Swiggy Partners With EV Industry : डिलिव्हरी बॉईजची कमाई वाढणार! स्विगीने सुरू केली भन्नाट ई-व्ही योजना; नितीन गडकरींकडून कौतुक

Swiggy Partners With EV Industry : मागणीनुसार सेवा देणाऱ्या Swiggy ने केंद्रीय रस्ते वाहतूक मंत्री नितीन गडकरी यांच्या उपस्थितीत ‘शेवटच्या टप्प्यातील वितरणाला बळ’ या संकल्पनेवर आधारित ई-व्ही परिषदेचे आयोजन केले.

• डिलिव्हरी क्षेत्रात हरित क्रांती!
• स्विगीने आणले ई-व्ही क्षेत्रातील दिग्गज एकत्र
• नितीन गडकरींच्या प्रमुख उपस्थितीत नवीन उपक्रमांची घोषणा

Swiggy Partners With EV Industry : स्विगी, भारतातील मागणीनुसार सुविधा उपलब्ध करून देणाऱ्या आघाडीच्या प्लॅटफॉर्मने आज केंद्रीय रस्ते वाहतूक आणि महामार्ग मंत्री मा. श्री. नितीन गडकरी यांच्या उपस्थितीत ‘शेवटच्या टप्प्यातील वितरणाला बळ’ या संकल्पनेवर आधारित इलेक्ट्रिक वाहन वाहतूक परिषद आयोजित केली. या कार्यक्रमात इलेक्ट्रिक वाहन उत्पादक, चार्जिंग आणि बॅटरी बदलण्याची सुविधा देणाऱ्या कंपन्या, भाडेतत्त्वावरील वाहन आणि वाहन ताफा उपलब्ध करून देणारे भागीदार, वित्तपुरवठा करणाऱ्या संस्था आणि डिलिव्हरी भागीदार एकत्र आले.

शेवटच्या टप्प्यातील वितरणासाठी इलेक्ट्रिक दुचाकी हा एक व्यवहार्य आणि परवडणारा पर्याय कसा ठरू शकतो, यावर यावेळी चर्चा करण्यात आली. ( Swiggy Partners With EV Industry ) 

Canva Massive Layoffs : Tech जगतात खळबळ! Canva चा मोठा झटका… तब्बल 1200 हून अधिक कर्मचाऱ्यांच्या नोकऱ्या धोक्यात

25 ठिकाणी बॅटरी बदलण्याची केंद्रे

या कार्यक्रमात स्विगीने आपल्या इन्स्टामार्ट पॉड्सवर विविध क्षेत्रांतील भागीदारांच्या सहकार्याने 25 ठिकाणी बॅटरी बदलण्याची केंद्रे सुरू केली. तसेच, स्विगी आपल्या इन्स्टामार्ट पॉड्सवर इलेक्ट्रिक वाहने भाड्याने देण्याची सुविधाही उपलब्ध करून देत आहे. त्यामुळे डिलिव्हरी भागीदारांना ज्या ठिकाणी ऑर्डर गोळा करायच्या आहेत, त्याच ठिकाणी वाहनही घेता येणार आहे.

प्रत्येक ऑर्डरमागे एक व्यक्ती

स्विगीचे सह-संस्थापक आणि CEO श्रीहर्ष मजेटी म्हणाले, “प्रत्येक ऑर्डरमागे एक व्यक्ती असते आणि शेवटच्या टप्प्यातील वितरणाची जबाबदारीही त्याच व्यक्तीवर असते. आमचे डिलिव्हरी भागीदार हे आमच्या प्रत्येक कामाचा केंद्रबिंदू आहेत आणि त्यांचे काम अधिक सोपे आणि फायदेशीर व्हावे, हे आमचे ध्येय आहे. इलेक्ट्रिक वाहनांची निवड करणाऱ्यांसाठी रोजच्या कामात येणारे अडथळे दूर करणे महत्त्वाचे आहे, जेणेकरून इलेक्ट्रिक वाहनांकडे वळणे त्यांच्या सध्याच्या कामाच्या पद्धतीत सहजपणे बसू शकेल”.

“तंत्रज्ञानाऐवजी भागीदारांच्या दैनंदिन कामाचा विचार करून एखादी सुविधा तयार केली, तर तिचा स्वीकार आपोआप होतो. भारताच्या शेवटच्या टप्प्यातील वितरणाची जबाबदारी सांभाळणाऱ्या लोकांसाठी असे भविष्य घडवण्यात मदत करणे, हेच आमचे ध्येय आहे.”

डिलिव्हरी भागीदारांपर्यंत EV पोहोचवणे

गर्दीच्या दिवशी एक डिलिव्हरी भागीदार दिवसातून सुमारे 20 वेळा पॉडवर येतो. त्यामुळे स्विगीने भागीदारांच्या कामाच्या ठिकाणीच, म्हणजेच पॉडवर बॅटरी बदलण्याची केंद्रे आणि इलेक्ट्रिक वाहने भाड्याने घेण्याची सुविधा उपलब्ध करून दिली आहे. यामुळे वाहन चार्ज करण्यासाठी किंवा वाहन घेण्यासाठी वेगळे जाण्यात भागीदारांचा वेळ वाचतो. या वाचलेल्या वेळेचा उपयोग ते अधिक डिलिव्हरी करण्यासाठी किंवा स्वतःसाठी करू शकतात.

सरकारच्या सातत्यपूर्ण सहकार्याला महत्त्व

स्विगीच्या कॉर्पोरेट अफेअर्स विभागाच्या प्रमुख नेहा सिंघवी म्हणाल्या, “शेवटच्या टप्प्यातील वितरणासाठी EV चा वापर वाढवायचा असेल, तर केवळ एका प्लॅटफॉर्मपुरत्या मर्यादित नसलेल्या काही मूलभूत सुविधांची गरज आहे. त्यामध्ये परवडणारा वित्तपुरवठा, विश्वासार्ह चार्जिंग आणि बॅटरी बदलण्याची सुविधा तसेच पूरक धोरणांचा समावेश आहे. आज गौरवण्यात आलेल्या अनेक भागीदारांनी नेमक्या याच अडचणी सोडवण्यासाठी काम केले आहे आणि त्यांचा अनुभव संपूर्ण क्षेत्रासाठी महत्त्वाचा आहे. सरकारच्या सातत्यपूर्ण सहकार्याला आम्ही महत्त्व देतो आणि EV ची निवड करणाऱ्या भागीदारांना मदत करणारे उपाय शोधण्यासाठी उद्योग क्षेत्र आणि धोरणकर्त्यांसोबत काम करण्यास आम्ही उत्सुक आहोत.”

अग्रणी आणि महत्त्वपूर्ण योगदान देणाऱ्यांचा गौरव

या कार्यक्रमात इलेक्ट्रिक वाहनांच्या वापराच्या प्रवासात पुढाकार घेणाऱ्या डिलिव्हरी भागीदारांचा आणि त्यासाठी आवश्यक पायाभूत सुविधा उभारण्यात योगदान देणाऱ्या भागीदारांचा गौरव करण्यात आला. या कार्यक्रमात गौरवण्यात आलेल्या महत्त्वपूर्ण योगदान देणाऱ्या कंपन्यांमध्ये इंडोफास्ट एनर्जी, युलू, बाऊन्स डेली, RIDEV, बाज बाइक्स, मोटव्होल्ट, शॅडोफॅक्स, बीगॉस ऑटो, वीलो मोबिलिटी, हाला मोबिलिटी आणि युमा एनर्जी यांचा समावेश होता. याशिवाय, डिलिव्हरी भागीदारांचाही गौरव करण्यात आला. यामध्ये साजन लाल, कमल कुमार, अवनीश, संदीप गुप्ता, विजय, रितिक आणि खुर्शीद यांचा समावेश होता.

रायडरला परवडणारे इलेक्ट्रिक वाहन उपलब्ध होते

कार्यक्रमात बोलताना, बाऊन्सचे सह-संस्थापक आणि CTO वरुण अग्नी म्हणाले, “डिलिव्हरीचे काम करू इच्छिणाऱ्या कोणत्याही व्यक्तीसमोरील सर्वात मोठ्या अडचणींपैकी एक म्हणजे स्वतःचे वाहन उपलब्ध नसणे. आमच्यासोबत काम सुरू करण्यापूर्वी आमच्या अनेक रायडर्सकडे स्वतःचे वाहन नव्हते. या भागीदारीमुळे कामासाठी गरज असेल तेव्हा रायडरला परवडणारे इलेक्ट्रिक वाहन उपलब्ध होते आणि बॅटरी बदलण्याची सुविधाही आधीपासूनच उपलब्ध असते. यामुळे वाचणारा वेळ, श्रम आणि पैसा थेट रायडरच्या दैनंदिन कमाईत भर घालतो आणि ग्राहकांच्या मागण्या अधिक कार्यक्षमतेने पूर्ण करण्यास मदत करतो. रायडर्स आणि ग्राहक या दोघांसाठीही ही संपूर्ण क्षेत्राच्या दृष्टीने मोठी उपलब्धी आहे.”

EV वापरणारे डिलिव्हरी भागीदार उमेश म्हणाले, “मी स्विगी ॲपद्वारे परवडणाऱ्या दरात EV भाड्याने घेतले. माझ्या पसंतीनुसार त्याचे भाडे माझ्या उत्पन्नामधून वजा केले जाते. ऑर्डर घेण्यासाठी मी इन्स्टामार्ट पॉडवर जातो, तेव्हा तिथेच सहजपणे बॅटरीही बदलता येते. त्यामुळे माझ्या दिवसाचा जास्तीत जास्त उपयोग करून अधिक कमाई करणे मला शक्य होते.”

Gold Silver Price Hike : अमेरिकेतील राजकीय घडामोडींचा थेट परिणाम! झपाट्याने वाढले भाव; सोन्या-चांदीच्या दरांत विक्रमी झेप