार करण्याच्या उद्देशाने ही योजना सुरू करण्यात आली आहे.

या भागीदारीमुळे वापरकर्ते आपल्या Flipkart आणि Uber खात्यांना लिंक करून प्रत्येक पात्र राइडवर भाड्याच्या ४ टक्क्यांपर्यंत सुपरकॉइन्स मिळवू शकतात. प्रत्येक ट्रिपसाठी कमाल १५० सुपरकॉइन्स मिळतील आणि एकूण कॉइन्सवर कोणतीही मर्यादा ठेवण्यात आलेली नाही. मिळालेले सुपरकॉइन्स थेट Flipkart खात्यात जमा होतील आणि त्यांचा वापर Flipkart Minutes, Cleartrip तसेच इतर पार्टनर ऑफर्ससाठी करता येणार आहे.

Love Jihad नंतर आता Lenskart मध्ये टिकली-टिळा लावण्यावर बंदी, ड्रेस कोड वादावर CEO ने दिले स्पष्टीकरण

यासोबतच मर्यादित कालावधीसाठी विशेष ऑफर्सही देण्यात आल्या आहेत. नवीन Uber वापरकर्ते किंवा गेल्या ८४ दिवसांत ॲप वापरले नसलेले ग्राहक, खाते लिंक केल्यानंतर २८ दिवसांत पहिली राइड पूर्ण केल्यास १५० बोनस सुपरकॉइन्स मिळवू शकतात. तसेच १५ एप्रिल ते ३० एप्रिल २०२६ दरम्यान खाते लिंक करून २८ दिवसांत पहिली राइड पूर्ण केल्यास अतिरिक्त ५० बोनस सुपरकॉइन्स दिले जातील.

Flipkart चे पेमेंट आणि सुपरकॉइन्स विभागाचे उपाध्यक्ष Gaurav Arora यांनी सांगितले की, सुपरकॉइन्स आता दैनंदिन वापरातील महत्त्वाचा रिवॉर्ड प्लॅटफॉर्म बनत आहे. उबरसोबतची भागीदारी ग्राहकांना त्यांच्या रोजच्या व्यवहारातून अधिक मूल्य मिळवण्याची संधी देईल.

राघव चड्ढांचा BJP ने घेतला बदला? नवनियुक्त AAP राज्यसभा उपनेते अशोक मित्तल ED च्या रडारवर

तर Uber इंडिया आणि दक्षिण आशियाचे व्यवसाय विकास संचालक Arnab Kumar यांनी सांगितले की, या सहकार्यामुळे प्रवाशांना अधिक सोयीस्कर आणि फायदेशीर प्रवासाचा अनुभव मिळेल. दोन लोकप्रिय प्लॅटफॉर्म्स एकत्र आल्यामुळे ग्राहकांना दैनंदिन सेवांमध्ये अतिरिक्त लाभ मिळणार आहेत.