काय सांगता? शाळेच्या आवारात आता मिळणार नाही चिप्स, कोल्ड ड्रिंक्स आणि….? FSSAI चा मोठा निर्णय

FSSAI New Rules For Schools :लहान मुलांचे आरोग्य आणि आहाराच्या सवयी सुधारण्यासाठी FSSAI ने एक अत्यंत महत्त्वपूर्ण पाऊल उचणार आहे. नव्या नियमांनुसार, शाळांच्या ५० मीटरच्या परिघात चिप्स, कोल्ड ड्रिंक्स, बर्गर आणि इतर जंक फूडच्या विक्रीवर पूर्णपणे बंदी घालण्यात येणार आहे.

• शाळेच्या आवारात आता मिळणार नाही या गोष्टी?
• FSSAI ने घेतला मोठा निर्णय
• जंक फूडवर बंदी घालण्याची तयारीत?

FSSAI Junk Food Ban : आजकालची मुलं घरात जेवणाऐवजी बाहेर मिळणारे जंक फूड खाणं पसंत करतात. चिप्स, कुरकुरे यापासून जंक फूडपर्यंत सगळ्याचा नाद मुलांना लागला आहे. तुमच्या लक्षात आलं असेलच की मुलांच्या शाळेबाहेर अशी दुकानं फारच असतात. लहानपणापासूनच या वस्तूचं होणारी ओळख आणि त्याची लागणारी चटक यामुळे अतिसेवन होतं आणि त्याचा आरोग्यावर विपरीत परिणाम होऊ शकतो. या सगळ्या वाढत चाललेल्या समस्येवर उपाय शोधण्यासाठी FSSAI ने एक मोठं पाऊल उचलण्याची तयारीत आहे. शाळांच्या आजूबाजुला आता काही गोष्टींवर बंदी लागणार आहेत. कोणत्या गोष्टींचा या समावेश आहे? ( FSSAI Junk Food Ban ) 

SBI बँकेत तुमचं अकाऊंट आहे का? तर आत्ताच Alert व्हा! बदलणार आहेत नियम; तुमच्या खिशावरही पडणार भार…

FSSAI ने शाळांच्या ५० मीटर परिसरात जंक फूडवर बंदी घालण्याच्या तयारीत आहे. जेणेकरून मुले बाहेर मिळणारे जंक फूड कमी खातील. जर मुलांनी बाहेरचे अन्न खाणे टाळून आरोग्यदायी, घरगुती जेवणाला पसंती दिली, तर त्यांचे आरोग्य चांगले राहील. हा या मागचा उद्देश आहे.

जंक फूडवर बंदी घालण्याची तयारीत?

FSSAI च्या मुख्य कार्यकारी अधिकाऱ्यांनी सांगितले की, शाळांच्या आवारात आणि ५० मीटरच्या परिसरात उच्च चरबीयुक्त पदार्थांच्या म्हणजेच HFSS विक्रीवर बंदी घालण्याची तयारी सुरू आहे. FSSAI चा विश्वास आहे की, जर मुलांना शाळेच्या आत आणि बाहेर दोन्ही ठिकाणी अतिरिक्त जंक फूडचा संपर्क आला नाही, तर त्यांना सुरुवातीपासूनच ते खाण्याची सवय लागणार नाही. त्यामुळे मुलांचं आरोग्य सुधारण्यास मदत होईल.

कोणत्या वस्तूंवर बंदी घातली जाईल?

शाळेच्या ५० मीटरच्या परिसरात खालील वस्तूंच्या विक्रीवर बंदी घालण्याची तयारी सुरू आहे. यामध्ये यांचा समावेश आहे:

• उच्च चरबीयुक्त पदार्थ
• कोल्ड ड्रिंक्स
• चिप्स
• उच्च साखरयुक्त पदार्थ
• उच्च मीठ असलेले पदार्थ

सर्वोच्च न्यायालयात सादर केलेला प्रस्ताव

सर्वात महत्त्वाची गोष्ट म्हणजे हा केवळ एक प्रस्ताव आहे. पण FSSAI ने या नियमाशी संबंधित मसुदा तयार केला आहे, जो सर्वोच्च न्यायालयात सादर करण्यात आला आहे, पण या प्रस्तावावरील अंतिम निर्णय अजून प्रलंबित आहे. जर या प्रस्तावाला सर्वोच्च न्यायालयाने मंजुरी दिली, तर शाळांच्या ५० मीटरच्या परिसरात शीतपेये आणि चिप्स यांसारख्या जंक फूडच्या विक्रीवर बंदी घातली जाऊ शकते.

मुलांवर काय परिणाम होईल?

जर हा प्रस्ताव मंजूर होऊन लागू झाला, तर मुलांवर त्याचा थेट परिणाम होईल:
शाळेजवळ शीतपेये आणि चिप्ससारखे जंक फूड सहज उपलब्ध होणार नाही.
मुलांची हे पदार्थ खाण्याची सवय मोडू शकते.
मुले अधिक प्रमाणात घरी बनवलेले जेवण आणि फळांसारखे इतर पौष्टिक पदार्थ खातील.
हे पदार्थ मुलांना खाण्यामुळे होणाऱ्या आजारांपासून वाचवण्यास मदत करतील.
जर मुले लहानपणापासूनच आरोग्यदायी पदार्थ खात असतील, तर त्यांना या जंक फूडची लालसा वाटणार नाही.

Sugar Price Drop : अरे वाह… साखरेच्या दराबाबत आली मोठी बातमी! दसरा-दिवाळीत भाव आणखी उतरणार?