Chhatrapati Sugar Factory:‘वजन चोख, पैसे रोख’ धोरणाचा छत्रपती कारखान्याला फायदा!

Chhatrapati Sugar Factory: कारखान्याची आर्थिक परिस्थिती आव्हानात्मक असतानाही त्याचा फटका ऊस उत्पादकांना बसू नये, याची दक्षता संचालक मंडळाकडून घेतली जात आहे. हंगाम सुरू होण्यापूर्वी मशिनरीची देखभाल आणि दुरुस्ती यावर लक्ष केंद्रित करण्यात आले.

• कारखान्याने यंदाचा ऊस गळीत हंगाम नेहमीपेक्षा लवकर सुरू केला
• विश्वास संपादन करण्यासाठी कारखान्याने ‘वजन चोख, पैसे रोख’ हे धोरण
• कारखान्यात प्रतिदिन सुमारे आठ हजार ५०० मेट्रिक टन उसाचे गाळप

 अमोल तोरणे, Chhatrapati Sugar Factory:  भवानीनगर येथील श्री छत्रपती सहकारी साखर कारखान्याने यंदाचा ऊस गळीत हंगाम नेहमीपेक्षा लवकर सुरू केला आहे. कारखान्याचे अध्यक्ष पृथ्वीराज जाचक यांच्या नेतृत्वाखाली संचालक मंडळाने केलेले नियोजन, मशिनरीची योग्य देखभाल आणि ऊस उत्पादकांना वेळेत पैसे देण्याच्या धोरणामुळे कारखान्याच्या कामकाजाला गती मिळाली आहे. चालू हंगामासाठी उसाला प्रतिटन ३,५०१ रुपये पहिली उचल देण्याच्या निर्णयामुळे सभासदांसह ऊस उत्पादकांमध्ये उत्साहाचे वातावरण आहे.

‘वजन चोख, पैसे रोख’ धोरणातून विश्वासाची बांधणी

ऊस उत्पादकांचा विश्वास संपादन करण्यासाठी कारखान्याने ‘वजन चोख, पैसे रोख’ हे धोरण अवलंबले आहे. उसाचे वजन पारदर्शक पद्धतीने करून त्याची रक्कम विनाविलंब अदा करण्यावर भर दिला जात आहे. गतवर्षीच्या गळीत हंगामातील ऊस उत्पादकांची देणी वेळेत अदा करण्यात आली आहेत. काही साखर कारखान्यांकडून अद्याप मागील हंगामातील पहिली उचल देणे बाकी असताना छत्रपती कारखान्याने मात्र ऊस उत्पादकांच्या पैशांना प्राधान्य दिले आहे. त्यामुळे परिसरातील शेतकऱ्यांमध्ये कारखान्याबाबत विश्वासाचे वातावरण निर्माण होत आहे. छत्रपती कारखान्याने चालू कामांमध्ये १२ लाख मे. टन ऊस गाळपाचे उद्दिष्ट ठेवले आहे.

Mumbai News: अस्वस्थतेचे छुपे कारण आर्द्रता; शहरात उकाडा कायम! आकाश निरभ्र असल्याने सूर्यकिरणांचा थेट परिणाम

प्रतिदिन साडेआठ हजार टन गाळप

कारखान्याची आर्थिक परिस्थिती आव्हानात्मक असतानाही त्याचा फटका ऊस उत्पादकांना बसू नये, याची दक्षता संचालक मंडळाकडून घेतली जात आहे. हंगाम सुरू होण्यापूर्वी मशिनरीची देखभाल आणि दुरुस्ती यावर लक्ष केंद्रित करण्यात आले. यामुळे यंत्रसामग्रीतील संभाव्य बिघाड टाळून गाळपातील अडथळे आणि उत्पादनातील नुकसान कमी करण्याचा प्रयत्न झाला आहे. सध्या कारखान्यात प्रतिदिन सुमारे आठ हजार ५०० मेट्रिक टन उसाचे गाळप होत असून, ऊस पुरवठ्यातही वाढ होत आहे.

कामगारांमध्येही उत्साह

ऊस उत्पादकांची देणी वेळेत देण्याबरोबरच कारखान्यातील अधिकारी आणि कर्मचाऱ्यांच्या वेतनालाही प्राधान्य देण्यात आले आहे. प्रत्येक महिन्याच्या सात तारखेच्या आत कर्मचाऱ्यांचे पगार अदा केले जात आहेत. नुकताच कामगारांना १५ टक्के बोनस जाहीर करण्यात आल्याने अधिकारी आणि कर्मचाऱ्यांमध्ये समाधानाचे वातावरण आहे.

Urmila Kanetkar: आता ‘उर्मिला कानेटकर’! आदिनाथ कोठारेपासून विभक्त झाल्यानंतर अभिनेत्रीने बदललं युजरने

एकीकडे आर्थिक आव्हाने, तर दुसरीकडे वाढता ऊस पुरवठा आणि प्रतिदिन साडेआठ हजार टन गाळपाची क्षमता, या पार्श्वभूमीवर छत्रपती कारखान्याने हंगामाचे नियोजन काटेकोरपणे केले आहे. ऊस उत्पादकांचे हित जपत गाळपाचे निर्धारित उद्दिष्ट पूर्ण करण्यासाठी कारखान्याचे प्रयत्न सुरू आहेत.