शुक्रवार, 13 नोव्हेंबर 2026
संग्रहित फोटो
या प्रकरणी पाच जणांविरोधात उस्मानपुरा पोलिस ठाण्यात खुनाच्या प्रयत्नाचा गुन्हा दाखल करण्यात आला आहे. संतोष कलाणी, राजसिंग संतोष कलाणी, धनराजसिंग संतोषसिंग कलाणी, सागर खरे आणि प्रेम खरे अशी गुन्हा दाखल झालेल्या संशयितांची नावे आहेत. आकाश व्यंकट खरात यांनी याप्रकरणी पोलिसांत फिर्याद दिली आहे. आकाश हे बांधकाम ठेकेदार आहेत.
पोलिसांत दिलेल्या फिर्यादीनुसार, १० नोव्हेंबर रोजी सायंकाळी आकाश यांचा लहान भाऊ कुणाल खरात हा दुचाकीवरून जात असताना राजसिंग कलाणी याने त्याच्या दुचाकीला कट मारला. याबाबत जाब विचारण्यासाठी कुणालने राजसिंगला मिलिंदनगर येथे थांबवले. तसेच दुचाकी हळू चालविण्यास सांगितले. याच कारणावरून राजसिंग, धनराजसिंग आणि संतोष कलाणी यांनी कुणालला शिवीगाळ करत मारहाण केली.
या मारहाणीत जखमी झालेल्या कुणालला उपचारासाठी घाटी रुग्णालयात दाखल करण्यात आले. उपचारानंतर आकाश हे भावाला सोबत घेऊन पोलिस ठाण्यात तक्रार देण्यासाठी निघाले होते. मात्र, ते उस्मानपुरा येथील कामगार चौकात पोहोचताच संतोष कलाणी, प्रेम खरे आणि सागर खरे यांनी त्यांना रस्त्यात अडवले. त्यानंतर संशयितांनी आकाश यांच्यावर चाकूने हल्ला केला. त्यांच्या पोटात चाकू खुपसण्यात आला. दुसरा वार करण्याचा प्रयत्न होताच आकाश यांनी तो हातावर झेलला. या घटनेमुळे परिसरात खळबळ उडाली. याप्रकरणी उस्मानपुरा पोलिस ठाण्यात पाच जणांविरोधात खुनाच्या प्रयत्नाचा गुन्हा दाखल करण्यात आला असून, पोलिसांकडून पुढील तपास सुरू आहे.
Ans: छत्रपती संभाजीनगरमधील उस्मानपुरा परिसरातील कामगार चौकात १० नोव्हेंबर रोजी ही घटना घडली.
Ans: फिर्यादी आकाश खरात यांच्या भावाला दुचाकीला कट मारल्याच्या कारणावरून मारहाण झाली होती. याच प्रकरणाची तक्रार देण्यासाठी जात असताना आकाश यांच्यावर हल्ला करण्यात आला.
Ans: संतोष कलाणी, राजसिंग कलाणी, धनराजसिंग कलाणी, सागर खरे आणि प्रेम खरे अशा पाच जणांविरोधात खुनाच्या प्रयत्नाचा गुन्हा दाखल करण्यात आला आहे.
