Exim Bank Recruitment 2026: (फोटो सौजन्य- सोशलमीडिया)
भारतीय निर्यात-आयात बँकेने म्हणजे एक्झिम बँकेने मॅनेजमेंट ट्रेनी आणि मॅनेजर या पदांच्या थेट भरतीसाठी जाहिरात काढलीय.या भरतीमध्ये एकूण 120 जागांसाठी अर्ज मागवलेत. 27 नोव्हेंबर 2026 पासून ऑनलाईन अर्जाची प्रक्रिया सुरू होईल. अर्ज करायची आणि परीक्षा फी भरायची शेवटची तारीख 11 डिसेंबर 2026 आहे. तर लेखी परीक्षा डिसेंबर 2026 मध्येच होण्याची शक्यता आहे. त्यामुळे वेळ वाया घालवू नका. Exim Bank Recruitment 2026:
या भरतीत मॅनेजमेंट ट्रेनीच्या एकूण 90 जागा आणि मॅनेजर पदाच्या एकूण 30 जागा आहेत. मॅनेजमेंट ट्रेनीसाठी बँकिंग ऑपरेशन्स, ट्रेझरी अँड अकाऊंट्स, इंटरनॅशनल रिलेशन्स, इंटरनल ऑडिट, कॉम्प्लायन्स, ईएसजी, रिस्क मॅनेजमेंट, सायबर सिक्युरिटी, लीगल, डिजिटल टेक्नॉलॉजी, ह्यूमन रिसोर्स मॅनेजमेंट, अॅडमिनिस्ट्रेशन आणि कॉर्पोरेट कम्युनिकेशन्स अशा वेगवेगळ्या विभागात जागा आहेत.
मॅनेजर पदासाठी क्रेडिट अप्रायझल, लोन ऑपरेशन्स, स्पेशल सिच्युएशन्स ग्रुप / रिकव्हरी, रिस्क मॅनेजमेंट, कॉम्प्लायन्स, इंटरनल ऑडिट, एमएसएमई, सस्टेनेबल एंटरप्राइज अँड एक्सपोर्ट डेव्हलपमेंट आणि कॉर्पोरेट कम्युनिकेशन्स / सीएसआर या विभागात भरती होणार आहे.
संबंधित पदांनुसार कमीत कमी 60 टक्के गुणांसह पदवी आणि पदव्युत्तर पदवी, सीए, आयसीएसआय किंवा सीआयएसए असं शिक्षण ठरवलंय. मॅनेजर पदासाठी संबंधित क्षेत्रात कमीत कमी 4 वर्षांचा अनुभव लागेल. 1 नोव्हेंबर 2026 रोजी मॅनेजमेंट ट्रेनीसाठी वय 21 ते 28 वर्षे आणि मॅनेजरसाठी 24 ते 30 वर्षे असावं. राखीव वर्गाला नियमानुसार वयात सूट मिळेल.
मॅनेजमेंट ट्रेनींना एक वर्षाच्या ट्रेनिंग काळात दरमहा 65000 रुपये स्टायपेंड मिळेल. ट्रेनिंग नीट पूर्ण केल्यावर त्यांची डेप्युटी मॅनेजर (जेएम-1) पदावर नेमणूक होईल. त्यांचा सुरुवातीचा वार्षिक सीटीसी अंदाजे 25 लाख रुपये असेल. मॅनेजर पदासाठी सुरुवातीचा वार्षिक सीटीसी अंदाजे 30 लाख रुपये राहील. मॅनेजमेंट ट्रेनींना 3 लाख रुपयांचा पर्सनल बाँड भरावा लागेल. तर मॅनेजरसाठी कमीत कमी 3 वर्षांच्या सेवेचा बाँड लागू राहील.
निवड लेखी परीक्षा आणि पर्सनल मुलाखतीने होईल. लेखी परीक्षेला 70 टक्के आणि मुलाखतीला 30 टक्के वेटेज राहील. लेखी परीक्षा चेन्नई, गुवाहाटी, कोलकाता, मुंबई आणि नवी दिल्ली इथे होईल. तर मुलाखती मुंबई किंवा नवी दिल्ली इथे घेतल्या जातील.
जनरल आणि ओबीसी उमेदवारांसाठी 600 रुपये फी आहे. तर एससी, एसटी, पीडब्ल्यूबीडी, ईडब्ल्यूएस आणि महिला उमेदवारांना फक्त 100 रुपये इंटीमेशन चार्जेस भरावे लागतील. उमेदवारांनी https://www.eximbankindia.in/careers या वेबसाईटवरून ऑनलाईन अर्ज करावा. आणि ठरलेल्या नियमानुसार फोटो, सही, डाव्या अंगठ्याचा ठसा आणि इंग्रजीतलं स्वयंघोषणापत्र अपलोड करावं. जर तुम्ही बँकेत नोकरीचं स्वप्न बघत असाल तर ही चांगली संधी आहे. शेवटच्या तारखेची वाट बघू नका, आधीच अर्ज करून टाका.
Ans: एकूण १२० जागा असून मॅनेजमेंट ट्रेनीच्या ९० आणि मॅनेजरच्या ३० जागा आहेत.
Ans: ऑनलाइन अर्ज प्रक्रिया २७ नोव्हेंबर २०२६ पासून सुरू होणार आहे.
Ans: ११ डिसेंबर २०२६ ही अर्ज करण्याची आणि परीक्षा फी भरण्याची अंतिम तारीख आहे.






