Gold Hallmark Fee Hikes : सणासुदीच्या काळात दागिने खरेदी महागली! सोन्याच्या हॉलमार्किंग शुल्कात वाढ; पाहा नवीन दर

Gold Hallmark Fee Hikes : सणासुदीचा काळ सुरू होण्यापूर्वीच सोने खरेदी करणाऱ्या ग्राहकांना महागाईचा झटका बसला आहे. भारतीय मानक ब्यूरो BIS ने सोन्याच्या दागिन्यांवरील हॉलमार्किंग शुल्कात वाढ केली असून ते आता प्रति नग ७५ रुपये करण्यात आले आहे.

• सणासुदीच्या काळात दागिने खरेदी महागली!
• सोन्याच्या हॉलमार्किंग शुल्कात वाढ
• पाहा नवीन दर नेमके काय ?

Gold Hallmark Fee Hikes : सणासुदीचा आणि लग्नसराईचा हंगाम सुरू होण्यापूर्वी, सोन्याचे दागिने खरेदी करणाऱ्यांसाठी एक महत्त्वाचे अपडेट समोर आली आहे. ब्युरो ऑफ इंडियन स्टँडर्ड्सने म्हणजे BIS सोन्याच्या दागिन्यांच्या हॉलमार्किंग शुल्कामध्ये एक महत्त्वपूर्ण बदल केला आहे. आता सराफांना सोन्याच्या वस्तूवर हॉलमार्किंग करण्यासाठी जास्त रक्कम द्यावी लागणार आहे. त्यामुळे दागिन्याच्या किमतीवरही प्रभाव पडणार आहे. ( Gold Hallmark Fee Hikes ) 

सांगता काय? UPI Transactions वर डबल दणका… 2000 पेक्षा जास्तच्या MDR वर लागू होणार 18 % GST

हे नवीन नियम १४ सप्टेंबर २०२६ पासून लागू होत आहेत. त्यामुळे, जर तुम्ही या सणासुदीच्या आणि लग्नसराईच्या हंगामात सोन्याचे दागिने खरेदी करण्याचा विचार करत असाल, तर वाढलेल्या हॉलमार्किंग शुल्काचा तुमच्या खिशावर कसा परिणाम होऊ शकतो हे समजून घेणे महत्त्वाचे आहे.

हॉलमार्किंग शुल्कात किती बदल?

पूर्वी, प्रत्येक सोन्याच्या दागिन्यासाठी हॉलमार्किंग शुल्क ४५ रुपये होते. आता, ते वाढवून प्रत्येक दागिन्यामागे ७५ रुपये करण्यात आले आहे. याचा अर्थ प्रत्येक सोन्याच्या दागिन्यामागे आकारल्या जाणाऱ्या शुल्कात ३० रुपयांची वाढ झाली आहे. प्रत्येक खेपसाठी किमान शुल्क ₹२०० निश्चित करण्यात आले आहे. तथापि, चांदीच्या दागिन्यांच्या हॉलमार्किंग शुल्कात कोणताही बदल झालेला नाही. याचा अर्थ, चांदीच्या वस्तूंसाठी शुल्क ₹३५ इतकेच राहील, आणि प्रत्येक खेपसाठी किमान शुल्क ₹१५० असेल.

ग्राहकांना प्रत्येक दागिन्यामागे किती चार्ज?

सध्या तरी, हॉलमार्किंग शुल्कवाढीनंतर ग्राहकांना प्रत्येक दागिन्यामागे अतिरिक्त ₹३० द्यावे लागतीलच असे नाही. याचे कारण असे की, सराफांना मान्यताप्राप्त मूल्यांकन आणि हॉलमार्किंग केंद्राला AHC ₹७५ हॉलमार्किंग शुल्क देणे आवश्यक आहे. महत्त्वाचे म्हणजे, या नियमांमध्ये ग्राहकांकडून आकारण्यात येणाऱ्या स्वतंत्र ₹७५ शुल्काचा उल्लेख नाही. पण सराफ हा अतिरिक्त खर्च स्वतः उचलू शकतात किंवा तो दागिन्यांच्या एकूण किमतीत समाविष्ट करू शकतात. त्यामुळे, केवळ हॉलमार्किंग शुल्कातील वाढीमुळे सोन्याच्या प्रत्येक दागिन्याच्या किमतीत ₹30 ने वाढ होईल, असे म्हणणे योग्य ठरणार नाही.

सोन्याचे दागिने खरेदी करताना हॉलमार्क नक्की तपासा

सोन्या-चांदीच्या दागिन्यांममध्ये वापरलेल्या मौल्यवान धातूच्या शुद्धतेची ग्राहकांना खात्री देणे, हा हॉलमार्किंगचा उद्देश आहे. त्यामुळे, सोन्या-चांदीचे दागिने खरेदी करताना, केवळ दुकानदाराच्या शब्दावर अवलंबून न राहता हॉलमार्क नक्की तपासा.

• दागिन्यांवर BIS मानक चिन्ह शोधा.
• सोन्याचा शुद्धता किंवा फाइननेस क्रमांक तपासा.
• 6-अंकी HUID क्रमांक नक्की तपासा.
• HUID तुम्हाला हॉलमार्कची माहिती सत्यापित करण्यास मदत करतो.
• BIS नुसार, सोन्याच्या दागिन्यांवर 14K (585), 18K (750), 20K (833), 22K (916), 23K (958), आणि 24K (995) यांसारख्या ग्रेडमध्ये हॉलमार्क केले जाते.

Petrol-Diesel Tax Cut : पेट्रोल – डिझेलवर सरकारचा मोठा निर्णय! ‘या’ टॅक्समध्ये करणार कपात, किमतींवर परिणाम होणार?