Bharati Vidyapeeth: भारती विद्यापीठात प्राध्यापक होण्याची सुवर्णसंधी! ‘या’ महाविद्यालयांत ३२ जागांसाठी थेट मुलाखत

Bharati Vidyapeeth vacancy 2026: भारती विद्यापीठाच्या सांगली व कडेगाव महाविद्यालयांत तासिका तत्त्वावर (CHB) प्राध्यापक पदांसाठी ३२ जागांवर थेट मुलाखत १ सप्टेंबर २०२६ रोजी होणार आहे.

Bharati Vidyapeeth vacancy 2026:  भारती विद्यापीठाच्या संस्थापक डॉ. पतंगराव कदम यांच्या प्रेरणेने सांगली आणि कडेगाव येथील महाविद्यालयांमध्ये शैक्षणिक वर्ष २०२६-२०२७ करीता विविध विषयांच्या प्राध्यापक पदांसाठी भरती प्रक्रिया जाहीर करण्यात आली आहे. भारती विद्यापीठांतर्गत येणाऱ्या सांगली येथील ‘डॉ. पतंगराव कदम महाविद्यालय’ आणि कडेगाव येथील ‘मातोश्री बयाबाई श्रीपतराव कदम महाविद्यालय’ या दोन्ही ठिकाणी तासिका तत्त्वावर (CHB) अध्यापकांची नियुक्ती केली जाणार आहे.

महाराष्ट्र शासनाच्या उच्च व तंत्र शिक्षण विभागाच्या नियमांनुसार आणि कोल्हापूरच्या विभागीय सहसंचालकांच्या ना-हरकत प्रमाणपत्राच्या आधारे ही पदे केवळ तात्पुरत्या स्वरूपात भरण्यात येत आहेत.

कंत्राटी स्वरूपात भरती

या भरती मोहिमेत इंग्रजी, मराठी, हिंदी, अर्थशास्त्र, मानसशास्त्र/तर्कशास्त्र, समाजशास्त्र, शारीरिक शिक्षण, वाणिज्य, रसायनशास्त्र, पदार्थ विज्ञान, वनस्पतीशास्त्र, प्राणिशास्त्र, संख्याशास्त्र, सूक्ष्मजीवशास्त्र आणि गणित या विषयांच्या एकूण ३२ जागांसाठी थेट मुलाखतीचे आयोजन करण्यात आले आहे. या तासिका तत्त्वावरील (CHB) प्राध्यापकांची नियुक्ती एका शैक्षणिक वर्षासाठी म्हणजेच जास्तीत जास्त ९ महिन्यांच्या कालावधीसाठी असणार असून, त्यानंतर ही नियुक्ती आपोआप संपुष्टात येईल.

Azim Premji Scholarship 2026 साठी अर्ज करण्याची आज शेवटची तारीख; पात्र विद्यार्थिनींनी असा करा अर्ज

या नियुक्त्या पूर्णपणे तात्पुरत्या स्वरूपाच्या असल्यामुळे भविष्यात नियमित सेवेचा कोणताही हक्क वा दावा संबंधित उमेदवाराला सांगता येणार नाही. तसेच, निवड झालेल्या उमेदवारास आपण इतर कोणत्याही महाविद्यालयात काम करत नसल्याबाबतचे ५०० रुपयांच्या स्टॅम्प पेपरवर हमीपत्र देणे बंधनकारक राहणार आहे.

निवड प्रक्रिया

इच्छुक आणि पात्र उमेदवारांसाठी दिनांक ०१ सप्टेंबर २०२६ रोजी सकाळी ९:३० ते १०:३० या वेळेत उपस्थितीची नोंदणी ठेवली असून, त्यानंतर सकाळी १०:३० वाजल्यापासून मुलाखतीस प्रारंभ होईल. मुलाखतीचे ठिकाण ‘भारती विद्यापीठाचे मातोश्री बयाबाई श्रीपतराव कदम महाविद्यालय, कडेगाव, ता. कडेगाव, जि. सांगली’ हे ठरवण्यात आले आहे.

NEET PG २०२६ ची उत्तरतालिका कधी जाहीर होणार? जाणून घ्या मार्किंग स्कीम आणि फेरपरीक्षेचे वेळापत्रक!

उमेदवारांनी मुलाखतीसाठी येताना आपले अर्ज आणि सर्व आवश्यक मूळ कागदपत्रांसह त्यांच्या साक्षांकित छायाप्रती सोबत आणणे आवश्यक आहे. यासंदर्भातील सविस्तर जाहिरात शिवाजी विद्यापीठाच्या अधिकृत संकेतस्थळावर (www.unishivaji.ac.in) उपलब्ध करून देण्यात आली आहे.