Lighting Solar Energy : शेतकऱ्यांसाठी महत्त्वाचा टप्पा? Transrail ची गुंतवणूक; महाराष्ट्रात 3900 कोटींच्या सौर प्रकल्पाची पायाभरणी

Lighting Solar Energy : पॉवर ट्रान्समिशन क्षेत्रातील अग्रणी 'ट्रान्सरेल लाइटिंग लिमिटेड'ने अक्षय ऊर्जा क्षेत्रात पाऊल ठेवत महाराष्ट्रात सुमारे ९९० मेगावॅट क्षमतेचा विशाल सौर ऊर्जा प्रकल्प हाती घेतला आहे.

• शेतकऱ्यांसाठी महत्त्वाचा टप्पा?
• Transrail ची गुंतवणूक
• महाराष्ट्रात 3900 कोटींच्या सौर प्रकल्पाची पायाभरणी

Lighting Solar Energy : पॉवर ट्रान्समिशन अँड डिस्ट्रिब्युशन क्षेत्रातील अभियांत्रिकी, खरेदी आणि बांधकाम (ईपीसी) क्षेत्रातील अग्रणी कंपनी ‘ट्रान्सरेल लाइटिंग लिमिटेड’च्या संचालक मंडळाने एनओपीएल पेस ग्रीन एनर्जी प्रायव्हेट लिमिटेडमधील (“एनओपीएल”) ४९ टक्के इक्विटी हिस्सा संपादित करण्याच्या प्रस्तावाला मंजुरी दिली आहे. २० कोटी रुपयांच्या रोख मोबदल्यात होणारे हे संपादन आवश्यक मंजुऱ्या आणि अटींच्या पूर्ततेनंतर पूर्ण होईल. ( Lighting Solar Energy ) 

SEBI New Rules : Mutual Fund गुंतवणुकीचे नियम बदलले! सेबीच्या एका निर्णयामुळे वाचणार तुमचे हजारो रुपये; नेमका कसा होणार फायदा?

विशाल सौर ऊर्जा पोर्टफोलिओ विकसित

एनओपीएल भारत सरकारच्या ‘पीएम-कुसुम’ योजनेच्या कंपोनंट ‘सी’ अंतर्गत महाराष्ट्रात सुमारे ९९० मेगावॅट (एसी) क्षमतेचा विशाल सौर ऊर्जा पोर्टफोलिओ विकसित करत आहे. महाराष्ट्रातील कृषी फीडर्सचे सौरिकीकरण करणे आणि राज्यातील शेतकऱ्यांना सिंचनासाठी दिवसा अखंड व हरित वीज उपलब्ध करून देणे हे या प्रकल्पाचे प्राथमिक उद्दिष्ट आहे.

२५ वर्षांचा पॉवर पर्चेस ॲग्रीमेंट

या सुमारे ३,९०० कोटी रुपयांच्या भव्य प्रकल्पासाठी महाराष्ट्र राज्य विद्युत वितरण कंपनी मर्यादित (एमएसईडीसीएल – महावितरण) सोबत प्रति युनिट ३.१० रुपये या निश्चित दराने २५ वर्षांचा पॉवर पर्चेस ॲग्रीमेंट करण्यात आला आहे. तसेच एका नामांकित आर्थिक संस्थेकडून या प्रकल्पासाठी कर्ज मंजुरी देखील प्राप्त झाली आहे.

ट्रान्सरेलला सुरुवातीला ४९% इक्विटी हिस्सेदारी

ओनिक्स रिन्युएबल लिमिटेडसोबत झालेल्या करारांनुसार, ट्रान्सरेलला सुरुवातीला ४९% इक्विटी हिस्सेदारीसह प्रकल्पाचे आर्थिक आणि व्यवस्थापन नियंत्रण मिळेल. भविष्यात परस्पर मान्य अटींनुसार ही हिस्सेदारी १०० टक्क्यांपर्यंत वाढवण्याचा पर्यायही ट्रान्सरेलकडे उपलब्ध आहे.

शेतकऱ्यांना विश्वासार्ह वीज पुरवून सिंचन सुलभ

या धोरणात्मक विस्ताराविषयी माहिती देताना ट्रान्सरेलचे मॅनेजिंग डायरेक्टर आणि सीईओ श्री. रणदीप नारंग म्हणाले, “केवळ एक ईपीसी कंपनी असण्यापासून ‘इंटेग्रेटेड एनर्जी सोल्युशन्स प्रोव्हायडर’ बनण्याच्या आमच्या प्रवासातील हा एक महत्त्वाचा टप्पा आहे. सौर ऊर्जा निर्मिती क्षेत्रात प्रवेश केल्यामुळे ट्रान्समिशन उत्पादनांच्या निर्मितीसोबतच, वीज निर्मिती ते ट्रान्समिशन आणि डिस्ट्रिब्युशन अशा संपूर्ण ऊर्जा व्हॅल्यू चेनमध्ये काम करण्याची संधी आम्हाला मिळेल. हा प्रकल्प महाराष्ट्रातील शेतकऱ्यांना विश्वासार्ह वीज पुरवून सिंचन सुलभ करेल. या प्रकल्पामुळे कंपनीला स्थिर, दीर्घकालीन महसूल आणि नफा मिळेल, ज्यामुळे आमच्या एकूण विकासाला अधिक गती मिळेल.”

हा प्रकल्प ट्रान्सरेलच्या ईपीसी व्यवसायाच्या पलीकडे जाऊन अक्षय ऊर्जा निर्मितीच्या क्षेत्रात विस्तार करण्यास आणि दीर्घकालीन नियमित उत्पन्न मिळवण्यास मदत करेल.

Milk Price Hike : मोठा फटका…1 नोव्हेंबरपासून दूध महागणार! ग्राहकांना प्रति लिटर मोजावे लागणार ‘इतके’ रुपये