रविवार, 23 ऑगस्ट 2026
फोटो सौजन्य- सोशल मीडिया
Bank Of Baroda recruitment : बँकिंग क्षेत्रात आपले करिअर घडवण्याचा विचार करणाऱ्या तरुणांसाठी एक उत्तम संधी समोर आली आहे. जर तुमच्यात पारंपरिक आणि घोकंपट्टीच्या अभ्यासापेक्षा बँकिंग क्षेत्रात काहीतरी मोठे करून दाखवण्याचे धाडस असेल, तर बँक ऑफ बडोदा (BOB) ने तुमच्यासाठी आपले दरवाजे उघडले आहेत. बँक ऑफ बडोद्याने अधिकृत अधिसूचनेद्वारे २,४८२ पदांवर लोकल बँक ऑफिसर भरतीची माहिती जाहीर केली आहे. यामुळे देशभरातील इच्छुकांसाठी एक मोठी संधी उपलब्ध झाली आहे.
सर्वात महत्त्वाची गोष्ट म्हणजे, ही एलबीओची कोणतीही तात्पुरती किंवा कंत्राटी नोकरी नसून थेट रेग्युलर पदाची भरती आहे. तुमच्याकडे ग्रॅज्युएशनची पदवी आणि बँक ऑफिसर म्हणून १ वर्षाचा अनुभव असल्यास, ही संधी अजिबात हातातून जाऊ देऊ नका.
बँक ऑफ बडोद्याने जुनियर मॅनेजमेंट ग्रेड स्केल-I मधील २,४८२ लोकल बँक ऑफिसर पदांच्या भरतीसाठी अर्ज मागवले आहेत. पात्र आणि इच्छुक उमेदवार BOB च्या अधिकृत वेबसाइटवर जाऊन अर्ज करू शकतात. या पदासाठी अर्ज करण्याची प्रक्रिया १८ ऑगस्ट २०२६ पासून सुरू झाली आहे. तर, ७ सप्टेंबर २०२६ पर्यंत अर्ज करता येईल. अर्ज शुल्क भरण्याची अंतिम तारीख देखील ७ सप्टेंबर २०२६ हीच आहे.
शैक्षणिक पात्रता: कोणत्याही मान्यताप्राप्त विद्यापीठातून कोणत्याही शाखेतून ग्रॅज्युएशन पूर्ण केलेले उमेदवार अर्ज करू शकतात. याशिवाय, उमेदवाराला ज्या राज्यासाठी अर्ज करायचा आहे, तेथील स्थानिक भाषा वाचता, लिहिता आणि बोलता आली पाहिजे. स्थानिक भाषेचे ज्ञान असणारे उमेदवार या भरतीसाठी पात्र आहेत. तसेच कोणत्याही शेड्युल्ड कमर्शियल बँकेत अधिकारी म्हणून किमान १ वर्षाचा कामाचा अनुभव असणे आवश्यक आहे.
वय मर्यादा: किमान २१ वर्षे ते कमाल ३० वर्षे वयोमर्यादा असलेले उमेदवार अर्ज करू शकतात. वयाची गणना १ ऑगस्ट २०२६ च्या आधारावर केली जाईल. आरक्षित वर्गातील उमेदवारांना नियमानुसार कमाल वयोमर्यादेत सूट दिली जाईल.
१. सर्वप्रथम अधिकृत वेबसाइट bankofbaroda.bank.in वर जा.
२. होमपेजवर दिलेल्या ‘Career’ च्या सेक्शनवर क्लिक करा.
३. त्यानंतर ‘Current Opportunities’ वर क्लिक करा.
४. लेटेस्ट नोटिफिकेशनमध्ये तुम्हाला ‘Local Bank Officer 2026’ भरतीची लिंक दिसेल.
५. त्यावर क्लिक करून आपली नोंदणी प्रक्रिया पूर्ण करा.
६. लॉगिन केल्यानंतर विचारलेली सर्व आवश्यक कागदपत्रे अपलोड करा.
७. त्यानंतर अर्ज शुल्क जमा करा आणि फॉर्म सबमिट करा.
८. कन्फर्मेशन पेज डाउनलोड करा किंवा त्याची प्रिंट काढून सुरक्षित ठेवा.
बँक ऑफ बडोदाच्या एलबीओ भरती अधिसूचनेनुसार, अर्ज करणाऱ्या उमेदवारांना ऑनलाइन परीक्षा द्यावी लागेल. या परीक्षेत उत्तीर्ण झाल्यानंतर उमेदवारांना ग्रुप डिस्कशन किंवा मुलाखतीसाठी बोलावले जाईल. त्यानंतर अंतिम मेरीट लिस्ट जाहीर केली जाईल, ज्यामध्ये यशस्वी झालेले उमेदवार आपली नावे पाहू शकतील.
बँक ऑफ बडोदामध्ये लोकल बँक ऑफिसर पदाच्या भरतीसाठी सीबीटी परीक्षेचे आयोजन केले जाईल. या परीक्षेत सहभागी होणाऱ्या उमेदवारांना एकूण २ तासांचा वेळ दिला जाईल. एकूण १२० प्रश्न विचारले जातील, जे प्रत्येक १ गुणाचे म्हणजेच एकूण १२० गुणांचे असतील. प्रत्येक चुकीच्या उत्तरासाठी ०.२५ गुण वजा केले जातील. एखादा प्रश्न सोडवला नाही तर त्याचे गुण कापले जाणार नाहीत, तसेच कोणतेही गुण मिळणार नाहीत.
