२७ वर्षांनंतर जिल्हा बँकेवर काँग्रेसचा अध्यक्ष; महेंद्र लाड यांची बिनविरोध निवड
जिल्हा बँकेच्या सत्तावाटपात अध्यक्ष आणि उपाध्यक्षपदाची मागणी भाजपकडून करण्यात आली होती. अध्यक्षपदावर एक वर्षासाठी संधी द्यावी, असा प्रस्तावही भाजपने आघाडीसमोर ठेवल्याची चर्चा होती. मात्र, प्रत्यक्ष निवडणूक प्रक्रियेत भाजपच्या मागणीला स्थान मिळाले नाही. भाजपचे आमदार गोपीचंद पडळकर वगळता पक्षाचे अन्य संचालक जिल्हा परिषद अध्यक्षांच्या बंगल्यावर झालेल्या बैठकीस उपस्थित होते. माजी मंत्री अजितराव घोरपडे मात्र जिल्हा बँकेत उपस्थित होते.
महेंद्र लाड हे आमदार विश्वजित कदम यांचे जवळचे नातेवाईक असल्याने या निवडीला राजकीय महत्त्व प्राप्त झाले आहे. कदम यांनी अध्यक्षपदाच्या माध्यमातून जिल्हा बँकेतील सत्तासमीकरणात आपले स्थान अधोरेखित केले आहे. दुसरीकडे, उपाध्यक्षपद शिवसेनेच्या वाट्याला गेले आहे. अध्यक्ष व उपाध्यक्षपदाची निवड बिनविरोध झाल्याने राजकीय संघर्ष टळला असला, तरी भाजपच्या पदवाटपाच्या मागणीचे काय झाले, याची चर्चा राजकीय वर्तुळात सुरू आहे. या निवड प्रक्रियेत महत्त्वाची भूमिका बजावणारे विश्वजित कदम आणि जयंत पाटील बाहेरगावी असल्याचे नेत्यांकडून सांगण्यात आले.
जिल्हा बँकेच्या इतिहासात २७ वर्षांनंतर काँग्रेसला अध्यक्षपद मिळाले आहे. विलासराव शिंदे हे काँग्रेसचे शेवटचे अध्यक्ष ठरले होते, १९९७ नंतर पुन्हा काँग्रेसला संधी मिळाली त्यामुळे या निवडीकडे केवळ पदाधिकारी निवड म्हणून नव्हे, तर जिल्ह्यातील सहकार क्षेत्रातील बदलत्या राजकीय समीकरणांचा भाग म्हणून पाहिले जात आहे.
राज्यातील वातावरणात होतोय बदल; विदर्भासह मराठवाड्यात पावसाची शक्यता
Ans: महेंद्र लाड यांची सांगली जिल्हा मध्यवर्ती सहकारी बँकेच्या अध्यक्षपदी बिनविरोध निवड झाली.
Ans: शिवसेनेचे तानाजी पाटील यांची उपाध्यक्षपदी निवड झाली.
Ans: तब्बल २७ वर्षांनंतर सांगली जिल्हा बँकेच्या अध्यक्षपदी काँग्रेसचा नेता विराजमान झाला आहे.






