भारतीय हवाई दलाच्या शिरपेचात मानाचा तुरा! Air Marshal Vikram Gaur यांची ‘अतिरिक्त सचिवपदी’ नियुक्ती

Air Marshal Vikram Gaur Appointed Additional Secretary DMA: भारतीय हवाई दलाचे वरिष्ठ आणि अत्यंत अनुभवी अधिकारी एअर मार्शल विक्रम गौर यांची संरक्षण मंत्रालयांतर्गत येणाऱ्या 'डिपार्टमेंट ऑफ मिलिट्री अफेअर्स' (सैन्य व्यवहार विभाग) मध्ये अतिरिक्त सचिव या पदावर नियुक्ती करण्यात आली आहे.

• भारतीय हवाई दलाच्या शिरपेचात मानाचा तुरा!
• एअर मार्शल विक्रम गौर यांची कोणत्या महत्त्वाच्या पदावर नियुक्ती झाली आहे?
• ३२०० तासांपेक्षा जास्त उड्डाणाचा अनुभव

Air Marshal Vikram Gaur Appointed Additional Secretary DMA: भारतीय हवाई दल आणि देशाच्या संरक्षण व्यवस्थेसाठी एक अतिशय अभिमानास्पद आणि ऐतिहासिक क्षण आला आहे. भारतीय हवाई दलाचे वरिष्ठ आणि अत्यंत अनुभवी अधिकारी एअर मार्शल विक्रम गौर यांची संरक्षण मंत्रालयांतर्गत येणाऱ्या ‘डिपार्टमेंट ऑफ मिलिट्री अफेअर्स’ (सैन्य व्यवहार विभाग) मध्ये अतिरिक्त सचिव या पदावर नियुक्ती करण्यात आली आहे. ही नियुक्ती विशेष मानली जात आहे, कारण संरक्षण मंत्रालयाच्या या महत्त्वाच्या विभागात अतिरिक्त सचिवपद भूषवणारे ते भारतीय हवाई दलाच्या इतिहासातील पहिले अधिकारी ठरले आहेत. त्यांच्या या नियुक्तीमुळे भूदल, नौदल आणि हवाई दल यांच्यात अधिक चांगला समन्वय राखण्यास मदत होईल.

Well-being Pulse report: पालक आणि शाळांसाठी धोक्याची घंटा! १२ वीच्या मुलींमध्ये मुलांपेक्षा नैराश्याचे प्रमाण..

कारकीर्दीत सांभाळली अनेक महत्त्वाची पदे

एअर मार्शल विक्रम गौर यांची संरक्षण क्षेत्रातील कारकीर्द अतिशय नेत्रदीपक आणि प्रेरणादायी राहिली आहे. त्यांनी देशाच्या सुरक्षेशी संबंधित अनेक उच्च आणि संवेदनशील पदांवर राहून आपली सेवा दिली आहे. त्यांनी संरक्षण मंत्रालयात संयुक्त सचिव (हवाई आणि स्टाफ ड्युटी) म्हणूनही काम पाहिले आहे. याशिवाय, भारताच्या सुरक्षेच्या दृष्टीने अत्यंत महत्त्वाच्या आणि संवेदनशील असलेल्या जम्मू-कश्मीर आणि लडाख क्षेत्राचे ‘एअर ऑफिसर कमांडिंग’ (AOC) म्हणूनही त्यांनी अत्यंत कुशलतेने आपल्या जबाबदाऱ्या पार पाडल्या आहेत. या पदांवर असताना त्यांनी हवाई सुरक्षा आणि धोरणात्मक योजनांची अंमलबजावणी करण्यात महत्त्वाची भूमिका बजावली.

Benjamin Netanyahu education: बेंजामिन नेतन्याहू यांचे शिक्षण कुठे झाले? राजकारणात येण्यापूर्वी काय करायचे? जाणून घ्या

३२०० तासांपेक्षा जास्त उड्डाणाचा अनुभव

एअर मार्शल विक्रम गौर हे भारतीय हवाई दलाचे एक अत्यंत धाडसी लढाऊ पायलटही (Fighter Pilot) आहेत. त्यांच्याकडे हवाई दलातील लढाऊ विमाने उडवण्याचा दांडगा अनुभव आहे. भारताचे सर्वात आधुनिक आणि घातक लढाऊ विमान सुखोई-३० एमकेआय याच्यासह विविध फायटर जेट्स उडवण्याचा ३२०० तासांपेक्षा जास्त उड्डाणाचा अनुभव त्यांच्या नावावर आहे. त्यांच्या या प्रदीर्घ अनुभवाचा प्रत्यक्ष फायदा आता सैन्य व्यवहार विभागाच्या प्रशासकीय आणि धोरणात्मक योजना आखताना होणार आहे.