फोटो सौजन्य- iStock
मध्य प्रदेशस्थित बीआर गोयल इन्फ्रास्ट्रक्चरचा आयपीओ 7 जानेवारी रोजी सबस्क्रिप्शनसाठी उघडणार आहे. आयपीओतून कंपनी 85.21 कोटी रुपये उभारणार आहे. गुंतवणूकदारांना आयपीओसाठी 9 जानेवारीपर्यंत बाेली लावता येणार आहे.
किती आहे किंमत पट्टा
बीआर गोयल इन्फ्रास्ट्रक्चरने आयपीओसाठी प्रति शेअर 128-135 रुपयांचा किंमत बँड निश्चित करण्यात आला आहे. आयपीओमध्ये कंपनी 85.21 कोटी रुपयांचे 63.12 लाख नवीन शेअर्सची विक्री करणार आहे. ऑफर फॉर सेल (ओएफएस) द्वारे कोणतीही विक्री होणार नाही. म्हणजे यातून मिळणारी संपूर्ण रक्कम कंपनीकडे जाईल. शेअर्सचे वाटप 10 जानेवारी रोजी हाेईल. तर 13 जानेवारीपासून रिफंड प्रक्रिया सुरू होईल. शेअर्सचे लिस्टिंग बीएसई एसएमईवर 14 जानेवारीला हाेणार आहे.
(फोटो सौजन्य – istock)
निधी कुठे वापरला जाणार
आयपीओची रक्कम भांडवली खर्च, खेळत्या भांडवलाच्या गरजा, अधिग्रहणांद्वारे सेंद्रिय वाढ आणि सामान्य कॉर्पोरेट उद्देशांसाठी वापरली जाईल. बीलाइन कॅपिटल अॅडवाइजर्सही एकमेव बुक रनिंग लीड मॅनेजर आहे. कंपनीने आयपीओ लाँच होण्यापूर्वी प्री आयपीओ राऊंडद्वारे 1.2 लाख शेअर्स जारी करून 1.5 कोटी रुपये उभे केले आहेत. त्यामुळे आयपीओचा आकार आधीच्या 64.32 लाख शेअर्सवरून 63.12 लाख शेअर्स इतका कमी करण्यात आला आहे.
बाजार घसरणीतही ‘हा’ शेअर लागतोय अप्पर सर्किटला; 15 टक्क्यांच्या उसळीमुळे गुंतवणूकदार सुखावले!
कंपनीचा व्यवसाय
बीआर गोयल इन्फ्रास्ट्रक्चर लिमिटेडची स्थापना 2005 मध्ये झाली. कंपनी तृतीय पक्षांना (प्रामुख्याने सरकारी विभागांसाठी) अभियांत्रिकी, खरेदी आणि बांधकाम सेवा प्रदान करते. कंपनी मुख्यत्वे रस्ते आणि महामार्ग, व्यापारी संकुल, औद्योगिक उद्याने आणि गृहनिर्माण प्रकल्पांवर काम करते. मध्य प्रदेश, महाराष्ट्र, गुजरात, हरियाणा, उत्तर प्रदेश, मिझोराम आणि मणिपूरसह भारतातील अनेक राज्यांमध्ये कंपनीचे प्रकल्प सुरू आहेत. कंपनी पवन ऊर्जा निर्मिती, रेडी-मिक्स काँक्रिट आणि टोल वसुली करार निर्मितीमध्ये देखील आहे.
(टीप : शेअर बाजार, म्यूच्यूअल फंड हे जोखमीच्या अधीन असतात. वरती दिलेली माहिती माहितीस्तव देण्यात आली आहे. गुंतवणुकीसाठी शिफारस, सल्ला देण्याचा यामागील उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)
