Breaking News : बांगलादेशात गारमेंट कामगारांचा उद्रेक; ५२९ कारखाने ठप्प

Breaking News : बांगलादेशात वेतनवाढीच्या मागणीसाठी गारमेंट कामगारांचे आंदोलन हिंसक झाले आहे. १ नोव्हेंबर रोजी ५२९ कारखान्यांचे काम ठप्प झाले असून जवळपास ९.८७ लाख कामगार प्रभावित झाले. सरकारने वेतनवाढीचा आढावा घेण्यासाठी सहा सदस्यीय मंडळ स्थापन केले आहे.

• वेतनवाढीची कामगारांचा आक्रमक पवित्रा
• ५२९ कारखान्यांचे काम ठप्प
• सरकार कडून वेतन मंडळाचीही स्थापना ; राजकीय पार्श्वभूमीही चर्चेत

Breaking News : बांगलादेशातील परिस्थिती पुन्हा एकदा तणावपूर्ण झाली असून , जनतेमध्ये पुन्हा राग आणि असंतोष बघायला मिळत आहे . गेल्या काही महिन्यांपूर्वी बांगलादेशात देशव्यापी उठाव झाला .शेख हसीना यांना बांगलादेश सोडून भारतात यावे लागले . धर्मवादाचे राजकारण बांगलादेशात वाढले आहे . बांगलादेशातील अल्पसंख्याक हिंदू तसेच इतर जातींना लक्ष केले जात आहे . शेख हसीना यांच्या काळातील जनतेमधील एकोपा , प्रेम नाहीसा झाला असून धार्मिक कट्टरपंथी राजकारण आणि समाजकारण वाढत चालले आहे .

जिथे जिथे धार्मिक कट्टरता वाढते कालांतराने त्या देशातील लोकांचे जीवन हे हळूहळू त्रासात जायला सुरु होते ,किंवा त्या देशाच्या आर्थिक , सामाजिक आणि राजकीय संस्कृतीवर दारिद्रय येते . वैज्ञानिक दृष्टिकोन मारला जातो , जनतेला त्याची किंमत राहत नाही . माणसे एकमेकांशी भेदभाव करू लागतात . याचेच प्रत्यक्ष रूप हे आपल्याला आज बांगलादेशमध्ये दिसून येत आहे .

वेतनवाढीची कामगारांचा आक्रमक पवित्रा

बांगलादेश हा त्याच्या बऱ्याच उद्योग धंद्यांसाठी प्रसिद्ध असताना या देशातील वस्त्रोउद्योग ही तेवढाच प्रसिद्ध आहे . पण गेल्या काही दिवसांत याच उद्योग क्षेत्राला उतरती कळा लागली असून या क्षेत्रातील कामगारांनी आंदोलन सुरु केले आहे . तसेच याला गंभीर वळण सुद्धा लागले आहे . वाढती महागाई , अन्नधाने आणि रोजच्या वापरातील गरजांच्या खर्चात झालेली वाढ यामुळे गारमेंट कामगारांनी वेतनवाढीसाठी तीव्र आंदोलन केले आहे .

In Bangladesh, garment workers staged demonstrations and blocked roads in several industrial areas, demanding wage increase as cost of living rises. Follow: https://t.co/Ez42KDdHXv https://t.co/ynwoYI6hQl — PressTV Extra (@PresstvExtra) November 1, 2026

राजधानी ढाक्यासह गाझीपूर ,सावर आणि आशुलिया या औद्योगिक भागात हजारो कामगार रस्त्यावर उतरले आहेत . किमान मासिक वेतन सध्याच्या १२ हजार ५०० टका वरून ३० हजार टका करण्याची त्यांची प्रमुख मागणी आहे . या आंदोलनादरम्यान रस्ते अडवण्यात आले असून काही ठिकाणी पोलीस आणि आंदोलकांमध्ये संघर्षही झाला आहे .

Israel : 10 दिवसांच्या वेढ्यानंतर हेब्रॉनमधून इस्रायली सैन्य माघारी; कोट्यवधींचे नुकसान; पॅलेस्टिनी सुरक्षा दलाचे पूर्ण नियंत्रण

५२९ कारखान्यांचे काम ठप्प

बांगलादेश गारमेंट मनुफ्रॅक्चरर्स अँड एक्सपोर्टर्स असोशिएशनच्या ( BGMEA ) माहितीनुसार १ नोव्हेंबर रोजी झालेल्या आंदोलनामुळे देशातील ५२९ गारमेंट कारखान्यांचे कामकाज ठप्प झाले आहे . यामुळे जवळपास ९ लाख ८७ हजार कामगार प्रभावित झाले आहेत . मात्र हा आकडा बेरोजगार झालेल्या कामगारांचा नसून कारखाने बंद राहिल्यामुळे कामावर परिणाम झालेल्या कर्मचाऱ्यांचा आहे .

ढाका आणि गाझीपूरमध्ये आंदोलकांनी रस्ते रोखल्याने वाहतूक विस्कळीत झाली . काही ठिकाणी दगडफेक , वाहनांची जाळपोळ आणि पोलिसांसोबत मारामारी झाल्याच्या घटनाही घडल्या . परिस्थिती नियंत्रणात आणण्यासाठी पोलिसांनी अश्रूधूर आणि पाण्याच्या फवाऱ्यांचा वापर केला . या घडामोडींमुळे बांगलादेशच्या महत्वाच्या निर्यात क्षेत्रासमोर मोठे आव्हान उभे राहिले आहे .

Moon Reactor : चंद्रावर महासत्तांची नवी लढाई; जाणून घ्या अणुभट्ट्या बसवण्यामागे काय आहे मोठे कारण?

सरकार कडून वेतन मंडळाचीही स्थापना ; राजकीय पार्श्वभूमीही चर्चेत

आंदोलनाची दखल घेत पंतप्रधान तारिक रहमान यांच्या नेतृत्वाखाली सरकारने सहा सदस्यीय वेतन मंडळ स्थापन केले आहे . या मंडळामार्फत गारमेंट कामगारांच्या वेतनरचनेचा आढावा घेतला जाणार आहे . सरकारने कामगारांना कामावर परत जाण्याचे आवाहन केले आहे . दरम्यान शेख हसीना यांनी ऑगस्ट २०२४ मध्ये सत्तेचा राजीनामा दिल्यानंतर बांगलादेशच्या राजकारणात मोठे बदल झाले . तारिक रहमान पंतप्रधान झाले असून जमात -ए-इस्लामी हा विरोधी पक्ष आहे .