Bank of India Recruitment 2026: बँक ऑफ इंडियामध्ये बंपर भरती! स्पेशालिस्ट ऑफिसर पदाच्या २०५ जागांसाठी अर्ज प्रक्रिया सुरू!

Bank of India Recruitment 2026: बँक ऑफ इंडियामध्ये स्पेशालिस्ट ऑफिसरच्या २०५ जागांसाठी भरती जाहीर झाली आहे. इच्छुक उमेदवार १० ते २५ सप्टेंबर २०२६ दरम्यान ऑनलाईन अर्ज सादर करू शकतात.

• बँक ऑफ इंडियामध्ये २०५ रिक्त जागांसाठी भरती
•  इच्छुक उमेदवार ‘स्पेशालिस्ट ऑफिसर’ या पदासाठी अर्ज करू शकतात
• महिला उमेदवारांसाठी १७५ रुपये अर्ज शुल्क भरावे लागणार
• उमेदवारांची ऑनलाईन परीक्षा आणि मुलाखतीद्वारे होणार निवड

Bank of India Recruitment 2026:  बँक ऑफ इंडियाने देशभरातील पात्र आणि इच्छुक उमेदवारांसाठी ‘स्पेशालिस्ट ऑफिसर’ (Specialist Officer) संवर्गांतर्गत विविध पदांची नवी भरती जाहिरात प्रसिद्ध केली आहे. या भरती मोहिमेद्वारे एकूण २०५ रिक्त जागा भरल्या जाणार असून यामध्ये मुख्य व्यवस्थापक, वरिष्ठ व्यवस्थापक, व्यवस्थापक आणि अधिकारी यांसारख्या Scale I ते IV पर्यंतच्या पदांचा समावेश आहे.

ऑनलाईन अर्ज प्रक्रिया सुरू

या भरतीसाठी ऑनलाइन अर्ज करण्याची प्रक्रिया १० सप्टेंबर २०२६ पासून अधिकृत संकेतस्थळावर सुरू होत असून, अर्ज करण्याची अंतिम तारीख २५ सप्टेंबर २०२६ निश्चित करण्यात आली आहे. वयोमर्यादा, शैक्षणिक पात्रता आणि अनुभवाचे निकष तपासण्यासाठी ०१ ऑगस्ट २०२६ ही कट-ऑफ तारीख ठरवण्यात आली आहे.

Free digital education: लाखोंच्या कोचिंगची गरज संपली; ‘हे’ ५ शासकीय प्लॅटफॉर्म्स देतात IIT-IIM दर्जाचे शिक्षण अगदी फुकट

शैक्षणिक पात्रतेमध्ये प्रामुख्याने अभियांत्रिकी पदवी (B.E./B.Tech), MCA, M.Sc. (Computer Science/IT) किंवा पदवानुसार कायद्याची पदवी (LLB) असणे आवश्यक आहे. याशिवाय, विविध तांत्रिक आणि व्यवस्थापकीय पदांसाठी संबंधित क्षेत्रातील अनुभवाची अट देखील लागू करण्यात आली आहे.

उमेदवारांची ऑनलाईन परीक्षा आणि मुलाखतीद्वारे होणार निवड

निवड प्रक्रियेमध्ये उमेदवारांना ऑनलाईन परीक्षा आणि त्यानंतर मुलाखतीला सामोरे जावे लागेल. जनरल, ओबीसी आणि ईडब्ल्यूएस प्रवर्गातील उमेदवारांसाठी अर्ज शुल्क १,१८० रुपये असून एससी, एसटी आणि महिला उमेदवारांसाठी १७५ रुपये शुल्क आकारले जाईल.

Naukri JobSpeaks Report: नोकरीच्या शोधात असलेल्या फ्रेशर्ससाठी आनंदाची बातमी! ‘या’ क्षेत्रातील भरतीला मिळाला जोरदार वेग

निवड झालेल्या उमेदवारांना स्केलनुसार आकर्षक वेतनश्रेणी दिली जाणार असून, उच्च पदांसाठी कमाल वेतन १,२०,९४० रुपयांपर्यंत असणार आहे. नोकरीचे ठिकाण संपूर्ण भारत असणार असून, इच्छुकांनी अंतिम मुदतीपूर्वी बँक ऑफ इंडियाच्या अधिकृत संकेतस्थळावरून आपले अर्ज ऑनलाइन पद्धतीने सादर करणे आवश्यक आहे.

अर्ज कसा करावा?

१. बँक ऑफ इंडियाच्या अधिकृत संकेतस्थळाला (bankofindia.co.in) भेट द्या.

२. करिअर सेक्शनमधील ‘Recruitment Process’ वर क्लिक करा.

३. संबंधित भरतीची जाहिरात वाचून ऑनलाईन अर्ज भरा.

४. आवश्यक कागदपत्रे अपलोड करून अर्ज शुल्क भरा आणि फॉर्म सबमिट करा.

५. भविष्यातील संदर्भासाठी अर्ज केलेल्या फॉर्मची प्रिंटआउट जतन करा.