India-BhutanTrain: भारत-भूतान रेल्वे धावणार! दोन्ही देशांना जोडणारे ४,०३३ कोटींचे दोन प्रकल्प मंजूर; वाचा सविस्तर

India-BhutanTrain: भारत आणि भूतानमधील व्यापार, पर्यटन आणि लोकांमधील संपर्क सुलभ करण्यासाठी, केंद्र सरकारने दोन आंतरराष्ट्रीय रेल्वे प्रकल्पांना मंजुरी दिली आहे.

• भारत-भूतान रेल्वे धावणार!
• दोन्ही देशांना जोडणारे ४,०३३ कोटींचे दोन प्रकल्प मंजूर
• वाचा सविस्तर

India-BhutanTrain: भारत आणि भूतानमधील व्यापार, पर्यटन आणि दळणवळण सुलभ करण्यासाठी केंद्र सरकारने दोन महत्त्वाच्या आंतरराष्ट्रीय रेल्वे प्रकल्पांना मंजुरी दिली आहे. हे प्रकल्प पहिल्यांदाच भारत आणि भूतानला थेट रेल्वेमार्गाने जोडणार आहेत. यामुळे दोन्ही देशांमधील संबंध अधिक दृढ होतील, असे केंद्रीय रेल्वे मंत्री अश्विनी वैष्णव आणि परराष्ट्र सचिव विक्रम मिस्री यांनी सांगितले. पंतप्रधान मोदींच्या मागील वर्षीच्या भूतान भेटीदरम्यान या कनेक्टिव्हिटीसाठी सामंजस्य करार झाला होता, ज्यावर नुकतीच स्वाक्षरी करण्यात आली आहे.See more

🚨 BREAKING: India announces ₹4,033 cr plan to build first-ever rail links with Bhutan: – Kokrajhar–Gelephu (69 km)
– Banarhat–Samtse (20 km) 🇮🇳🚆🇧🇹 pic.twitter.com/NVFIxZVYOX — Beats in Brief 🗞️ (@beatsinbrief) September 29, 2025

प्रकल्पांचा तपशील

केंद्र सरकारने एकूण ₹४,०३३ कोटी खर्चाच्या दोन रेल्वे प्रकल्पांना हिरवा कंदील दाखवला आहे.

१. कोकराझार (आसाम) ते गेलेफू (भूतान) रेल्वे मार्ग:

• लांबी: ६९ किलोमीटर
• अपेक्षित खर्च: अंदाजे ₹३,४५६ कोटी
• अपेक्षित कालावधी: ४ वर्षे
• वैशिष्ट्ये: या मार्गावर ६ स्थानके, २९ मोठे पूल आणि ६५ छोटे पूल असतील. हा मार्ग भारतातील कोक्राझार आणि चिरांग जिल्ह्यांना भूतानमधील सरपांग जिल्ह्यापर्यंत (गेलेफू) जोडेल.

२. बनारहाट (पश्चिम बंगाल) ते समत्से (भूतान) रेल्वे मार्ग:

• लांबी: अंदाजे २० किलोमीटर
• अपेक्षित खर्च: ₹५७७ कोटी
• अपेक्षित कालावधी: ३ वर्षे

Budget Friendly Travel : कमी बजेटमध्ये करा इंटरनॅशनल ट्रिप; 50 हजार रुपयांतच होईल या 3 देशांची सफर

दोन्ही देशांसाठी लाभदायी

या रेल्वे प्रकल्पांमुळे भूतानमधील गेलेफू (जागरुकतेचे शहर) आणि समत्से (औद्योगिक शहर) ही दोन महत्त्वाची शहरे जोडली जातील. तसेच, भारत भूतानचा सर्वात मोठा व्यापारी भागीदार असल्याने, हे रेल्वे मार्ग भूतानच्या अर्थव्यवस्थेसाठी अत्यंत महत्त्वाचे ठरतील.

परराष्ट्र सचिव विक्रम मिस्री यांनी सांगितले की, भारत आणि भूतानमध्ये “अतुलनीय विश्वास, परस्पर आदर आणि समज” आहे, जो सांस्कृतिक संबंध आणि सामायिक सुरक्षा हितांवर आधारित आहे. भारताने भूतानच्या पंचवार्षिक योजनेसाठी (२०२४-२०२९) ₹१०,००० कोटींची मदत देण्याचे वचन दिले आहे, जी मागील योजनेपेक्षा दुप्पट आहे. हे भारताचे भूतानच्या विकासातील महत्त्वाचे योगदान दर्शवते.