शुक्रवार, 13 नोव्हेंबर 2026
'माझी वंशावळ सांगायची आणि तत्त्वज्ञान शिकवण्याची गरज नाही'; शिवेंद्रसिंहराजेंचा विरोधकांना टोला
मेढा येथील पंचायत समितीच्या सभागृहात आयोजित पत्रकार परिषदेस जिल्हा परिषद सदस्य वसंतराव मानकुमरे, जिल्हा बँकेचे संचालक ज्ञानदेव रांजणे, नगराध्यक्षा रूपाली वारागडे, उपनगराध्यक्ष विकास देशपांडे, मंडल अध्यक्ष मारूती चिकणे, संदीप परामणे आदींसह बहुतांश कार्यकर्ते उपस्थित होते.
पत्रकार परिषदेत ते पुढे म्हणाले, विरोधकांवर दहशत केल्याचा शिवसेनेचा आरोप आहे पण जिल्हा बँकेच्या निवडणुकीनंतर कोणत्याही जल्लोषात मी सहभागी नव्हतो तरीही माझं नाव घेऊन टिकाटीपण्णी करण्यात आली. पालकमंत्र्यांना आणून आपली ताकद दाखवण्याचा प्रयत्न विरोधक करत आहेत. वीस वर्षे मी आमदार आहे कोणत्याही निवडणुकीत कधीही दहशत, दादागिरी केली नाही मग आत्ताच काही लोक बाहेरून आल्यावर हे घडू लागले, मग हे आम्ही करतोय की बाहेरचे आलेले लोक करताहेत याचा विचार करण्याची गरज असल्याचे त्यांनी सांगितले.
व्यवसाय करणे गुन्हा आहे का असा सवाल करत कोणी सरकारी नियमाप्रमाणे टॅक्स भरून व्यवसाय करत असेल तर तुमच्या पोटात दुखायचे कारण काय असेही त्यांनी सांगितले. हुतात्मा तुकाराम ओंबळे यांचे स्मारक व्हावे म्हणून पहिली बैठक माझ्या पत्रावरून घेतली. त्यांचे स्मारक मुंबई ऐवजी मूळ गावी होण्यासाठी मीच प्रयत्न केले. सुरुवातीला पाच कोटीची मान्यता होती ती 13 कोटींची करून निधी दिला लवकरच त्याच्या भूमिपूजनाचे काम आम्ही करू.
निवडणुका आल्या की जावळीचा स्वाभिमान जागा होतो आणि निवडणुका संपल्या की जावळीचा स्वाभिमान मुंबईला जातो.
जिल्हा बँकेच्या अध्यक्ष निवडणुकीबाबत जयकुमार गोरे व आम्ही इथेच निर्णय घेऊ जर निर्णय झाला नाही तर मुख्यमंत्री व दोन्ही उपमुख्यमंत्री याबाबत निर्णय घेतील.
कामांच्या दर्जाबाबत अजिबात तडजोड नाही, मग तो काम करणारा कोणीही असो.
जावळीतील भौतिक सुविधा वाढवून पर्यटन वाढीसाठी प्रयत्न.
प्रत्येकाला आपल्या बुद्धीचा वापर करून मोठं होण्याचा अधिकार.
पहिल्या निवडणुकीत पराभव झाला त्यातून शिकूनच पुढे विजयी मार्गावर चाललो.
जावळीतील जनतेची कामे करून त्यांच्या मनात स्थान निर्माण केले.
जिथं ज्याची ताकत तिथं त्याचा उमेदवार हे महायुतीचे सूत्र असताना आमचे कार्यकर्ते घरी बसवून तुम्हाला जागा सोडणार का?
Ans: 'माझी वंशावळ सांगायची व तत्त्वज्ञान शिकवण्याची गरज नाही,' असे म्हणत त्यांनी विरोधकांना प्रत्युत्तर दिले.
Ans: मेढा येथे आयोजित पत्रकार परिषदेत त्यांनी हे वक्तव्य केले.
Ans: पत्रकार परिषदेत त्यांनी विरोधकांचा खरपूस समाचार घेतला.
