फोटो सौजन्य सोशल मीडिया
अमेरिका ,इस्रायल आणि सौदी चे सरकार याला ते आपले कट्टर दुश्मन मानतात त्यामुळे दिवसेंदिवस ते आपली ताकद आणि क्षमता वाढवत आहेत .अशातच हुथींच्या भागात मोठे डोंगर आहेत .मोठे पठार आहेत त्यामुळे त्यांच्याशी लढाई ही सरळ सोप्पी नाही .
हुथी आता एवढे त्रांतिकदृष्ट्या सक्षम झाले आहेत कि त्यांनी सोडलेल्या जवळपास सगळ्याच मिसाईल्स या योग्य टार्गेटवर जाऊन लागतात . त्यांचे लोकेशन बरोब्बर टिपण्याची सरासरी ही जगाच्या मोठ्या सैन्याच्या क्षमतेची झाली आहे . हे त्यांनी वेळोवेळी सिद्ध करून दाखवलेले सुद्धा आहे . हुथींच्या अशाच एक हल्ल्याची पुष्टी करताना सांगितले कि , हुथींनी सरकारी सैन्याच्या तळावर अचानक बॅलेस्टिक मिसाईलचा मारा केला .
या हल्ल्यामुळे लष्करी तळावर मोठ्या प्रमाणात नुकसान झाले . सैनिकांना सावरण्याची संधी मिळण्यापूर्वीच मिसाईल्स तळावर आदळल्याने मोठी जीवितहानी झाली . या घटनेत किमान ५३ सैनिकांचा मृत्यू झाल्याचे सांगण्यात येत आहे . हल्ल्यानंतर परिसरात भीतीचे वातावरण निर्माण झाले असून सुरक्षा यंत्रणांकडून परिस्थीवर लक्ष ठेवले जात आहे .
सौदी आणि येमेनमधील हुथींचा संघर्ष हा खूप जुना आहे . येमेनमध्ये हुथींचा प्रभाव वाढल्यास सौदी अरेबियाला ते परवडणारे नाही म्हणून त्यांनी येमेन सरकारला हुथींविरुद्ध लढायला मदत करायला सुरवात केली . यावर इराण ने लगेच हुथींना मदत करायला सुरवात केली . या दोन्ही देशांच्या हस्तक्षेपामुळे संघर्ष आणखीच वाढला . मध्यतंरीत हा संघर्ष थांबला होता .
पण जेव्हा इराणच्या सर्वोच्च नेत्यांच्या अंत्यसंस्काराला हुथींचे काही प्रमुख गेले होते . तिथून येताना सना एअरपोर्टवर सौदीने त्यांच्या विमानावर हल्ला केला पण त्या हल्ल्यात हुथींचे सगळेच नेते वाचले ,तेव्हा हुथी रागाने पेटले आणि संघर्ष पुन्हा सुरु झाला . या संघर्षात आत्तापर्यंतच्या माहितीनुसार जास्त नुकसान हे येमेन सरकार आणि सौदीचे झाले असल्याचे समोर येत आहे .
हुथी बंडखोरांना इराणचा पाठिंबा असल्याने येमेनमधील संघर्षाला व्यापक प्रादेशिक महत्व प्राप्त झाले आहे . मध्यपूर्वेत इराणशी संबंधित विविध सशस्त्र गटांच्या हालचालीमुळे आधीच तणावपूर्ण असलेल्या परिस्थितीत येमेनमधील हिंसाचाराची भर पडली आहे . या संघर्षाचा परिणाम केवळ येमेनपुरता मर्यादित न राहता संपूर्ण आखाती प्रदेशाच्या सुरक्षेवर होण्याची भीती निर्माण झाली आहे .
.png "Videos"){kind=small}
