PM Kisan Yojana 24th Installment : 30 ऑक्टोबरला ‘या’ शेतकऱ्यांच्या खात्यात नाही येणार 2-2 हजार! त्वरित तुमचा स्टेटस चेक करा

PM Kisan Yojana 24th Installment : केंद्र सरकारतर्फे आगामी ३० ऑक्टोबर रोजी पंतप्रधान किसान सन्मान निधी योजनेचा २४ वा हप्ता पात्र शेतकऱ्यांच्या खात्यात जमा केला जाणार आहे. मात्र, काही कारणांमुळे अनेक शेतकऱ्यांचे २,००० रुपये अडकण्याची शक्यता आहे. नेमकं काय आहे हे कारण? समजून घेऊयात.

• 30 ऑक्टोबरला ‘या’ शेतकऱ्यांच्या खात्यात नाही येणार 2-2 हजार!
• त्वरित तुमचा स्टेटस चेक करा
• कोणत्या शेतकऱ्यांच्या हफ्त्यावर होऊ शकतो परिणाम?

PM Kisan Yojana 24th Installment : शेतकरी ज्या गोष्टीची आतुरतेने वाट बघत होते ती घोषणा झाली. प्रधानमंत्री किसान सन्मान निधी योजनेचा 24 वा हफ्ता ऑक्टोबर महिन्याच्या 30 तारखेला वितरीत होणार आहे. ही बातमी कृषी मंत्रालयाने 23 ऑक्टोबरला समोर आली. या घोषणेमुळे शेतकऱ्यांना बराच आनंद झाला आहे. या योजनेसाठी पात्र असलेल्या शेतकऱ्यांना त्यांच्या खात्यात प्रत्येकी 2000 रुपये मिळतात. शेतकरी या हफ्त्याची 20 जून 2026 पासून वाट पाहत होते. ही प्रतिक्षा आता 30 ऑक्टोबरला संपणार आहे. पण हा हफ्ता प्रत्येक शेतकऱ्यांच्या खात्यात पोहोचेलच असं नाही. पण असं का? कोणत्या शेतकऱ्यांना बसू शकतो फटका? ( PM Kisan Yojana 24th Installment ) 

Sugar Import : सणासुदीला गोडवा वाढणार! साखरेच्या दरांवर नियंत्रणासाठी शुल्कमुक्त आयातीची मुदत 31 डिसेंबरपर्यंत वाढली

अनेक शेतकऱ्यांच्या पैशांना विलंब होऊ शकतो. आता प्रश्न असा आहे की, कोणत्या शेतकऱ्यांना त्यांच्या खात्यात प्रत्येकी २,००० रुपये मिळणार नाहीत? आणि काय आहे या मागचं कारण?

कोणत्या शेतकऱ्यांच्या हफ्त्यावर होऊ शकतो परिणाम?

पीएम किसान योजनेचा लाभ घेणाऱ्या काही शेतकऱ्यांवर याचा परिणाम होऊ शकतो. यासाठी या योजनेचा लाभ घेणाऱ्या शेतकऱ्यांनी त्यांच्या पीएम खात्याबाबतची सगळी माहिती अचूक आहे का ? काहीही गहाळ नाही ना? याची खात्री करण्यासाठी वेळोवेळी त्याची तपासणी करणं आवश्यक आहे. बऱ्याचवेळा शेतकरी हे अपडेट करण्यास विसरतात किंवा त्याकडे लक्ष्य दिला जात नाही. ज्यामुळे त्यांच्या खात्यात हफ्ते जमा होत नाहीत. जर तुमची ई-केवायसी पूर्ण झालेली नसेल तर त्याचाही फटका तुम्हाला बसू शकतो. आता प्रश्न असा आहे की, शेतकऱ्याचे ई-केवायसी पूर्ण झाले आहे की नाही, हे ते कसे ठरवतील? चला याबद्दल अधिक जाणून घेऊया.

पीएम किसान योजनेसाठी पात्र शेतकऱ्यांचे ई-केवायसी पूर्ण झाले आहे की नाही हे तपासण्यासाठी, तुम्ही त्यांची सद्यस्थिती तपासणं आवश्यक आहे.

सद्यस्थिती तपासण्यासाठी पुढील पायऱ्या वापरा

• किसान योजनेची सद्यस्थिती तपासण्यासाठी पहिल्यांदा पीएम किसान योजनेच्या अधिकृत वेबसाइट म्हणजेच pmkisan.gov.in ला भेट द्या.
• वेबसाइटला भेट दिल्यानंतर, तुम्हाला उजव्या बाजूला नवीन शेतकरी नोंदणी आणि तुमची स्थिती जाणून घ्या असे पर्याय दिसतील. तुम्ही त्यातील तुमची स्थिती जाणून घ्या वर क्लिक करा.
• त्यानंतर, तुम्हाला तुमचा नोंदणी क्रमांक टाकावा लागेल आणि कॅप्चा कोड भरावा लागेल. त्यानंतर तुम्हाला Get OTP वर क्लिक करा.
• तुमच्या नोंदणीकृत मोबाइल नंबरवर एक ओटीपी येईल. तो आलेला ओटीपी टाका आणि पुढे जा.
• त्यानंतर तुम्हाला समोर एक अहवाल मिळेल. जर तुमचे ई-केवायसी पूर्ण झाले असेल, तर अहवालात हिरवी टिक झालेली असेल. जर ते पूर्ण झाले नसेल, तर लाल गोल टिक दिसेल. यावरुन तुम्हाला स्पष्ट होईल की तुमची ई-केवायसी प्रक्रिया पूर्ण झाली आहे की नाही. जर ही प्रक्रिया पूर्ण झाली नसेल तर ती पुढील गोष्टींमधून पूर्ण करता येईल.

पीएम किसान ई-केवायसी अशी पूर्ण करा

पीएम किसान योजनेअंतर्गत शेतकऱ्यांसाठी ई-केवायसीच्या खालील तीन पद्धती उपलब्ध आहेत:
(i) ओटीपी-आधारित ई-केवायसी
(ii) बायोमेट्रिक-आधारित ई-केवायसी
(iii) चेहरा प्रमाणीकरण-आधारित ई-केवायसी

तुम्ही पीएम किसान योजना ॲप डाउनलोड करून स्वतः ई-केवायसी देखील करू शकता. तुम्ही ओटीपी-आधारित ई-केवायसी देखील करू शकता. ओटीपी-आधारित ई-केवायसी थोडे सोपे आहे.

ओटीपी-आधारित ई-केवायसी स्वतः कसे करावे

ओटीपी-आधारित ई-केवायसी पूर्ण करण्यासाठी, शेतकऱ्याकडे आधारशी जोडलेला एक सक्रिय मोबाईल नंबर असणे आवश्यक आहे. हे करण्यासाठी, खालील पायऱ्यांचे अनुसरण करा:
i. पीएम-किसान पोर्टलला भेट द्या
ii. e-KYC वर क्लिक करा
iii. तुमचा आधार क्रमांक प्रविष्ट करा आणि तुमचे eKYC पूर्ण करण्यासाठी OTP सबमिट करा.

चेहरा प्रमाणीकरणाद्वारे eKYC कशी पूर्ण कराल

eKYC पूर्ण करण्याचा हा सर्वात नवीन आणि सोपा मार्ग आहे.
i. गुगल प्ले स्टोअरवरून ‘PM-KISAN’ मोबाईल ॲप आणि ‘Aadhaar Face RD’ ॲप डाउनलोड करा.
ii. ॲप उघडा आणि PM-KISAN मध्ये नोंदणी केलेल्या तुमच्या मोबाईल नंबरने लॉग इन करा.
iii. लाभार्थी स्थिती या पेजवर जा.
iv. जर e-KYC स्थिती नाही असेल, तर e-KYC वर क्लिक करा, त्यानंतर तुमचा आधार क्रमांक प्रविष्ट करा आणि तुमचा चेहरा स्कॅन करण्यास परवानगी द्या
v. एकदा चेहरा यशस्वीरित्या स्कॅन झाल्यावर, e-KYC पूर्ण होते.

अशा पद्धतीने ई-केवायसीमुळे अडकण्याची शक्यता असलेला पीएम किसान योजनेचा हफ्ता अडकणार नाही. ई-केवायसी देखील सोप्या पद्धतीने पूर्ण झालेली असेल. त्यानंतर पुन्हा एकदा तुमचा स्टेटस चेक करा.

PM Kisan 24th Installment : शेतकऱ्यांनो मोठी खूशखबर! 24 व्या हप्त्याची प्रतीक्षा संपली; ‘या’ तारखेला खात्यात जमा होणार पैसे