Share Market Crash : भारतीय शेअर बाजार पुन्हा कोसळला! HDFC Bank चा शेअर धडाम; Nifty 22400 च्या खाली

Share Market Crash : भारतीय शेअर बाजारात आज पुन्हा एकदा मोठी घसरण पाहायला मिळाली आहे. निफ्टी २२,४०० च्या खाली आला आहे. बँकिंग क्षेत्रातील दिग्गज HDFC Bank च्या शेअर्समध्ये झालेल्या मोठ्या पडझडीमुळे बाजारावर मोठा दबाव निर्माण झाला, ज्यामुळे गुंतवणूकदारांचे कोट्यवधी रुपयांचे नुकसान झाले आहे.

• आज पुन्हा कोसळला शेअर बाजार!
• HDFC Bank चे शेअर्स का घसरले?
• पाहा बाजारातील पडझडी मागची कारणं

Share Market Crash : शेअर बाजारात चढ उतार सुरुच असतो. आता ही मागील सलग आठ आठवड्यांपासून नकारात्मक पातळीवर व्यवहार केल्यानंतर नवव्या आठवड्याच्या सुरुवातीला शेअर बाजारात सकारात्मकता दिसेल अशी आशा होती. मागील काही दिवसांपासून असलेली परिस्थिती पाहता दबावही तितकाच होता. सोमवारची सुरुवात अगदी सकारात्मक ट्रेंडने झाली पण दुपारी 12 वाजता निफ्टी अचानक खाली कोसळली. तब्बल 12400 अंकांच्या खालीपर्यंत अकडे गेले. या घसरणीत HDFC बँक आणि HCL TECH यांचे शेअर्स होते. तर दुपारी 12 वाजता सेन्सेक्स 71850 अंकांपर्यंत घसरला. ( Share Market Crash ) 

होणार 3 लाखांचं नुकसान? 8th Pay Commission लागू होण्यास उशीर झाला तर बसणार फटका; पण कसा? जाणून घ्या

HDFC बँक आणि निफ्टी बँकवरील दबाव

घसरणीची मुख्य कारणे म्हणजे दबाव. निर्देशांकातील सर्वात मोठी कंपनी असलेल्या HDFC बँकेच्या शेअर्सची सुमारे २.५० टक्क्यांनी मोठी विक्री झाली, ज्यामुळे निफ्टी बँक निर्देशांकावर दबाव आला. याव्यतिरिक्त, एशियन पेंट्सचे शेअर्सदेखील २.५ टक्क्यांनी घसरले. जागतिक बाजारातील सुधारलेल्या सकारात्मक भावनेमुळे भारतीय बाजाराची सुरुवात दमदार झाली आणि सोमवारी व्यवहारादरम्यान निफ्टी २२,६२१.८० अंकांपर्यंत वाढला. पण त्यानंतर दबाव वाढला आणि निर्देशांक २२,४०० च्या खाली घसरला.

FIIS कडून धडाधड विक्री

भारतीय बाजारातील घसरणीचे सर्वात मोठे कारण म्हणजे विदेशी संस्थागत गुंतवणूकदारांकडून होणारी विक्री. विदेशी गुंतवणूकदार भारतीय शेअर बाजारातून सातत्याने निधी काढून घेत आहेत. डॉलर निर्देशांकाच्या मजबुतीमुळे आणि यूएस ट्रेझरी बाँडच्या उत्पन्नात वाढ झाल्यामुळे, विदेशी निधी भारतासारख्या उदयोन्मुख बाजारांमधून पैसे काढून घेत आहेत आणि अधिक सुरक्षित पर्यायांकडे वळत आहेत. त्यामुळे भारतीय शेअर बाजारावर त्याचा थेट परिणाम होत आहे.

जागतिक तणाव आणि कच्च्या तेलात वाढ

जागतिक स्तरावर, भू-राजकीय अनिश्चितता आणि कच्च्या तेलाच्या किमतीतील अस्थिरतेमुळे भारतीय अर्थव्यवस्था आणि कंपन्यांच्या नफ्यावर परिणाम होण्याची भीती वाढली आहे. कच्च्या तेलाच्या किमती प्रति बॅरल १०० डॉलरच्या वर आहेत. बाजार तज्ज्ञांच्या मते, जोपर्यंत निफ्टी २२,६५०-२२,७०० ची पातळी पुन्हा गाठत नाही, तोपर्यंत बाजारातील अस्थिरता आणि दबाव कायम राहू शकतो.

अमेरिकेकडून सकारात्मक संकेत

अमेरिकन बाजारात तेजी असूनही, भारतीय बाजारात घसरण सुरूच आहे. ॲक्सेंचरच्या जुलै-सप्टेंबर २०२६ या चौथ्या तिमाहीच्या निकालांनी देशांतर्गत बाजारातील आयटी स्टॉक्सना आधार दिला. १ ऑक्टोबर रोजी ॲक्सेंचरच्या शेअर्समध्ये २२% वाढ झाली, जो कंपनीच्या इतिहासातील सर्वोच्च दिवस ठरला. दरम्यान, सप्टेंबरमध्ये अमेरिकेतील रोजगार वाढ अपेक्षेपेक्षा कमी होती आणि गेल्या दोन महिन्यांच्या नॉन-फार्म पेरोल डेटामध्ये मोठी घट झाली, ज्यामुळे फेडरल रिझर्व्हकडून या महिन्यात व्याजदर वाढवण्याची शक्यता जवळजवळ संपुष्टात आली आहे.

(टीप: शेअर बाजारात गुंतवणूक करण्यापूर्वी आर्थिक सल्लागाराचा सल्ला घ्या.)

Gold Silver दर आणखी कडाडणार? GST दरांबाबत होणार मोठा निर्णय; काय नेमकं संपूर्ण प्रकरण?