Tata Motors चा ग्लोबल मास्टरस्ट्रोक…! ‘या’ दिग्गज कंपनीला खरेदी करण्यासाठी वाढवली ऑफर; शेअर्सवर काय होणार परिणाम ?

Tata Motors Masterstroke : टाटा मोटर्सने जागतिक बाजारात आपले वर्चस्व अधिक मजबूत करण्यासाठी एक मोठा मास्टरस्ट्रोक लगावला आहे. एका दिग्गज आंतरराष्ट्रीय ऑटो कंपनीला खरेदी करण्यासाठी टाटा मोटर्सने आपली बोली आणखी वाढवून सादर केली आहे.

• Tata Motors चा ग्लोबल मास्टरस्ट्रोक…!
• ‘या’ दिग्गज कंपनीला खरेदी करण्यासाठी वाढवली ऑफर
• शेअर्सवर काय होणार परिणाम ?

Tata Motors Masterstroke : देशातच नाही तर जागतिक स्तरावर व्यापार क्षेत्रात आपला ठसा उमटवणाऱ्या भारतीय कंपन्यांपैकी एक कंपनी म्हणजे Tata कंपनी. आताही Tata ग्रुपच्या टाटा मोटर्सने मोठा मास्टरस्ट्रोक खेळला आहे. टाटा मोटर्स लिमिटेडने इटालियन ट्रक उत्पादक इव्हेको ग्रुप एनव्हीसाठी आपल्या ऑफरची किंमत प्रति शेअर €0.30 ने वाढवून €14.40 केली आहे. नियामक मंजुरी मिळण्यास होणाऱ्या विलंबामुळे कंपनीने हे पाऊल उचलले आहे. पण नेमका याचा काय परिणाम होणार आहे? ( Tata Motors Masterstroke )

Emergency Fund ठेवायचा कुठे? FD, Savings की Liquid Fund; कोणता पर्याय ठरेल योग्य?

टाटा मोटर्सने, आपली उपकंपनी टीएमएल सीव्ही होल्डिंग्ज प्रायव्हेट लिमिटेडमार्फत, इव्हेकोचा व्यवसाय म्हणजेच त्याचा संरक्षण विभाग वगळून विकत घेण्याची योजना जाहीर केली. या सौद्याचे मूल्य €3.8 अब्ज म्हणजे अंदाजे ₹38,240 कोटी होते.

इव्हेकोसाठी प्रति शेअर €14.10 ची ऑफर होती

या आघाडीच्या व्यावसायिक वाहन उत्पादक कंपनीने यापूर्वी इव्हेकोसाठी प्रति शेअर €14.10 ची ऑफर दिली होती. त्यानुसार, या सौद्याचे मूल्य €3.82 अब्ज होते. सप्टेंबरमध्ये, टाटा मोटर्सने इव्हेकोचे सर्व विद्यमान सामान्य शेअर्स खरेदी करण्यासाठी एक ऐच्छिक, संपूर्ण रोख निविदा ऑफर दिली होती. ही ऑफर स्वीकारण्याचा कालावधी 7 सप्टेंबर ते 26 ऑक्टोबर 2026 पर्यंत आहे.

संबंधित प्रस्तावांवर वोट करण्यासाठी आयव्हेको ग्रुपचे भागधारक १६ ऑक्टोबर रोजी एका विशेष सर्वसाधारण सभेला उपस्थित राहणार आहेत. आयव्हेकोच्या संचालक मंडळाने या सौद्याला एकमताने पाठिंबा दिला आहे.

यामुळे कंपनीचा ऑफर किंमत वाढवण्याचा निर्णय

शुक्रवारी शेअर बाजारांना दिलेल्या सूचनेत, टाटा मोटर्सने म्हटले आहे की, पूर्वीची ऑफर किंमत आयव्हेकोच्या योग्य आणि संपूर्ण मूल्यांकनाचे प्रतिबिंब होती. पण, आवश्यक पूर्व-मंजुरी मिळवण्याच्या प्रक्रियेला सुरुवातीच्या अंदाजापेक्षा जास्त वेळ लागत असल्यामुळे, कंपनीने ऑफर किंमत वाढवण्याचा निर्णय घेतला आहे. कंपनीने म्हटले आहे की, सुधारित ऑफर किंमत ही १७ जुलै, २०२५ रोजीच्या आयव्हेकोच्या शेअर किमतीपेक्षा ३३.४७ टक्के जास्त आहे.

( Desclaimer :  शेअर बाजारातील गुंतवणूक ही बाजारातील जोखमीच्या अधीन असल्याने, गुंतवणूक करण्यापूर्वी कृपया प्रमाणित गुंतवणूक सल्लागाराचा सल्ला घ्या.)

CJP Protests चा मोठा फटका व्यापाराला! दिल्लीत 2000 कोटी रुपयांचा दणका, पेट्रोल पंपावर शुकशुकाट; सर्वसामान्यांचे प्रचंड हाल