(फोटो सौजन्य - सोशल मीडिया)
बँकेने शशीधर जगदीधन यांच्या निर्णयाबाबत सांगताना पुढे म्हटले आहे की, बँकेचे संचालक मंडळ शशीधर जगदीशन यांच्या उत्तराधिकाऱ्याच्या निवड आणि नियुक्तीची प्रक्रिया निर्धारित वेळेत वेगाने पूर्ण करेल.
जगदीशन २६ ऑक्टोबर रोजी सेवानिवृत्त होणार आहेत. ६१ वर्षीय जगदीशन १९९६ मध्ये ते फाइनान्स डिवीजन म्हणून बँकेत रुजू झाले होते त्यांनतर १९९९ मध्ये ते फाइनान्स हेड बनले. त्यानंतर, २००८ मध्ये त्यांची एचडीएफसी बँकेचे चीफ फाइनानशियल ऑफिसर म्हणून नियुक्ती झाली.
बँकेने याबाबत म्हटलंय की, जगदीशन यांनी व्यवस्थापकीय संचालक आणि मुख्य कार्यकारी अधिकारी म्हणून पुनर्नियुक्तीसाठी अर्ज न करण्याचा आपला निर्णय कळवला होता. त्यानंतर संचालक मंडळाने त्यांना समजावण्याचा प्रयत्न करूनही ते आपल्या निर्णयावर ठाम राहिले आहेत. बँकेने म्हटले आहे की, “संचालक मंडळाने बँकेच्या वाढीसाठी आणि स्थिरतेसाठी त्यांची वचनबद्धता, नेतृत्व आणि योगदान, तसेच भारतीय कॉर्पोरेट जगतातील सर्वात मोठ्या विलीनीकरणांपैकी एक यशस्वीरित्या पूर्ण करण्यात त्यांच्या भूमिकेचे कौतुक केलं आहे.” संचालक मंडळाने जगदीशन यांना त्यांच्या भावी वाटचालीसाठी शुभेच्छाही दिल्या आहे.
बँकेच्या व्यवस्थापनाबाबत विचार केला तर या वर्षाच्या सुरुवातीपासूनच बँकेचे व्यवस्थापन गोंधळात आहे. बँकेच्या नैतिक आणि प्रशासकीय पद्धतींबद्दल चिंता व्यक्त केली जात आहे. गैर-कार्यकारी अध्यक्ष अतानु चक्रवर्ती यांच्या अचानक राजीनाम्यानंतर मार्च महिन्यात हा गोंधळ जास्तच वाढला. याचा महत्त्वाच मुद्दा म्हणजे गेल्या काही महिन्यांमध्ये, बँकेतील व्यवस्थापनातील गोंधळ थेट दिसून आला. बँकेच्या प्रशासकीय पद्धतींचा अभाव दर्शवणारी अनेक प्रकरणे समोर आली आहेत.
एमएसआरडीसी प्रकरणात गैरवर्तनासाठी दोषी आढळल्यानंतर जगदीशन यांना ₹१,००,००० चा दंड ठोठावण्यात आला. बँकेत मोठी रक्कम ठेवल्याबद्दल एका ठेवीदाराला कार्डच्या व्याजदरापेक्षा जास्त रक्कम दिल्याचा आरोप करण्यात आला. यासगळ्यात गोंधळाचा परिणाम संपूर्ण बँक व्यवस्थेवर झालेला दिसून येत आहे.
बँकांचे संचालक मंडळ साधारणपणे CEO ची पुनर्नियुक्तीला मंजुरी देतं आणि भारतीय रिझर्व्ह बँकेकडून सुमारे सहा महिने आधीच मंजुरी घेतली जाते. उदाहरणार्थ, जानेवारीमध्ये, प्रतिस्पर्धी आयसीआयसीआय बँकेच्या संचालक मंडळाने संदीप बख्शी यांच्या मुख्य कार्यकारी अधिकारी म्हणून दोन वर्षांच्या कालावधीसाठी पुनर्नियुक्तीला मंजुरी दिली. बख्शी यांचा सध्याचा कार्यकाळ ऑक्टोबरमध्ये संपत असून, आरबीआयने मे महिन्यात त्यांच्या पुनर्नियुक्तीला मंजुरी दिली. दरम्यान, एचडीएफसी बँकेच्या संचालक मंडळाने अंतिम मुदतीच्या तब्बल सात महिने आधीच, मार्च २०२३ मध्ये जगदीशन यांच्या सध्याच्या कार्यकाळाला मंजुरी दिली. त्यामुळे आता पुढे कशा पद्धतीने HDFC चा कार्यभार चालेल आणि कमान कोणाच्या हाती जाते हे पहावं लागेल.
.png "Videos"){kind=small}
