(फोटो सौजन्य - सोशल मीडिया)
इन्फोसिसची उपकंपनी असलेल्या इन्फोसिस पब्लिक सर्व्हिसेसचे सीईओ, लक्स गोपीसेट्टी, नेपाळमधील आपत्तीनंतर बेपत्ता आहेत. इन्फोसिसने याबाबत स्पष्ट केलं की, ते नेपाळ दौऱ्यावर होते आणि पूर आल्यापासून ते बेपत्ता आहेत. कंपनीने पुढे म्हटले आहे की, त्यांना शोधणे, त्यांच्याशी संपर्क साधणे आणि त्यांची सुरक्षितता सुनिश्चित करणं ही त्यांच्या प्रायोरिटी आहे. कंपनीने सांगितले की, ‘त्यांच्या नेपाळ दौऱ्यानंतर त्यांच्याशी संपर्क होऊ शकलेला नाही.
सध्या, आमची टीम माहिती गोळा करण्यासाठी आणि त्यांच्याशी संपर्क साधण्यासाठी विविध एजन्सींसोबत काम करत आहे. आम्ही त्यांच्या कुटुंबीयांच्याही सतत संपर्कात आहोत आणि या कठीण काळात त्यांना सर्वतोपरी मदत करत आहोत. या दुर्घटनेमुळे बाधित झालेल्या आणि इतर सर्वांप्रति आम्ही संवेदनशील आहोत. नेपाळमधील विनाशकारी पूर आणि त्यामुळे झालेल्या जीवित व मालमत्तेच्या हानीबद्दल कंपनी तीव्र शोक व्यक्त करते’.
इन्फोसिसच्या वेबसाइटवरील त्यांच्या प्रोफाइलनुसार, गोपीसेट्टी हे इन्फोसिसची उपकंपनी असलेल्या ‘इन्फोसिस पब्लिक सर्व्हिसेस’चे ते CEO म्हणून कार्यरत आहेत. जी कंपनी अमेरिका आणि कॅनडातील सार्वजनिक क्षेत्रावर लक्ष केंद्रित करते. गोपीसेट्टी सार्वजनिक क्षेत्रातील संस्थांना त्यांच्या कार्यांना पाठिंबा देण्यासाठी रणनीती, तंत्रज्ञान, ऑपरेशन आणि परिवर्तनावर सल्ला देतात, तसेच कंपनीची उद्दिष्ट्ये साध्य करण्यासाठी तिच्या धोरणावर आणि कामावर लक्ष्य ठेवतात.
यापूर्वी, ते इन्फोसिसमध्ये ग्लोबल व्हाईस प्रेसिडेंट आणि बिझनेस ॲप्लिकेशन्स, डिजिटल वर्कस्पेस सर्व्हिसेसचे प्रमुख म्हणून काम करत होते. जिथे त्यांनी अमेरिका, युरोप आणि आशियामध्ये या क्षेत्राचा जागतिक स्तरावर विस्तार केला. इन्फोसिसमध्ये सामील होण्यापूर्वी, गोपीसेट्टी ॲक्सेंचरमध्ये एमडी होते, जिथे त्यांनी उत्तर अमेरिकेतील आरोग्य आणि सार्वजनिक सेवा व्यवसायाच्या एका भागाचे नेतृत्व केलं आहे. इन्फोसिसच्या वेबसाइटवर असेही नमूद केले आहे की त्यांनी बेअरिंगपॉइंट, आयबीएम, पीडब्ल्यूसी आणि एचसीएलमध्ये व्यवसायही उभारले आहेत.
परराष्ट्र मंत्रालयाने शुक्रवारी सांगितले की, नेपाळ-तिबेट सीमेवरील भीषण पुरामुळे किमान ३२० भारतीय बेपत्ता आहेत आणि इतर ४०० जण चीनच्या सीमेवर अडकले आहेत. परिस्थिती हाताळण्यासाठी भारत काठमांडूला सर्वतोपरी मदत करण्यास तयार आहे.
.png "Videos"){kind=small}
