Non-Teaching Recruitment 2026: आंबेडकर विद्यापीठात नोकरीची सुवर्णसंधी; ‘या’ पदांसाठी अर्ज प्रक्रिया सुरू

AUD Non-Teaching Recruitment 2026: डॉ. बी. आर. आंबेडकर विद्यापीठ दिल्लीत ५६ गैर-शैक्षणिक पदांसाठी भरती जाहीर झाली आहे. २० ऑक्टोबरपर्यंत अर्ज करण्याची अंतिम तारीख आहे.

AUD Non-Teaching Recruitment 2026: देशातील एखाद्या प्रतिष्ठित शैक्षणिक संस्थेत नोकरी करू इच्छिणाऱ्या तरुणांसाठी एक उत्तम संधी उपलब्ध झाली आहे. डॉ. बी. आर. आंबेडकर विद्यापीठ दिल्ली (AUD) ने सरळ सेवा भरती आणि प्रतिनियुक्ति (डेलिगेशन) तत्त्वावर विविध ५६ गैर-शैक्षणिक (Non-Teaching) पदांसाठी पात्र उमेदवारांकडून अर्ज मागवले आहेत.

आंबेडकर विद्यापीठ दिल्लीतर्फे जाहीर करण्यात आलेल्या ५६ रिक्त जागांमध्ये इंटरनल ऑडिट ऑफिसर (१ पद), सिस्टम एडमिनिस्ट्रेटर – आयटी (१ पद), सेक्शन ऑफिसर (४ पद), सीनियर असिस्टंट (६ पद), स्टाफ नर्स (२ पद), स्पोर्ट्स कोच – महिला (१ पद), जुनियर लायब्ररी असिस्टंट (१ पद), आणि जुनियर असिस्टंट / जुनियर असिस्टंट कम केयरटेकर (४० पद) यांचा समावेश आहे.

अर्ज करण्याची अंतिम तारीख

या सर्व पदांसाठी ऑनलाइन पद्धतीने अर्ज स्वीकारले जाणार असून, अर्ज करण्याची अंतिम तारीख २० ऑक्टोबर ठरवण्यात आली आहे. इच्छुक व पात्र उमेदवार अंबेडकर विद्यापीठ दिल्लीच्या अधिकृत वेबसाइटवर जाऊन निश्चित मुदतीत आपली नोंदणी प्रक्रिया पूर्ण करू शकतात.

शैक्षणिक पात्रता

सिस्टम एडमिनिस्ट्रेटर (आयटी): मान्यताप्राप्त संस्थेतून किंवा विद्यापीठातून किमान ५०/५५ टक्के गुणांसह कॉम्प्युटर सायन्स/इन्फॉर्मेशन टेक्नॉलॉजीमधील पोस्ट-ग्रेजुएट पदवी/बी.टेक किंवा एमसीए (MCA).

सेक्शन ऑफिसर: पोस्ट-ग्रॅज्युएट पदवी.

सीनियर असिस्टंट: पदवीधर.

स्टाफ नर्स: बीएससी (ऑनर्स) नर्सिंग.

स्पोर्ट्स कोच (महिला): शारीरिक शिक्षणामध्ये बॅचलर किंवा मास्टर पदवी.

जुनियर लायब्ररी असिस्टंट: लायब्ररी सायन्स किंवा लायब्ररी अँड इन्फॉर्मेशन सायन्समध्ये बॅचलर पदवी.

जुनियर असिस्टंट: १२ वी उत्तीर्ण किंवा समतुल्य पात्रता, तसेच संगणकावर इंग्रजीमध्ये ३५ किंवा हिंदीमध्ये ३० शब्द प्रति मिनिट टायपिंग स्पीड.

इंटरनल ऑडिट ऑफिसर: सरकारी विभाग/संस्था/स्वायत्त संस्था किंवा सार्वजनिक क्षेत्रातील उपक्रमांमधील (PSU) असे अधिकारी, ज्यांना लेव्हल १२ च्या वेतनमान श्रेणीनुसार वित्त/लेखा/ऑडिट (Finance/Accounts/Audit) क्षेत्रात काम करण्याचा अनुभव आहे.
(टीप: याशिवाय सर्व पदांसाठी संबंधित क्षेत्रात निर्धारित वर्षांचा अनुभव असणे आवश्यक आहे.)

ISRO Scientist: वयाच्या ७८ व्या वर्षी इस्रोच्या ‘या’ माजी वैज्ञानिकाची कमाल; डॉ. कलाम आणि साराभाईंसोबत केले आहे काम

वयोमर्यादा

अर्ज करणाऱ्या उमेदवारांची कमाल वयोमर्यादा पदांनुसार २७ ते ५६ वर्षांच्या दरम्यान निश्चित करण्यात आली आहे. वयाची गणना अर्ज सादर करण्याच्या अंतिम तारखेच्या आधारे केली जाईल. नियमांनुसार आरक्षित प्रवर्गातील उमेदवारांना कमाल वयोमर्यादेत सूट देण्यात येईल.

अर्ज शुल्क

इंटरनल ऑडिट ऑफिसर आणि सिस्टम अॅडमिनिस्ट्रेटर (आयटी) या पदासाठी  १,००० रुपये अर्ज शुल्क भरावे लागेल. तर सेक्शन ऑफिसर, सीनियर असिस्टंट आणि स्टाफ नर्स या पदासाठी ५०० रुपये तर स्पोर्ट्स कोच, जुनियर लायब्ररी असिस्टंट आणि जुनियर असिस्टंट या पदांसाठी ३०० रुपये नोंदणी शुल्क भरावे लागेल.

Central Secretariat Library: ८.५ लाख पुस्तके धोक्यात! देशातील सर्वात जुनी लायब्ररी ‘या’ प्रोजेक्टमुळे हलवली जाणार!

निवड प्रक्रिया

पात्र उमेदवारांची निवड अर्जांची छाननी, मेरीटच्या आधारावर शॉर्टलिस्टिंग, परीक्षा/मुलाखत आणि कागदपत्र पडताळणी या टप्प्यांनुसार केली जाईल. निवड झालेल्या उमेदवारांना ७ व्या वेतन आयोगाच्या (7th CPC) शिफारसीनुसार लेव्हल २ ते लेव्हल १२ पर्यंत प्रतिमहिना वेतन दिले जाईल.

भरती, पात्रता आणि निवड प्रक्रियेबद्दल अधिक सविस्तर माहितीसाठी उमेदवारांना आंबेडकर विद्यापीठ दिल्लीच्या अधिकृत वेबसाइटवरील मूळ जाहिरात पाहण्याचा सल्ला दिला गेला आहे.