FSSAI Cracks Down On Priyagold Biscuits : प्रियागोल्ड बिस्किट उत्पादक कंपनी अडचणीत; पशुखाद्याचा कोंडा वापरल्याच्या आरोप

FSSAI Cracks Down On Priyagold Biscuits : प्रियागोल्ड बिस्किटांचे उत्पादक सूर्या फूड अँड ॲग्रो लिमिटेड यांच्याविरोधात FSSAI ने कायदेशीर कारवाई सुरू केली आहे. बिस्किटांच्या निर्मितीसाठी पशुखाद्यासाठी वापरल्या जाणाऱ्या कोंड्याचा वापर केल्याचा आरोप आहे. उत्पादन प्रकल्पात अस्वच्छता, कीड नियंत्रणातील त्रुटी आढळल्याचा आरोप होत आहे.

• जनावरांच्या खाद्यासाठी वापरला जाणारा कोंडा बिस्किट मध्ये
• मुख्य आरोप आणि FSSAI ची कारवाई 
• स्वच्छतेचा प्रचंड अभाव 

FSSAI Cracks Down On Priyagold Biscuits : चहा नाशट्यासाठी आपण नेहमीचं चहा सोबत बिस्किट खातो, आपल्या लहान मुलांच्या डब्यात सुद्धा बिस्किट हमखांस असतं, तर अनेक जन सकाळची सुरूवात चहा बिस्किट सोबत करतात. रोज खात असलेल्या बिस्किटांच्या दर्जावर आता प्रश्न चिन्ह निर्माण होत आहेत.

‘फूड सेफ्टी अँड स्टँडर्ड्स ऑथॉरिटी ऑफ इंडिया’ (FSSAI) ने शनिवारी सांगितले की, त्यांनी ‘प्रियागोल्ड’ बिस्किटांचे उत्पादक ‘सूर्या फूड अँड ॲग्रो लिमिटेड’ (Surya Food & Agro Ltd) यांच्याविरुद्ध कायदेशीर कारवाई सुरू केली आहे. कंपनीवर बिस्किटांच्या निर्मितीमध्ये कच्चा माल म्हणून पशुखाद्यासाठी वापरल्या जाणाऱ्या कोंड्याचा (bran) वापर केल्याचा आरोप केला जात आहे.

जनावरांच्या खाद्यासाठी वापरला जाणारा कोंडा बिस्किट मध्ये मिसळल्याचा आरोप

प्रियागोल्ड’ बिस्किटांचे उत्पादक ‘सूर्या फूड अँड ॲग्रो लिमिटेड’ (Surya Food & Agro Ltd.) यांच्या विरोधात, भारतीय अन्न सुरक्षा आणि मानके प्राधिकरणाने कायदेशीर कारवाई केली असून, या तपासणीनंतर प्रियागोल्ड’ बिस्किटचा  FSSAI ने परवाना निलंबित केला आहे. मिळालेल्या माहितीनुसार, कच्च्या मालामध्ये जनावरांच्या खाद्यासाठी वापरला जाणारा कोंडा (bran) बिस्किट मध्ये मिसळल्याचा आरोप आहे.

याव्यतिरिक्त, स्वच्छता, कीड नियंत्रण आणि कच्च्या मालाची साठवणूक यांसारख्या बाबींमध्येही त्रुटी आढळल्या आहेत. या कारवाईमुळे अन्न सुरक्षा नियमांचे पालन आणि उत्पादन मानकांवर प्रश्नचिन्ह निर्माण झाले आहे.

Mumbai Hotel Price Hike: हॉटेलमध्ये खाणं आता महागणार! इडली, डोसा ते जेवणाच्या थाळीपर्यंत दरवाढ; ‘आहार’ संघटनेचे मोठे संकेत 

मुख्य आरोप आणि FSSAI ची कारवाई

बिस्किटांमध्ये बऱ्याच प्रमाणात फायबर (Fiber) असते. याचे प्रमाण वाढवण्यासाठी मानवी वापरासाठी अयोग्य असलेला आणि फक्त जनावरांच्या चाऱ्यासाठी (Cattle Feed Bran) वापरला जाणारा कोंडा कच्चा माल म्हणून वापरला जात होता. प्लांटमध्ये सापडलेल्या पोत्यांवर “केवळ पशुखाद्यासाठी” (Cattle Feed) असे स्पष्ट लिहिण्यात आले होते.

स्वच्छतेचा प्रचंड अभाव

प्लांटमधील अस्वच्छता, कीटक नियंत्रण (Pest Control) न करणे, कच्च्या मालाची चुकीच्या पद्धतीने साठवणूक आणि कर्मचाऱ्यांच्या वैयक्तिक स्वच्छतेच्या बाबतीत गंभीर त्रुटी आढळून आल्या.  या गंभीर घटनेमुळे FSSAI ने सूर्या फूड अँड ॲग्रो लिमिटेड कंपनीचा अन्न परवाना (License) तातडीने निलंबित केला आहे. या विरुद्ध न्यायालयात खटला चालवला जाणार आहे.

FDA Raid: कराडमध्ये FDA ची धडक कारवाई! नामांकित बेकरीला ठोकले सील; पार्सल सेवेवरही निर्बंध