जॅक्सन इंजिनिअर्सने जीआयपीसीएलला १०० मेगावॅट सोलर मॉड्यूल्स वितरित; भारताच्या हरित ऊर्जा उद्दिष्टांना चालना

या यशस्वी प्रकल्पाबद्दल जॅक्सन सोलर मॉड्युल्स अँड सेल्सचे सीईओ अनुराग गर्ग यांनी आनंद व्यक्त करताना सांगितले, “या ऐतिहासिक प्रकल्पासाठी जीआयपीसीएलसोबत भागीदारी केल्याचा आम्हाला अभिमान आहे. आमच्या टीमने उत्कृष्ट अंमलबजावणी करत कार्यक्षमतेचे नवे मापदंड प्रस्थापित केले आहेत. तसेच, उच्च दर्जाची उत्पादने प्रदान करत भारताच्या हरित ऊर्जा उद्दिष्टांना पाठिंबा देण्याबरोबरच, सौर ऊर्जा क्षेत्रात योगदान देण्यास आम्ही पूर्णपणे वचनबद्ध आहोत. हा प्रकल्प देशाच्या नवीकरणीय ऊर्जा क्षेत्राला गती देणारा ठरेल आणि भविष्यात सौर ऊर्जा तंत्रज्ञानातील नावीन्य आणि गुणवत्तेचा नवा अध्याय लिहील.”

सध्या जॅक्सन इंजिनिअर्स भारताच्या सौर ऊर्जा क्षेत्रात मोठ्या प्रमाणावर गुंतवणूक करत आहे. कंपनीने नुकतेच २.५ गिगावॅट क्षमतेच्या सोलर सेल उत्पादन प्रकल्पाच्या उभारणीसाठी २,००० कोटी रुपये (२१५.९ दशलक्ष डॉलर्स) गुंतवणूक करण्याची योजना जाहीर केली आहे. यासोबतच, सोलर मॉड्यूल उत्पादन क्षमतेत लक्षणीय वाढ करण्याचे उद्दिष्ट ठेवले असून, सध्या १.२ गिगावॅट असलेली उत्पादन क्षमता २ गिगावॅटपर्यंत नेण्याचा मानस आहे. यामुळे देशांतर्गत सौर ऊर्जा उत्पादनाला चालना मिळेल आणि आत्मनिर्भर भारताच्या उद्दिष्टांना पूरक ठरेल.

सलग १६ दिवसांच्या घसरणीनंतर टाटा समूहाचा ‘हा’ मोठा शेअर परत येण्याची शक्यता

ही महत्त्वाकांक्षी गुंतवणूक भारतातील नवीकरणीय ऊर्जा क्षेत्राला बळकटी देण्यासोबतच देशांतर्गत उत्पादन आणि संशोधनाला नवीन दिशा देईल. परिणामी, भविष्यात भारताचा सौर ऊर्जा क्षेत्रातील जागतिक नेतृत्वाचा मार्ग अधिक मजबूत होईल. या यशस्वी प्रकल्पामुळे जॅक्सन इंजिनिअर्सने आपल्या उत्कृष्टतेचा ठसा उमटवला असून, भविष्यात भारताच्या स्वच्छ ऊर्जा क्षेत्रात क्रांतिकारी बदल घडवून आणण्यासाठी कंपनी कटिबद्ध आहे.

संबंधित बातम्या