Share Market Today: शेअर बाजारात सकारात्मक सुरुवात होण्याची शक्यता! रिलायन्स इंडस्ट्रीजसह या शेअर्सवर ठेवा लक्ष

Share Market Update: शेअर बाजारात आज तेजीचे संकेत पाहायला मिळत आहेत. आज गुंतवणूकदारांना खरेदी करण्यासाठी एनएचपीसी, बँक ऑफ महाराष्ट्रसह इत्यादी शेअर्सची शिफारस करण्यात आली आहे.

• शेअर बाजार सकारात्मक पातळीवर उघडण्याची शक्यता
• सुमीत बागडिया यांनी १०० रुपयांहून कमी किंमतीत खरेदी करण्यासाठी तीन शेअर्सची शिफारस केली
• चंदन तापारिया यांनी आज गुंतवणूकदारांना खरेदी करण्यासाठी चार स्टॉक्सची शिफारस केली

India Share Market Update:  भारतीय शेअर बाजार आज २ नोव्हेंबर रोजी सकारात्मक पातळीवर उघडण्याची शक्यता वर्तवण्यात आली आहे. गिफ्ट निफ्टीने गॅप-अप सकारात्मक सुरुवातीचे संकेत दिले आहेत. दरम्यान, सोमवारी आशियाई बाजारांमध्ये घसरण झाली, तर शुक्रवारी झालेल्या मोठ्या घसरणीनंतर अमेरिकन स्टॉक फ्युचर्सने आठवड्याच्या अखेरच्या दिवसांतील व्यवहारांची सकारात्मक सुरुवात केली.

US Economy Slowdown : महासत्ता धोक्यात? मंदीच्या विळख्यात अडकली सर्वात मोठी इकॉनमी! आर्थिक परिस्थितीवरून अमेरिकेत मोठी निराशा

गुंतवणूकदार आज आयटीसी, मॅरिको, नॅल्को, एनएलसी इंडिया, कंटेनर कॉर्पोरेशन ऑफ इंडिया, टाटा इन्व्हेस्टमेंट कॉर्पोरेशन, रिलायन्स इंडस्ट्रीज (RIL), जिओ प्लॅटफॉर्म्स, एनटीपीसी ग्रीन एनर्जी, एनटीपीसी, सीडीएसएल, सन फार्मास्युटिकल इंडस्ट्रीज, भारत इलेक्ट्रॉनिक्स (बीईएल), इंडियन ऑइल कॉर्पोरेशन (आयओसी), एसजेव्हीएन, नझारा टेक्नॉलॉजीज या शेअर्सवर लक्ष केंद्रीत करू शकतात.  (फोटो सौजन्य: Pinterest) 

आनंद राठी येथील इक्विटी रिसर्चचे एव्हीपी, गणेश डोंगरे यांनी गुंतवणूकदारांना खरेदी करण्यासाठी निवडलेल्या स्टॉक्समध्ये एसबीआय, ब्रिटानिया आणि बायोकोन यांचा समावेश आहे. चॉईस ब्रोकिंगचे कार्यकारी संचालक सुमीत बागडिया यांनी १०० रुपयांहून कमी किंमतीत खरेदी करण्यासाठी SJVN, एनएचपीसी, आणि बँक ऑफ महाराष्ट्र या तीन शेअर्सची शिफारस केली आहे.

November 1 Rule Changes : दिवाळीत खिशाला कात्री लागणार की दिलासा मिळणार? 1 नोव्हेंबरपासून बदलणार हे 5 मोठे नियम; तपासा यादी

मोतीलाल ओसवाल फायनान्शियल सर्व्हिसेस लिमिटेडच्या वेल्थ मॅनेजमेंट, डेरिव्हेटिव्हज अँड टेक्निकल्सचे प्रमुख चंदन तापारिया यांनी आज गुंतवणूकदारांना खरेदी करण्यासाठी चार स्टॉक्सची शिफारस केली आहे. ज्यामध्ये स्टॉक्स एथर एनर्जी, डिव्हिज लॅबोरेटरीज, बीएसई आणि इटरनल या शेअर्सचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)