Anmol Sher Singh Bedi IFS: ‘परमाणू धमकीसमोर भारत झुकणार नाही!’ UN च्या मंचावरून पाकिस्तानवर धडकणारे अनमोल बेदी नेमके कोण?

Anmol Sher Singh Bedi IFS:  युपीएससी परीक्षेत घवघवीत यश मिळवून देशातील सर्वोच्च पदांवर सेवा बजावण्याचे स्वप्न पाहणाऱ्या तरुणांसाठी अनमोल शेर सिंह बेदी यांचा प्रवास अत्यंत प्रेरणादायी आहे. पंजाबच्या अमृतसरचे राहणारे अनमोल शेर सिंह बेदी यांनी २०१६ च्या युपीएससी सिव्हिल सर्व्हिस परीक्षेत पहिल्याच प्रयत्नात ऑल इंडिया रँक (AIR) २ मिळवली होती. विशेष म्हणजे, पुरुष उमेदवारांमध्ये ते टॉपर ठरले होते. इतके उत्तम यश मिळूनही त्यांनी बहुतांश तरुणांची पसंती असणारी ‘आयएएस’ (IAS) सेवा स्वीकारण्याऐवजी ‘भारतीय परराष्ट्र सेवा’ (IFS) निवडली, ज्याचा उद्देश जागतिक स्तरावर देशाचे प्रतिनिधित्व करणे हा होता.

विदेशी मंत्रालयाच्या सुवर्णपदकाने सन्मानित

अनमोल शेर सिंह बेदी यांची शैक्षणिक पार्श्वभूमी अतिशय मजबूत राहिली आहे. त्यांनी अमृतसरच्या स्प्रिंग डे स्कूलमधून शालेय शिक्षण पूर्ण केल्यानंतर देशातील प्रतिष्ठित ‘बिट्स पिलानी’ (BITS Pilani) मधून कॉम्प्युटर सायन्समध्ये बीटेक ही अभियांत्रिकी पदवी मिळवली. त्यानंतर त्यांनी सिव्हिल सर्व्हिस परीक्षा उत्तीर्ण करत थेट आंतरराष्ट्रीय राजकारणी आणि मुत्सद्दी बनण्याचा मार्ग धरला.

How to Get Job in Google: IIT ची डिग्री नसतानाही कशी मिळवली गुगलमध्ये नोकरी? जाणून घ्या समृद्धी शर्माचा गुगलपर्यंतचा प्रवास

आयएफएस प्रशिक्षण काळात उत्कृष्ट कामगिरी केल्याबद्दल त्यांना तत्कालीन परराष्ट्र मंत्री सुषमा स्वराज यांच्या हस्ते ‘बेस्ट ऑफिसर ट्रेनी’ म्हणून विदेश मंत्रालयाच्या सुवर्णपदकाने (Gold Medal) सन्मानित करण्यात आले होते.

भारताचे स्थायी मिशनमध्ये वरिष्ठ सल्लागार

सध्या अनमोल शेर सिंह बेदी स्विट्झर्लंडच्या जिनेवा येथे युनायटेड नेशन्सच्या (UN) निरस्त्रीकरण परिषदेत भारताचे स्थायी मिशनमध्ये वरिष्ठ सल्लागार म्हणून कार्यरत आहेत. नुकतेच त्यांनी संयुक्त राष्ट्रांच्या महासभेच्या बैठकीत भारताची बाजू मांडताना पाकिस्तानला सडेतोड उत्तर दिले.

NEET PG Counseling 2026: नीट पीजी समुपदेशनाची पहिली फेरी सुरू! ‘या’ तारखेपर्यंत करता येणार अर्ज; संपूर्ण वेळापत्रक जाणून घ्या

आपल्या भाषणात त्यांनी स्पष्ट शब्दांत सुनावले की, परमाणु शस्त्रांचा वापर ब्लॅकमेलिंग किंवा गीदड़ भभकी देण्यासाठी केला जाऊ नये आणि भारत कोणत्याही प्रकारच्या परमाणु ब्लॅकमेलसमोर झुकणार नाही. अभियांत्रिकीचे शिक्षण ते जिनेवामधील प्रभावी राजनैतिक कारकिर्दीपर्यंतचा अनमोल बेदींचा हा प्रवास आजच्या तरुणाईसाठी एका मोठ्या आदशार्माप्रमाणे आहे.