SBI Q1 Results: स्टेट बँकेचा मोठा गल्ला, केली छप्परफाड कमाई! पहिल्या तिमाहीत 21121 कोटी रुपयांचा बंपर नफा

SBI Q1 Results : देशातील सर्वात मोठी सार्वजनिक बँक असलेल्या भारतीय स्टेट बँकेने चालू आर्थिक वर्षाच्या पहिल्या तिमाहीत कौतुकास्पद कामगिरी केली आहे. बँकेने पहिल्या तिमाहीत ₹२१,१२१ कोटींचा बंपर निव्वळ नफा नोंदवला आहे.

• देशातील सर्वात मोठ्या बँकेचा धमाका!
• SBI चा नफा २१,००० कोटी पार
• भागधारकांसाठी मोठी बातमी

SBI Q1 Results : देशातील सर्वात मोठी सार्वजनिक क्षेत्रातील बँक म्हणजे स्टेट बँक ऑफ इंडियाने ( SBI Q1 Results ) आर्थिक वर्ष २०२६-२७ च्या पहिल्या तिमाहीचे निकाल जाहीर केले आहेत. या निकालात बँकेला बंपर फायदा मिळालेला आहे. बँकेने कमाईच्या बाबतीत अपवादात्मक कामगिरी केलेली पाहायला मिळाली आहे. त्यामुळे यासगळ्या परिस्थितीत बाजाराच्या सर्व अंदाजांना मागे टाकलं आहे. पहिल्या तिमाहीत SBI चा निव्वळ नफा वार्षिक तुलनेत १०.२% नी वाढून २१,१२१ कोटी रुपयांवर पोहोचला. यामुळे नेमका काय फायदा होणार ?

ASCI Report : खोटे… 30 सेकंदात टॅन गायब, 2 मिनिटांत ग्लो; उन्हाळी जाहिरातींच्या दाव्यांची पोलखोल! 39 जाहिरातींवर कारवाई

गेल्या वर्षी याच कालावधीत बँकेचा नफा १९,१६० कोटी रुपये होता. या निकालांचे शेअर बाजारात चांगले स्वागत झाले आहे. निकाल जाहीर होताच SBI च्या शेअर्समध्ये वाढ झाली. गुंतवणूकदारांनी केलेल्या मोठ्या खरेदीमुळे, बँकेचे शेअर्स शुक्रवारी ३.२१% च्या वाढीसह १,११९.८० रुपयांवर पोहोचले.

११० लाख कोटी रुपयांचा टप्पा गाठला

या तिमाहीत, SBI ने ११० लाख कोटी रुपयांचा टप्पा गाठून एक नवीन मैलाचा दगड गाठला आहे. म्हणजे एकूण ठेवी ९.७३% वाढून ६०.०६ लाख कोटी रुपयांवर पोहोचल्या आहेत. एकूण कर्जवाटप १८.६% वाढून ५० लाख कोटी रुपयांच्या पुढे गेले. SBI ने पहिल्या तिमाहीत निव्वळ व्याज उत्पन्नात (NII) १५% ची भरीव वाढ नोंदवली गेली आहे. बँकेचे निव्वळ व्याज उत्पन्न (NII) गेल्या वर्षीच्या याच तिमाहीतील ४०,९०७ कोटी रुपयांच्या तुलनेत वाढून ४६,९९२ कोटी रुपये झाले. बाजार विश्लेषकांनी पहिल्या तिमाहीत ते ४५,८०० कोटी रुपये असेल असा अंदाज वर्तवला होता. पूर्व-तरतूद परिचालन नफा (PPoP) ३३,५३० कोटी रुपये होता, जो बाजाराच्या अपेक्षांपेक्षा जास्त होता.

NPA मध्ये घट: मालमत्तेच्या गुणवत्तेत सुधारणा

बंपर कमाईसह, SBI ने आपले कर्ज बुक आणि मालमत्ता गुणवत्ता देखील मजबूत केली आहे. सकल APA मागील तिमाहीत 1.49% वरून 1.47% वर घसरला. त्याचप्रमाणे, निव्वळ NPA मागील तिमाहीत 0.39% वरून 0.38% वर सुधारला आहे. पण या कालावधीत बँकेच्या तरतुदी ₹ 5,047 कोटींपर्यंत वाढल्या आहेत. क्रेडिट कॉस्ट 0.27% वर स्थिर आहे. बँकेचे देशांतर्गत निव्वळ व्याज मार्जिन (NIM) 3% नोंदवले गेले आहे.

किरकोळ आणि कृषी कर्जांमध्ये मोठी वाढ

SBI च्या SME कर्जांमध्ये सर्वाधिक २२.३३% आणि कृषी कर्जांमध्ये २५.४३% वाढ दिसून आली. किरकोळ वैयक्तिक कर्जांमध्ये १५.१५% आणि कॉर्पोरेट कर्जांमध्ये १८.०५% वाढ झाली. बँकिंग क्षेत्रात SBI चे डिजिटल वर्चस्व अधिक मजबूत होत आहे. बँकेच्या माहितीनुसार, तिमाहीत उघडलेल्या एकूण नवीन बचत खात्यांपैकी ६४% पेक्षा जास्त खाती YONO ॲपद्वारे उघडण्यात आली.

Meta Court Penalty : मेटाचे वाईट दिवस… न्यायालयाकडून मोठा दणका! तरुणांचं नुकसान केल्याप्रकरणी तब्बल 567 दशलक्ष डॉलर्सचा दंड