भारतीय अर्थव्यवस्था World Bank चा विश्वास; नवा अहवाल केला जाहीर, GDP वाढीचा अंदाज थेट 7.1 टक्क्यांवर

India GDP Growth Rate World Bank : जागतिक बँकेने भारतीय अर्थव्यवस्थेच्या मजबुतीवर पुन्हा एकदा ठाम विश्वास व्यक्त करत चालू आर्थिक वर्षासाठी भारताचा GDP विकासदराचा अंदाज वाढवून ७.१ टक्के केला आहे. जागतिक स्तरावरील आव्हाने आणि मंदीचे वातावरण असतानाही भारतात सकारात्मक वाढ दिसून येत असल्याचे बँकेने स्पष्ट केले आहे.

• भारतीय अर्थव्यवस्था सुसाट…
• World Bank चा नवा अहवाल जाहीर
• GDP वाढीचा अंदाज 7.1 टक्क्यांवर

India GDP Growth Rate World Bank : सध्या जागतिक स्तरावर अंदाधुंद माजली आहे. महागाईचा भडका उडाला आहे. अशी अस्थिरता पसरली असताना भारतासाठी मात्र मोठी दिलासादायक बातमी समोर येत आहे. भारतीय अर्थव्यवस्था सुसाट आहे. त्यामुळे भारतीय अर्थव्यवस्थेवर जागतिक बँकेने देखील विश्वास व्यक्त केला आहे. 2026-27 या आर्थिक वर्षासाठी GDP वाढीचा दरात वाढ केली आहे. हा दर 7.1 % वर राहण्याचा अंदाज वर्तवला आहे. जो पूर्वीच्या 6.6% इतका अंदाजापेक्षा बराच जास्त आहे. ( India GDP Growth Rate World Bank ) 

Bank FD Returns : छोट्या बँका की मोठ्या बँका? FD वर जास्त व्याज कोण देतं? जाणून घ्या कोणता पर्याय आहे बेस्ट?

जागतिक बँकेच्या ऑक्टोबरमधील ‘साउथ एशिया इकॉनॉमिक अपडेट’ अहवालानुसार, बँकेने आपला अंदाज ५० बेसिस पॉइंट्सने वाढवला आहे. जागतिक बँकेच्या अंदाजानुसार, भारताची अर्थव्यवस्था २०२६ मधील ७.८% च्या तुलनेत २०२८ या आर्थिक वर्षात ७.२% दराने वाढेल, जो पूर्वीच्या अंदाजापेक्षा जास्त आहे. भारताच्या अर्थव्यवस्थेतील वाढीचा हा वेग मजबूत देशांतर्गत मागणी आणि औद्योगिक व सेवा क्षेत्रातील सातत्यपूर्ण वाढीमुळे आहे. पण कृषी क्षेत्रातील कमकुवतपणा नजीकच्या भविष्यासाठी एक धोका कायम आहे.

कृषी क्षेत्रावर जोखीम का?

भारत हा कृषीप्रधान देश आहे. भारताची अर्थव्यवस्था शेतीवर अवलंबून आहे. पण शेतीची अवस्था पाहता ही परिस्थिती हाताबाहेर जाणार नाही ना असा प्रश्न पडतो.
याचं मुख्य कारणं म्हणजे मान्सून. जुलै महिन्यानंतर भारतात हवा तसा पाऊस पडलाच नाही. त्यामुळे त्याचे थेट परिणाम शेतीवर मोठ्याप्रमाणावर पडला आहे. हवामानाच्या बदलामुळे शेतीवर अल निनोचा मोठा परिणाम होण्याची शक्यता दिसत आहे. जर ही परिस्थिती बऱ्याच काळापर्यंत अशीच राहिली तर याचा परिणाम ग्रामीण भागांवर होणार आणि यामुळे खर्च करण्याची क्षमता कमी होईल.

तेल महाग होण्याचाही धोका

जागतिक तणावामुळे कच्च्या तेलाच्या किमती जास्त आहेत. भारत आपल्या कच्च्या तेलाच्या गरजेपैकी ८०% पेक्षा जास्त आयात करत असल्याने, वाढत्या तेलाच्या किमतींमुळे आयातीचा खर्च वाढण्याची शक्यता आहे. जर आयात महाग झाली, तर देशात पेट्रोल आणि डिझेलच्या किमती वाढतील, ज्यामुळे वाहतूक अधिक महाग होईल. यामुळे दैनंदिन वापराच्या वस्तू, फळे, भाजीपाला आणि इतर वस्तूंच्या किमती वाढतील.

AI चा प्रभावी वापर

जागतिक बँकेचा विश्वास आहे की दक्षिण आशियामध्ये उत्पादकता आणि रोजगार वाढवण्यासाठी आर्टिफिशियल इंटेलिजन्स AI उपयुक्त ठरू शकते. भारतासाठी, उत्पादकता वाढवण्यासाठी हे एक महत्त्वाचे साधन ठरू शकते. मागील एका सर्वेक्षणात, जागतिक बँकेला असे आढळले की भारतातील ३.४% कंपन्या कोणत्या ना कोणत्या स्वरूपात AI वापरतात, तर अमेरिकेत हे प्रमाण ४२.७% आहे.

जेव्हा AI च्या प्रगत स्तरांच्या वापराचा प्रश्न येतो, तेव्हा ही तफावत आणखी वाढते. जागतिक बँकेच्या एआय अवलंबन निर्देशांकावर भारताचा स्कोअर ०.२७ आहे, तर अमेरिकेचा ०.८५ आहे. खरे तर, भारतात AI अवलंबनाचा खर्च जास्त आहे. भारतातील केवळ ३.५% कंपन्यांनी एआय सॉफ्टवेअर किंवा सबस्क्रिप्शनसाठी पैसे दिले आहेत, तर अमेरिकेत हे प्रमाण २३.१% आहे.

Swiggy Financial Services : अन्न उद्योजकांसाठी सुवर्णसंधी! Swiggy Instamart कडून ₹5 कोटींपर्यंत कर्ज; NOICE ब्रँडचा मेगाप्लॅन