BCCI मध्ये सुद्धा सरकारी नोकरी आहेत का? Vacancy बाबत कसे समजणार? जाणून घ्या सर्वकाही

BCCI हा जगातील सर्वात मोठ्या क्रिकेट बोर्डपैकी एक आहे. मात्र, या बोर्डात अनेक सरकारी नोकरी सुद्धा असते का? चला या प्रश्नाचे उत्तर जाणून घेऊयात.

• BCCI जगातील सर्वात श्रीमंत बोर्डपैकी एक
• या बोर्डात वॅकन्सी सुरु आहे, हे कसे समजणार?
• जाणून घ्या संपून माहिती

बीसीसीआय म्हणजेच Board of Control for Cricket in India हे केवळ भारतातीलच नव्हे, तर जगातील सर्वात श्रीमंत क्रिकेट बोर्डपैकी एक मानले जाते. भारतातील आंतरराष्ट्रीय सामने असोत किंवा देशांतर्गत स्पर्धा, खेळाडूंचे प्रशिक्षण असो किंवा क्रिकेटशी संबंधित इतर सर्व उपक्रम, या सगळ्याची जबाबदारी बीसीसीआयकडेच असते. त्यामुळेच येथे नोकरी मिळवणे हे अनेकांचे स्वप्न असते, कारण प्रतिष्ठा, चांगला पगार आणि थेट क्रिकेट विश्वाशी जोडले जाण्याची संधी येथे मिळते.

मात्र अनेकांच्या मनात हा प्रश्न असतो की, बीसीसीआयमध्ये सरकारी नोकऱ्या सुद्धा निघतात का? तसेच बीसीसीआयच्या भरतीची माहिती कशी काय मिळते? याबाबत सविस्तर माहिती जाणून घेऊया.

संजय दत्तला मारलं, मुंबईचा चेहरा बदलावला, 1993 बॉम्बस्फोट आणि 26/11 उकलणारा ‘सुपरकॉप’; IPS राकेश मारिया पुन्हा चर्चेत

बीसीसीआयमध्ये सरकारी नोकरीसारखी भरती प्रक्रिया नाही!

बीसीसीआय ही सरकारी संस्था नाही. त्यामुळे येथे सरकारी नोकऱ्यांप्रमाणे ठरावीक भरती प्रक्रिया किंवा स्पर्धा परीक्षा पद्धत नाही. मात्र, केंद्र सरकारचे क्रीडा मंत्रालय अप्रत्यक्षपणे काही बाबींमध्ये भूमिका बजावते. बीसीसीआयमध्ये वेळोवेळी विविध पदांसाठी भरती केली जाते. या भरती वेगवेगळ्या विभागांमध्ये असतात. यामध्ये मॅनेजमेंट, प्रशासन, मीडिया आणि मार्केटिंग, टेक्निकल टीम, मेडिकल टीम तसेच कोचिंग आणि सपोर्ट स्टाफ यांचा समावेश होतो.

बीसीसीआयच्या भरतीची माहिती कशी मिळते?

बीसीसीआयकडील सर्व रिक्त पदांची माहिती त्यांच्या अधिकृत वेबसाइटवर प्रसिद्ध केली जाते. जर तुम्हाला बीसीसीआयमध्ये नोकरीसाठी अर्ज करायचा असेल, तर तुम्ही www.bcci.tv या अधिकृत वेबसाइटला भेट देऊ शकता. तसेच खास जॉब्ससाठी असलेल्या www.bcci.tv/jobs या पेजवरही भरतीविषयक नोटिफिकेशन्स दिली जातात. बीसीसीआयकडील सर्व भरतीची अधिकृत माहिती याच वेबसाइटवरून जाहीर केली जाते.

JEE Main 2026 ऑफलाइन होणार? एक चूक ठरू शकते महाग, विद्यार्थ्यांनी आताच करावी ‘अशी’ तयारी

बीसीसीआयमध्ये नोकरी कशी मिळते आणि पगार किती असतो?

बीसीसीआयमध्ये नोकरी मिळवण्यासाठी सरकारी परीक्षेसारखी दीर्घ प्रक्रिया नसते. सर्वप्रथम बीसीसीआयच्या वेबसाइटवर जाऊन उपलब्ध जॉब नोटिफिकेशन काळजीपूर्वक वाचावे लागते. त्यानंतर तुमच्या पात्रतेनुसार तुमचा Resume ईमेलद्वारे पाठवावा लागतो. काही पदांसाठी बीसीसीआयकडून लेखी परीक्षा किंवा मुलाखतही घेतली जाते. ही प्रक्रिया यशस्वीरीत्या पूर्ण केल्यानंतर तुम्हाला नोकरी मिळू शकते.

बीसीसीआयमधील कर्मचाऱ्यांचा पगार त्यांच्या पदावर आणि अनुभवावर अवलंबून असतो. सुरुवातीच्या स्तरावर सुमारे 20,000 ते 30,000 रुपये प्रतिमाह पगार मिळू शकतो. मात्र अनुभव आणि जबाबदारी वाढल्यानंतर हा पगार लाखोंपर्यंत जाऊ शकतो. याशिवाय बीसीसीआयकडून केंद्रीय करार असलेल्या खेळाडूंनाही वेगळी वार्षिक सॅलरी दिली जाते, जी विविध ग्रेडनुसार ठरवली जाते.